პრეზიდენტ მარგველაშვილის მიერ დასმულ შეკითხვას - „თუ რატომ გაქრა პოლიტიკური ველიდან კვირიკაშვილი? რა დააშავა ამ ადამიანმა?“ - პოლიტოლოგი გია ნოდია გადაცემა „კვირის აქცენტებში“ ეხმაურება და ამბობს, რომ გიორგი მარგველაშვილი, თუკი დავივიწყებთ, რომ იგი პრეზიდენტია, ექსპერტის პრიზმიდან „ირონიით საუბრობდა კვირიკაშვილის გათავისუფლებაზე“ ანდა, მეორე ვარიანტში, თუკი „გავიხსენებთ, რომ ის პრეზიდენტია, შესაძლოა, ეს ეჭვიც გაგვიჩნდეს, რომ ის ეძებს პოლიტიკურ მოკავშირეებს“.
„მარგველაშვილის ეს გამონათქვამი შეგვიძლია მოვისმინოთ ორნაირად. ერთი - მარგველაშვილი სანამ პრეზიდენტი გახდებოდა, ერთხანს მინისტრი იყო, განათლების, მაგრამ ხშირად გამოდიოდა როგორც ექსპერტი და მიმომხილველი და ახლა შეგვიძლია ვთქვათ, რომ ეს იყო ერთ-ერთი ქართველი ექსპერტის გამოსვლა, რომელიც ირონიით საუბრობდა კვირიკაშვილის გათავისუფლებაზე - შეიძლება ასეც გავიგოთ, თუ დავივიწყებთ, რომ ის პრეზიდენტია. თუ გავიხსენებთ, რომ ის პრეზიდენტია და შეიძლება მომავალი კანდიდატი იყოს, რა თქმა უნდა, შეგვიძლია ეს ეჭვიც გაგვიჩნდეს, რომ ის ეძებს პოლიტიკურ მოკავშირეებს. ჩემი აზრით, ცოტა უცნაური კანდიდატია, თუკი არის კანდიდატი - იმიტომ რომ სულ რაღაც ისეთ შთაბეჭდილებას ქმნის, რომ შეიძლება კენჭი იყაროს, მაგრამ ივლისი მოვიდა, არჩევნები ოქტომბერშია და მკაფიოდ არაფერი არ უთქვამს, სულ მინიშნებები აქვს“, განაცხადა გია ნოდიამ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.