საპარლამენტო უმრავლესობის სხდომაზე სიტყვით გამოსვლისას პრემიერ მინისტრმა მამუკა ბახტაძემ მადლობა გადაუხადა მისი დროებითი მთავრობის იმ წევრებს, რომლებიც უკვე ახალ კაბინეტში არ არიან წარმოდგენილი, გაწეული საქმიანობისათვის და აღნიშნა, რომ „ისინი გააგრძელებენ საქმიანობას ძალიან საპასუხისმგებლო თანამდებობებზე“.
პარლამენტში, მთავრობის ახალი კაბინეტის წევრობის კანდიდატებსა და ფრაქცია „ევროპულ საქართველოს“ შორის შეხვედრისას, ხათუნა გოგორიშვილმა პრემიერ-მინისტრს, მამუკა ბახტაძეს მიმართა კითხვით, თუ რას ფიქრობდა პარლამენტის ახალი რეგლამენტის მიხედვით მთავრობის და პარლამენტის თანამშროლობაზე.
საქართველოს ბიუჯეტში გაჩნდა 80 მილიონი ლარი, გაჩნდა იქედან გამომდინარე, რომ დაგროვებითი საპენსიო რეფორმის დაწყება გადაიდო 1-ლი იანვრისთვის, ამ თანხას რაში იყენებთ, ბ-ნო მამუკა, ამ შეკითხვით „ევროპული საქართველოს" წევრმა, დავით ბაქრაძემ პრემიერ მინისტრ მამუკა ბახტაძეს უმცირესობის სხდომის ფორმატში გამართული მოსმენისას მიმართა.
პარლამენტში, მთავრობის ახალი კაბინეტის წევრობის კანდიდატებსა და ფრაქცია „ევროპულ საქართველოს“ შორის შეხვედრისას, ოთარ კახიძემ საგანგებო სურათი უწოდა გაორმაგებულ მკვლელობების რიცხვს. კახიძის თქმით, რაც საქართველოში ხდება, უცნაური ტენდენციაა, რადგან ასეთი ვითარება არც ერთ სხვა ქვეყანაში არ არის.
პარლამენტში, ფრაქცია „ნაციონალურ მოძრაობასა“ და მთავრობის ახალ კაბინეტს შორის შეხვედრისას, ნიკა მელიამ თავდაცვის მინისტრობის კანდიდატს, ლევან იზორიას მიმართა და უთხრა - იმის მაგივრად, რომ თავი მოიწონოს იმით, რომ მასზე საერთაშორისო საზოგადოება საუბრობს, ჯობს ჯაშუშებს ფული საქართველოს ბიუჯეტიდან არ გადაუხადოს.
„ნაციონალური მოძრაობის“ დეპუტატმა, რომან გოცირიძემ მამუკა ბახტაძესა და მისი მინისტრთა კაბინეტის წევრობის კანდიდატებთან ფრაქციის ფორმატში გამართულ შეხვედრაზე განაცხადა, რომ „ქართულ ოცნებას“ სერიოზული პრობლემა აქვს საპრეზიდენტო კანდიდატის შერჩევასთან დაკავშირებით, რადგან, მისი თქმით, ხუთმა პირმა მმართველ გუნდს უარი უთხრა კენჭისყრაში მონაწილეობაზე.
პარლამენტში, ფრაქცია „ნაციონალურ მოძრაობას“ და მთავრობის ახალი კაბინეტის წევრობის კანდიდატებს შორის შეხვედრისას, ნიკა მელიამ შინგან საქმეთა მინისტრობის კანდიდატ გიორგი გახარიაზე გააკეთა კომენტარი და თქვა, რომ იგი აუცილებლად აგებს პასუხს მთელ რიგ საკითხებზე და მელიას ეჭვი არ ეპარება იმაშიც, რომ გახარია იქ დაბრუნდება, საიდანაც ჩამოვიდა.
მხოლოდ თქვენს პიარში დახარჯული 160 მილიონი ლარი რომ დაგეზოგათ, 20-25 ლარით გაუზრდიდით პენსიონერს პენსიას, მიმართა პრემიერ მინისტრსა და მინისტრობის კანდიდატებს ცერთიანი ნაციონალური მოძრაობის" პოლიტიკური საბჭოს თავმჯდომარემ, ნიკა მელიამ ფრაქცია „ნაციონალური მოძრაობის" სხდომაზე.
„თქვენც კარგად გცოდნიათ ჩვენი გუნდის წევრები სად არიან, - უთხრა მამუკა ბახტაძემ ფრაქცია „ნაციონალური მოძრაობის“ სხდომაზე რომან გოცირიძეს მის მიერ დასმული შეკითხვის - თუ სად არიან ყოფილი პრემიერი და მთავრობის წევრები: ქუმსიშვილი, ალავიძე და სხვები - საპასუხოდ, და დაამატა:
„ერთიანი ნაციონალური მოძრაობის" წევრმა, რომან გოცირიძემ პარლამენტის ფრაქცია „ნაციონალური მოძრაობის" სხდომაზე, სადაც მთავრობის წევრებს უსმენენ, პრემიერ მინისტრს შეკითხვით მიმართა, თუ სად არიან „ქართული ოცნების" ხელისუფლების ის წევრები, რომლებიც გიორგი კვირიკაშვილის კადრებად მოიაზრებოდნენ და მინისტრთა კაბინეტში პოტსებს აღარ იკავებენ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.