„შენების მოძრაობის“ დამფუძნებელმა და თავმჯდომარემ, დავით უსუფაშვილმა საპრეზიდენტო არჩევნებში მონაწილეობის გადაწყვეტილების შესახებ გამოაცხადა. აღნიშნულის შესახებ მან ტელეკომპანია „პირველის“ ეთერში განაცხადა.
სალომე ზურაბიშვილი მისი საპრეზიდენტო მარათონში შესაძლო ჩაბმასთან დაკავშირებით კომენტარს ისევ არ აკეთებს და ჟურნალისტებს ეუბნება, რომ როცა ამის შესახებ გადაწყვეტილებას მიიღებს, მათ წინასწარ გააფრთხილებს.
გერმანიის ფედერაციული რესპუბლიკის კანცლერის ვიზიტი საქართველოში, ორმხრივი ურთიერთობები და ქვეყნის ევროპული და ევროატლანტიკური ინტეგრაციის დღის წესრიგის ძირითადი საკითხები იყო მთავარი თემები საქართველოს პრემიერ-მინისტრ მამუკა ბახტაძისა და გერმანიის ელჩ ჰაიკე ფაიჩის შეხვედრაზე, რომელიც დღეს მთავრობის ადმინისტრაციაში გაიმართა.
საქართველოს პარლამენტის თავმჯდომარის მოადგილე გია ვოლსკიმ სალომე ზურაბიშვილის მიერ საპრეზიდენტო არჩევნებში მონაწილეობის მიღებასთან დაკავშირებით კომენტარი გააკეთა და აღნიშნა, რომ თუ ზურაბიშვილი საკუთარ თავს კანდიდატად წამოაყენებს, ეს არ ნიშნავს იმას, რომ „ქართული ოცნება“ მაინცდამაინც მას დაუჭერს მხარს.
ჩემი გაპრეზიდენტებისთანავე ნარკოვაჭრობაზე დაწესდება სამუდამო პატიმრობა, აიკრძალება ნარკოტიკების პროპაგანდა და დამნაშავე საკონსტიტუციო სასამართლო იქნება დაშლილი, - განაცხადა ახლახან გამართულ ბრიფინგზე საქართველოს ლეიბორისტული პარტიის თავმჯდომარემ, შალვა ნათელაშვილმა, საკონსტიტუციო სასამართლოს მიერ ორშაბათს მიღებული გადაწყვეტილების შეფასებისას.
პარლამენტის თავმჯდომარის პირველი მოადგილე თამარ ჩუგოშვილი აცხადებს, რომ „ქართულ ოცნებაში“ ჯერ იმაზე ვერ შეთანხმებულან დამოუკიდებელ კანდიდატს დაუჭერენ მხარს თუ თავის კანდიდატს წარადგენენ, რაც შეეხება სალომე ზურაბიშვილს, პარლამენტის თავმჯდომარის პირველი მოადგილე ამბობს, რომ მას აქვს საკმაო გამოცდილება და რეპუტაცია, რომ გახდეს პრეზიდენტი, „ქართულ ოცნებასთან“ თანამშრომლობს ჩვეულებრივად, რაც შეეხება დაუჭერს თუ არა მმართველი გუნდი ზურაბიშვილს მხარს, თამარ ჩუგოშვილმა ეს არც დაადასტურა და არც უარყო.
საქართველოს ყოფილი პრეზიდენტი მიხეილ სააკაშვილი „რუსთავი 2“-ის გადაცემა „პოსტ-სკრიპტუმთან“ საუბრისას აცხადებს, რომ კახა კალაძემ და ბიძინა ივანიშვილმა „თი-ბი-სი ბანკს“ თბილისის ცენტრში აქტივების უფასოდ მიღების და ლაზიკის პორტის გადაცემის სანაცვლოდ წამგებიანი ბანკი ორმაგ ფასად მიჰყიდეს.
სალომე ზურაბიშვილი გავრცელებულ ინფორმაციას იმასთან დაკავშირებით, რომ საფრანგეთის მოქალაქეობაზე უარი თქვა, ჯერჯერობით არც უარყოფს და არც ადასტურებს. TV პირველის ჟურნალისტის შეკითხვაზე, მიმართა თუ არა მან საფრანგეთის საელჩოს საფრანგეთის მოქალაქეობაზე უარის თქმის მიზნით, სალომე ზურაბიშვილმა არ უპასუხა.
ბიძინა ივანიშვილისთვის ახალი მტრის ხატი არის კვირიკაშვილი - ტროცკის მსგავს ფიგურად უნდა წარმოაჩინოს. ბახტაძემ კი რაც არ უნდა გააკეთოს, იცის, რომ ერთ წელიწადში მას ისევე გააპანღურებენ, როგორც მისი ორი წინამორბედი გააპანღურეს, განუცხადა „რუსთავი 2“-ის გადაცემა „პოსტ-სკრიპტუმს“ „ევროპული საქართველოს“ ერთ-ერთმა ლიდერმა, გიგი უგულავამ ბიძინა ივანიშვილის სატელევიზიო ინტერვიუს შეფასებისას.
„ნაციონალური მოძრაობის“ წევრი რომან გოცირიძე აცხადებს, რომ სალომე ზურაბიშვილი „ქართული ოცნების“ არაფორმალური წევრია და „ოცნებამ" უკვე დაასახელა საკუთარი კანდიდატი საპრეზიდენტო არჩევნებზე.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.