საპარლამენტო უმრავლესობის ლიდერის, არჩილ თალაკვაძის განცხადებით, სტრასბურგის სასამართლომ პირდაპირ თქვა, რომ ყოფილი შს მინისტრის, ვანო მერაბიშვილის დაკავებაში პოლიტიკური მოტივი და მისი პოლიტიკიდან ჩამოცილების მოტივი არ ყოფილა.
თალაკვაძე პარლამენტის პლენარულ სხდომაზე გამოეხმაურა დეპუტატ ოთარ კახიძეს, რომლის განცხადებითაც, სტრასბურგის სასამართლომ დაადგინა, რომ ხელისუფლება მერაბიშვილის პატიმრობას მისგან ინფორმაციის გამოძალვის მიზნით იყენებდა.
„ერთი ნაწილი მესმის, რაზეც სტრასბურგის სასამართლომ გადაწყვეტილება მიიღო. მთელი დემოკრატული სამყარო სასამართლოს გადაწყვეტილებას პატივს სცემს, მეორეს მხრივ კი დავინახე, რა მოხდენილად შეაცურე სტრასბურგის გადაწყვეტილებაში პოლიტიკური მოტივი და პოლიტიკური ნიშნით დევნა ახსენე. სასამართლომ პირდაპირ თქვა, რომ ვანო მერაბიშვილის დაკავებაში პოლიტიკური მოტივი და მისი პოლიტიკიდან ჩამოცილების მოტივი არ ყოფილა. ქვეყნის იმიჯისთვის უფრო დიდი მნიშვნელობა აქვს, რომ სისტემური დანაშაული დაუსჯელი არ დარჩეს”, განაცხადა არჩილ თალაკვაძემ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.