ამერიკის შეერთებული შტატების რეგულატორებმა Facebook-ის რეკორდული ოდენობის თანხით, 5 მილიარდი აშშ დოლარით დაჯარიმებას დაუჭირეს მხარი, იტყობინება აშშ-ის მედია. ფედერალური სავაჭრო კომისიის მიერ შეთანხმება 3 ხმით 2-ის წინააღმდეგ იქნა მხარდაჭერილი.
ანგელა მერკელი დანიის პრემიერ მინისტრის ბერლინში ოფიციალური დახვედრის ცერემონიაზე გერმანიის და დანიის ეროვნული ჰიმნების შესრულების დროს ფეხზე დგომის ნაცვლად, იჯდა. გავრცელებული ცნობით, ფედერალურმა კანცლერმა პროტოკოლის შეცვლა ითხოვა მას შემდეგ, რაც ორი დღის წინ ფინეთის პრემიერის, ანტი რინეს დახვედრის ოფიციალურ ცერემონიაზე მას მესამედ აუტყდა კანკალი.
ამერიკის შეერთებული შტატების სანაპირო დაცვამ წყნარ ოკეანეში, სამხრეთ ამერიკის სანაპიროსთან 7 ტონა კოკაინი ამოიღო.
ავღნეთში მომხდარ თავდასხმას სულ მცირე 5 ადამიანი ემსხვერპლა, დაშავებულთა რაოდენობა კი 40-ზე მეტია. თავდასხმა ავღანეთის აღმოსავლეთით, ნანგარარის პროვინციაში, ქორწილის მიმდინარეობისას 13 წლის ბავშვმა განახორციელა.
თურქეთმა რუსული S-400 სარაკეტო თავდაცვითი სისტემის პირველი პარტია მიიღო მიუხედავად იმისა, რომ აღნიშნულს მკაცრად ეწინააღმდეგებოდა ამერიკის შეერთებული შტატები. თურქეთის თავდაცვის სამინისტროს ცნობით, ტვირთი პარასკევს დედაქალაქ ანკარაში, საჰაერო ბაზაზე იქნა მიტანილი.
ევროკავშირმა თურქეთს შესაძლოა სანქციები დაუწესოს. Reuters-ის ინფორმაციით, სავარაუდოდ ორშაბათიდან ევროკავშირი დაფინანსებას შეუჩერებს ანკარას და მასთან კონტაქტს გაწყვეტს.
აშშ-ს ტროპიკული შტორმი ბარი უახლოვდება, რომელიც, სინოპტიკოსების პროგნოზით, ახალ ორლეანს გადაუვლის.
სულ მცირე 35-მა ადამიანმა მიიღო მცირე დაზიანებები „Air Canada“-ს კუთვნილი თვითმფრინავის, „ბოინგ 777-200“-ის ტურბულენტურ ზონაში მოხვედრის შედეგად.
ბათუმში, აღმოსავლეთ პარტნიორობის 10 წლის იუბილესადმი მიძღვნილ კონფერენციაზე, პანელზე „შავი ზღვის უსაფრთხოება“ სიტყვით გამოსვლისას, თავდაცვის მინისტრმა საქართველო-აშშ-ის ურთიერთობაზე ისაუბრა. ლევან იზორიას განცხადებით, ორ ქვეყანას შორის ასეთი მჭიდრო და ინტენსიური თანამშრომლობა არასოდეს ყოფილა.
საქართველოს თავდაცვის მინისტრი ლევან იზორია ბათუმის საერთაშორისო კონფერენციაზე - „ღირებული პარტნიორობის 10 წელი - განვლილი გზა და პერსპექტივები“ სიტყვით გამოვიდა. თავდაცვის მინისტრმა მონაწილეობა მიიღო დისკუსიაში თემაზე - „შავი ზღვის უსაფრთხოება: დაპირისპირებებიდან შესაძლებლობების ზღვამდე“.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.