ათეულობით ათასი ადამიანი შეუერთდა ანტი-რასიზმის წინააღმდეგ „თავისუფალი სიტყვის დემონსტრაციას“ აშშ-ის ქალაქ ბოსტონში.

ორგანიზატორებმა განაცხადეს, რომ ისინი არ მისცემდნენ პლატფორმას რასიზმსა და ფანატიზმს.

გასულ კვირას ვირჯინიის ქალაქ შარლოტსვილში თეთრკანიანთა უპირატესობის მომხრეთა მიერ გამართული მარშირების შემდეგ, რომელსაც სისხლიანი დასასრული ჰქონდა, შეერთებულ შტატებში დაძაბულობა გაზრდილია.

The Boston Herald-ის ცნობით, კონტრ-პროტესტს 30,000-მდე ადამიანი ესწრებოდა.

მოგვიანებით პოლიციასას და კონრტ-პროტესტანტებს შორის ადგილი ჰქონდა შეხლა-შემოხლას, პოლიციამ ათეულობით პირი დააკავა.

ბევრი დემონსტრანტი 32 წლის ჰიტერ ჰეიერის სტიკერს ატარებდა, ახალგაზრდა ქალისა, რომელიც გასულ შაბათს შარლოტსვილში კონტრ-პროტესტანტების ჯგუფში ავტომანქანის შევარდნის მსხვერპლი გახდა.

დემონსტრაციების გამართვამდე ქალაქის პოლიციის კომისარმა განაცხადა, რომ მას არასდროს უნახავს ამდენი ხალხი „თითქმის კონფრონტაციას დაეძებდეს“.

„მე უბრალოდ ვფიქრობ, რომ რიტორიკამ ეს ნამდვილად განსხვავებულ საფეხურზე აიყვანა“, განაცხადა კომისარმა უილიამ ევანსმა პარასკევს გამართულ პრესკონფერენციაზე.

„თავისუფალი სიტყვის დემონსტრაციის“ ორგანიზატორებმა განაცხადეს, რომ „მედიაში დეზინფორმაცია“ მათ „ორგანიზაციას ამსგავსებდა იმათ, ვინც შარლოსტვილში გამართა დემონსტრაცია“.

„მაშინ როცა ჩვენ ვამტკიცებთ რომ ყველა ინდივიდს სიტყვის თავისუფლების კანონიერი უფლება გააჩნია და ვიცავთ ამ უმთავრეს ადამიანის უფლებას, ჩვენ არ შევთავაზებთ ჩვენს პლატფორმას რასიზმსა და ფანატიზმს“, დაწერა ჯგუფმა ღონისძიებისადმი მიძღვნილ „ფეისბუქის“ გვერდზე. „ჩვენ ვგმობთ უპირატესობის და ძალადობის პოლიტიკას“.

შარლოტსვილში გასულ კვირას ძალადობა თეთრკანიანთა უპირატესობის მომხრეთა მიერ დაწყებულ მარშირებას მოჰყვა. ისინი აშშ-ის მე-19 საუკუნის მეორე ნახევრის სამოქალაქო ომის კონფედერატთა გენერლის, რობერტ ლის ძეგლი აღების წინააღმდეგ გამოვიდნენ. თეთრკანიანთა გამოსვლას კონტრ-პროტესტი და მსხვერპლიც მოჰყვა.

შარლოტსვილში გენერალ ლის ძეგლი ჯერჯერობით ისევ დგას, თუმცა შაბათს, ადრიანად, ჩრდილოეთ კაროლინას დიუკის უნივერსიტეტმა მისი სამლოცველოს შესასვლელთან მდგარი რობერტ ლის ძეგლი აიღო. უნივერსიტეტის პრეზიდენტმა ვინსენტ პრაისმა განაცხადა, რომ გადაწყვეტილება უსაფრთხოების ზომებიდან გამომდინარე მიიღეს.

ვირჯინიის ქალაქ შარლოტსვილში გასული კვირის ძალადობრივი მოვლენების შემდეგ, შეერთებული შტატების პრეზიდენტმა, დონალდ ტრამპმა ამერიკის გასწვრივ კონფედერატების „მშვენიერი“ ძეგლების აღება „დასანანად“ და „სულელურად“ მიიჩნია.

„სევდის მომგვრელია უყურებდე ჩვენი დიდებული ქვეყნის ისტორიის და კულტურის სრულიად განადგურებას ჩვენი ლამაზი ძეგლების და მონუმენტების აღებით“, დაწერა ტრამპმა „ტვიტერზე“ ხუთშაბათ დილით. „შენ ვერ შეცვლი ისტორიას, მაგრამ შეგიძლია რომ ისწავლო მისგან. რობერტ ლი, სტოუნუოლ ჯექსონი - ვინ არის შემდეგი, ვაშინგტონი, ჯეფერსონი? რა სულელურია!“