წალკის მუნიციპალიტეტის სოფელ აშკალის საჯარო სკოლის დირექტორის, ვაჟა ზურნაჩიანის განცხადებით, სკოლაში დასაქმებული 30 თანამშრომლიდან ამ დროისთვის აცრილების პროცენტული მაჩვენებელი საკმაოდ დაბალია.
GUARDIAN.GE-ის ფოტოზე: წალკის მუნიციპალიტეტის სოფელ აშკალის საჯარო სკოლის დირექტორი ვაჟა ზურნაჩიანი
როგორც ვაჟა ზურნაჩიანმა GUARDIAN.GE-ის განუცხადა, აშკალის საჯარო სკოლის 24 პედაგოგიდან, მხოლოდ 4 მასწავლებელია აცრილი, ადმინისტრაციული პერსონალიდან კი არავინ.
GUARDIAN.GE-ის ფოტოზე: წალკის მუნიციპალიტეტის სოფელ აშკალის საჯარო სკოლის დირექტორი ვაჟა ზურნაჩიანი
„ჯერჯერობით, მეც ვერ მოვახერხე აცრა, თუმცა დაგეგმილი მაქვს ვაქცინის უახლოეს პერიოდში გაკეთება. სკოლის თანამშრომლების ნაწილში, შეიძლება ითქვას, ფრთხილი და არაერთგვაროვანი დამოკიდებულება შეინიშნება იმუნიზაციის პროცესისადმი. სამწუხაროდ, ინტერნეტით ბევრი არასწორი ინფორმაცია ვრცელდება ვაქცინაციასთან დაკავშირებით, რაც უარყოფით გავლენას ახდენს ზოგიერთებზე.
GUARDIAN.GE-ის ფოტოზე: წალკის მუნიციპალიტეტის სოფელ აშკალის საჯარო სკოლის პედაგოგები, დირექტორი და ბუღალტერი
„არის მეორე საკითხიც. ჩვენი სოფელი არც ისე ახლოს მდებარეობს წალკიდან და ყველას არ მიუწვდება ხელი იმაზე, რომ მივიდეს ვაქცინაციის ცენტრებში. ამ მხრივ, როგორც მითხრეს, მდგომარეობა უახლოეს დღეებში შეიცვლება და ადგილზე იქნება შესაძლებელი ვაქცინის ჩატარება. ვფიქრობ, რომ ეს გაზრდის ვაქცინის გაკეთების მსურველთა რაოდენობას“, - აღნიშნა ვაჟა ზურნაჩიანმა და დაამატა, რომ სკოლა 4 ოქტომბრიდან საკლასო ოთახებში შეფერხების გარეშე განაგრძობს სწავლის პროცესს.
GUARDIAN.GE-ის ფოტოზე: წალკის მუნიციპალიტეტის სოფელ აშკალის საჯარო სკოლის ბუღალტერი აშხენ მანუკიანი
„ჩვენთან, საბედნიეროდ, კარგი ეპიდემიოლოგიური მდგომარეობაა. სოფელში ამ დროისთვის ვირუსი არ ცირკულირებს. სკოლა ჯანდაცვის და განათლების სამინისტროების სრული რეკომენდაციით ფუნქციონირებს. მოგეხსენებათ, 2020 წლის სექტემბრისთვის უკვე მაღალ დონეზე გვქონდა მოწესრიგებული სველი წერტილები, რაც დაახლოებით 55 ათასამდე ლარი დაჯდა და ამაში დიდი დახმარება გაგვიწია წალკის მუნიციპალიტეტის მერიამ.
GUARDIAN.GE-ის ფოტოზე: წალკის მუნიციპალიტეტის სოფელ აშკალის საჯარო სკოლის პედაგოგები
„პროტოკოლის შესაბამისად ხდება მასწავლებლების და სხვა პერსონალის ტესტირება და წარსული გამოცდილებიდან გამომდინარე, ვფიქრობ, დაკეტვა არ უნდა გვემუქრებოდეს. ადრეც მითქვამს, რომ უპირატესობას საკლასო ოთახებში სწავლებას ვანიჭებ, რადგან ის გაცილებით ეფექტურია“, - განუცხადა GUARDIAN.GE-ის ვაჟა ზურნაჩიანმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.