ტალახს მაინც არ ვისვრი, ამ გაუგებრობაში ჩემი ადგილი აღარაა, წარმატებები, – ამის შესახებ „ფეისბუქის“ საკუთარ გვერდზე წერს სალომე სამადაშვილი, რომელმაც ორბელიანების სასახლეში, ევროპული საბჭოს პრეზიდენტის, შარლ მიშელის მიერ პარტიებისთვის წარდგენილ დოკუმენტს ინდივიდუალურად მოაწერა ხელი.
“დღეს დემოკრატიის გაძლიერებისკენ უმნიშვნელოვანესი ნაბიჯი გადავდგით. ეს საქართველოს გამარჯვებაა!”- ამის შესახებ საქართველოს პრემიერ-მინისტრი ირაკლი ღარიბაშვილი სოციალურ ქსელში წერს.
ევროპული საბჭოს პრეზიდენტმა შარლ მიშელმა საქართველოში პოლიტიკური კრიზისი დასრულებულად გამოაცხადა, - ამის შესახებ მან ორბელიანების სასახლეში დოკუმენტზე - „საქართველოს წინსვლის გზა“ - ხელმოწერის ცერემონიის გამართვის შემდეგ ბრიუსელიდან ჩართვისას თქვა.
ორბელიანების სასახლეში ევროპული საბჭოს პრეზიდენტის, შარლ მიშელის დოკუმენტზე - „საქართველოს წინსვლის გზა“ - ხელმოწერის ცერემონია გაიმართა.
„ხელს ვაწერ მომლაპარაკებლების მიერ შემოთავაზებულ შეთანხმების ტექსტს“, - ამის შესახებ ზურაბ გირჩი ჯაფარიძე „ფეისბუქის“ საკუთარ გვერდზე წერს და განმარტავს, რომ ხელს აწერს სამი რამის გამო.
მზად ვარ მივიღო სკანდალური გადაწყვეტილება. ეს ნაბიჯი ამ კრიზისის დასრულების ბოლო აკორდი უნდა იყოს. ეს გადაწყვეტილება განხორციელდება მხოლოდ მაშინ, როცა პარტიები შევლენ პარლამენტში, და აშშ და ევროკავშირი გამოაცხადებს, რომ შეთანხმება შედგა. ამის შედეგ 1 კვირაში ხელს მოვაწერ შეწყალების გადაწყვეტილებას, - განაცხადა საქართველოს პრეზიდენტმა სალომე ზურაბიშვილმა.
მმართველი გუნდი მორიგ განცხადებას ავრცელებს, რომელშიც წერია, მზად არის ხელი მოაწეროს ახალ შეთანხებას, თვითმმართველობის არჩევნებში ნდობის 43%-მდე გაზრდის მაჩვენებლით.
„ლელო“ მედიატორების მიერ წარდგენილ ახალ დოკუმენტს ხელს მოაწერს. ამის შესახებ პარტიის პოლიტიკური საბჭოს წევრი ირაკლი კუპრაძე სოციალურ ქსელში წერს.
„სტრატეგია აღმაშენებელი“, როგორც პასუხისმგებლიანი ოპოზიციური პარტია, ვთვლით, რომ უნდა გამოვიყენოთ საერთო ბრძოლით მიღწეული შექმნილი შესაძლებლობის ფანჯარა და ხელი უნდა მოვაწეროთ ჩვენი დასავლელი, მიუკერძოებელი და სამართლიანი მედიატორების მიერ შემოთავაზებულ დოკუმენტს, რომელიც მიუხედავად არსებული ხარვეზებისა, რაც გამომდინარეობს კომპრომისის ბუნებიდან, შესაძლებელია, ყველამ ერთად ვაქციოთ დიდი შემობრუნების, დიდი ცვლილებების გარდამტეხ წერტილად, – განაცხადა „სტრატეგია აღმაშენებლის“ ლიდერმა, გიორგი ვაშაძემ.
იმისათვის, რომ საქართველოში „ისევ ქაოსით, არეულობით, ქუჩით და შეტაკებებით“ არ მოხდეს ხელისუფლების ცვლილება, ახალი არჩევნები ცესკოს ახლანდელი თავმჯდომარის, თამარ ჟვანიას გარეშე უნდა ჩატარდეს, რათა ქართველ საზოგადოებას შედეგებისამდი ნდობა გააჩნდეს, - განაცხადა საქართველოს ყოფილმა პრეზიდენტმა, მიხეილ სააკაშვილმა „მთავარი არხის“ ეთერში კიევიდან პირდაპირი ჩართვის დროს, ევროპული საბჭოს პრეზიდენტის, შარლ მიშელის ეგიდით შემუშავებულ დოკუმენტზე საუბრისას.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.