"დემოკრატიული მოძრაობა – ერთიანი საქართველოს" წევრმა, გიგლა ბარამიძემ, რომელიც თან ახლავს მოსკოვში მყოფ ნინო ბურჯანაძეს, განაცხადა, რომ – ბიძინა ივანიშვილი თავისი არხებით არაოფიციალურ მოლაპარაკებებს აწარმოებს რუსეთის სხვადასხვა წარმომადგენლებთან, რაც არასწორიაო!
შსს-ს ანტიკორუფციულმა სააგენტომ ქრთამის აღების ფაქტზე შემოსავლების სამსახურის გარდაბნის გამშვები პუნქტის მებაჟე ოფიცერი შოთა ბიწაძე დააკავა.
საბერძნეთის პარლამენტმა მხარი დაუჭირა მთავრობის მიერ შემუშავებულ ეკონომიკური რეფორმების ახალ პაკეტს, რომლის მიზანიცაა ქვეყნის ვალების კრიზისიდან გამოყვანა და ახალი ფინანსური დახმარების უზრუნველყოფა.
"ჩვენ ოჯახებით ვართ ახლოს, უხერხულია ამ თემაზე საუბარი, მაგრამ ეს არის რეალობა. მინდა, რომ ამ საკითხს დღეს წერტილი დავუსვათ", - განაცხადა ირაკლი ღარიბაშვილმა გადაცემა "20/30"-ში მასსა და კახა კალაძეს შორის დაპირისპირების თაობაზე გავრცელებული ინფორმაციის კომენტირებისას.
საქართველოს თავდაცვის მინისტრმა თინათინ ხიდაშელმა ფრანგულ მხარესთან მეორე ხელშეკრულება გააფორმა. როგორც ხიდაშელმა განაცხადა, ამ ხელშეკრულების ხელმოწერის შემდეგ უკვე შეგვიძლია თამამად ვთქვათ, რომ არანაირ ემბარგოზე საქართველოსთან მიმართებაში აღარ შეიძლება იყოს საუბარი.
9 წელი, გასამართლებული 320 000 ადამიანი და ჩვენი მოქალაქეებისთვის მილიარდობით მიყენებული ზარალი არის რეალობა და ამას მოთმინება სჭირდება, - ამის შესახებ საქართველოს პრემიერ-მინისტრმა ირაკლი ღარიბაშვილმა გადაცემა "20/30"-ში განაცხადა.
საქართველოს პარლამენტის რიგგარეშე სესიის პლენარულ სხდომაზე მეორე მოსმენით მიღებული იქნა მთავრობის მიერ საკანონმდებლო ინიციატივის წესით წარდგენილი კანონის პროექტი ,,მაღალმთიანი რეგიონების განვითარების შესახებ.“
გამოჩენილი ეგვიპტელი მსახიობი, ომარ შარიფი 83 წლის ასაკში, ქაიროში გარდაიცვალა. ამის შესახებ ბრიტანული "გარდიანი" იტყობინება. მსახიობის გარდაცვალების მიზეზი გულის შეტევა გახდა. შარიფი საყოველთაოდ ცნობილი ექიმ ჟივაგოში შესრულებული როლით გახდა.
რუსეთის დუმის დსთ-ს კომიტეტის თავმჯდომარის, ლეონიდ სლუცკის განცხადებით, საქართველო-რუსეთს შორის სავიზო რეჟიმის გამარტივების შესაძლებლობებზეც საპარლამენტო თანამშრომლობის მექანიზმები უნდა დამუშავდეს.
"ძალიან მძიმე იყო სურათი, რაც ვნახეთ. ზურას არჩევანის საშუალება რომ ჰქონოდა, ასეთ სიკვდილს არ ისურვებდა, 5 წუთის საშუალება რომ ჰქონოდა, სურათს აუცილებლად შეცვლიდა. სურათი იყო ასეთი: უსუპოვი და ჟვანია ბინაში შიშვლები იყვნენ", - განაცხადა ზურაბ ჟვანიას დაცვის ყოფილმა უფროსმა, ბრალდებულმა კობა ხარშილაძემ სასამართლო სხდომაზე.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.