სახალხო დამცველის, უჩა ნანუაშვილის თქმით, თბილისში, ბერი გაბრიელ სალოსის ქუჩაზე ჩატარებულ სპეცოპერაციასთან დაკავშირებით შეკითხვები არსებობს.
მისივე განცხადებით, გამოძიებამ ყველა იმ კითხვას უნდა გასცეს პასუხი, რომელიც წარმოიშვა საზოგადოებაში.
„როგორ მოხვდა ჩატაევი საქართველოს ტერიტორიაზე?! გამოძიებამ ყველა იმ კითხვას უნდა გასცეს პასუხი, რომელიც წარმოიშვა სპეცოპერაციასთან დაკავშირებით. იმედი მაქვს, უახლოეს დღეებში საზოგადოებას უფრო მეტი დეტალი ეცოდინება ხელისუფლებისგან. ტერორიზმში ბრალი აჰმედ ჩატაევს ორი წლის წინ წაუყენეს, შესაბამისად მანამდე მას ადამიანის უფლებათა ევროპული სასამართლო იცავდა. მას ლტოლვილის სტატუსი მისცა ავსტრიის ხელისუფლებამ და შეიძლება ითქვას, რომ ინფორმაცია მისი ტერორიზმთან კავშირის შესახებ მანამდე არ არსებობდა. ნებისმიერი უფლებადამცველის დამოკიდებულება უნდა იყოს მსგავსი და დაიცვას ნებისმიერი ადამიანი. იქ სხვა სახის დარღვევებზე იყო საუბარი. როგორც იცით, მას ბრალი არ დაუდასტურდა და საბოლოო ჯამში, გამამართლებელი განაჩენი დადგა", განაცხადა სახალხო დამცველმა.
ვახტანგ გომელაურის განცხადებით, არსებობს ეჭვი, რომ სპეცოპერაციისას ლიკვიდირებულთა შორის ახმედ ჩატაევი შეიძლება იყოს, თუმცა ზუსტი პასუხი ექსპერტიზის შემდეგ იქნება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.