„ერთიანი ნაციონალური მოძრაობის" პოლიტიკური საბჭოს წევრი გიორგი ბარამიძე „ევროპული საქართველოს“ და „ნაციონალური მოძრაობის” მიერ საპრეზიდენტო არჩევნებთან დაკავშირებით სამპუნქტიანი მემორანდუმის გააფორმებას ეხმაურება და აცხადებს, რომ მსგავსი ტიპის დოკუმენტი საჭიროა იმისთვის, რომ „საქართველო გადავარჩინოთ ამ ჭირისგან, რასაც ჰქვია ივანიშვილის რეჟიმი".
შალვა შავგულიძემ მთავარი პროკურორის პოსტზე საკუთარი კანდიდატურა მოხსნა. ამის მიზეზი კი ის გახდა, რომ სხდომა მედიისთვის გახსნილი არ იყო. პროტესტის ნიშნად შავგულიძემ სხდომა დატოვა და საკუთარი კანდიდატურა მოხსნა. შეგახსნებთ, რომ სხდომის გახსნა მედიისთვის შავგულიძის წარმდგენმა ფრაქციამ „ევროპულმა საქრთველომ“ მოითხოვა.
საოპერო მომღერალი პაატა ბურჭულაძე აცხადებს, რომ საქმესთან დაკავშირებით, რომელიც ფონდ „იავნანას“ თანხების არამიზნობრივად ხარჯვას ეხება, მის წინააღმდეგ, კამპანიაა აგორებული, რასაც, როგორც ბურჭულაძე ამბობს, აქტიური ბრძოლით დაუპირისპირდება.
„ერთიან ნაციონალურ მოძრაობაში", მამუკა ბახტაძის მინისტრთა კაბინეტში მოსალოდნელ საკადრო ცვლილებებს ეხმაურებიან და გავრცელებულ ინფორმაციაზე, რომლის მიხედვითაც, ეკონომიკის მინისტრის პოსტი, შესაძლოა, დაიკავოს პირმა, რომელსაც მოსკოვიდან თბილისში გადმონაცვლება მოუწევს, აცხადებენ, რომ რუსეთიდან იმ პირების ჩამოყვანა, რომლებიც შემდგომ საქართველოს მთავრობაში ამა თუ იმ თანამდებობას იკავებენ, შემთხვევითობა არ არის.
„შენების მოძრაობის“ ერთ-ერთმა ლიდერმა, თენგიზ შერგელაშვილმა განაცხადა, რომ თბილისის მერიამ „სითი პარკი“ გაუშვა, მაგრამ პარკირების პრობლემა ვერ მოაგვარა და მძღოლების უკმაყოფილებაც გამოიწვია. შერგელაშვილმა ასევე მერიის მიერ გამოცხადებულ ინტერესთა გამოხატვაზე გააკეთა აქცენტი და აღნიშნა, რომ მერიის გამოცხდებულ პროექტს ინვესტორები არ გამოეხმაურებიან მანამ, სანამ არ მოხდება პარკირების საფასურის დიფერენცირება გაჩერების ადგილებისა და ავტომობილების ტიპების მიხედვით.
ბრიუსელში გამართულ პრესკონფერენციაზე ნატოს გენერალურმა მდივანმა, იენს სტოლტენბერგმა კიდევ ერთხელ აღნიშნა, რომ საქართველოსთვის ნატო-ს კარები ღიაა და დარწმუნებულია, რომ ნატოს წევრი ქვეყნების ლიდერები საქრთველოს ნატოში გაწევრიანებას მხარს დაუჭერენ. სტოლტენბერგმა აღნიშნა, რომ საქრთველოს დიდი პროგრესი აქვს, მაგრამ საქართველოს ალიანსში გაწევრიანების ზუსტ თარიღს ვერ დაასახელებს.
პრემიერ მინისტრ მამუკა ბახტაძის მინისტრთა კაბინეტის ახალი შემადგენლობა ხვალ, 11 ივლისს გახდება ცნობილი.
პარლამენტის თავმჯდომარემ, ირაკლი კობახიძემ საქართველოში ევროკავშირის წარმომადგენლობის ხელმძღვანელთან, იანოშ ჰერმანთან გამოსამშვიდობებელი შეხვედრა გამართა.
„ევროპულ საქართველოში" ფიქრობენ, რომ ისევე, როგორც ყოფილი პრემიერ მინისტრების, ირაკლი ღარიაშვილისა და გიორგი კვირიკაშვილის შემთხვევებში, ახალი მთავრობის მეთაურის, მამუკა ბახტაძის შემთხვევაში, მართვის ძირითადი სადავეები ხელთ ბიძინა ივანიშვილს აქვს.
„ერთიანი ნაციონალური მოძრაობის" წევრი რომან გოცირიძე პრემიერ მინისტრ მამუკა ბახტაძის მინისტრთა კაბინეტში მოსალოდნელ საკადრო ცვლილებებთან დაკავშირებით აცხადებს, რომ მთავრობის წევრები არა უშულოდ მთავრობის მეთაურის მიერ შერჩეული კადრები, არამედ ბიძინა ივანიშვილთან დაახლოებული პირები იქნებიან.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.