იუსტიციის მინისტრმა, თეა წულუკიანმა, შესაძლოა, მთავარი პროკურორის არჩევისას კენჭისყრაში მონაწილეობა არ მიიღოს. წულუკიანის განმარტებით, აღნიშნულის მიზეზი ისაა, რომ „საზოგადოებამ დაინახოს საპროკურორო საბჭოს რა სურს“.
იუსტიციის მინისტრი თეა წულუკიანი, დარჩება თუ არა მთავრობის შემადგენლობაში, არ აკონკრეტებს. როგორც მან ჟურნალისტებთან საუბრისას განაცხადა, პრემიერ მინისტრი თავად მიიღებს გადაწყვეტილებას იმის შესახებ, თუ ვინ იქნება განახლებულ მინისტრთა კაბინეტში.
„ევროპული საქართველოს" ერთ-ერთი ლიდერის, დავით ბაქრაძის განცხადებით, საქართველოს მთავრობის მიერ მაისში გამოცემული დადგენილების მიხედვით, მეორე მსოფლიო ომის მონაწილეთა სოციალური დახმარება გაორმაგდა, თუმცა, მისივე თქმით, აღნიშნულ დადგენილებაში არაფერია ნათქვამი იმ ვეტერანებზე, რომლებიც საქართველოს ტერიტორიული მთლიანობისთვის იბრძოდნენ.
პარლამენტის ფრაქცია „ერთიანი ნაციონალური მოძრაობის“ თავმჯდომარე რომან გოცირიძემ, თეა წულუკიანის იუსტიციის მინისტრის პოსტზე შესაძლო დარჩენის შესახებ განცხადება გააკეთა.
პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარის პირველი მოადგილე დიმიტრი ხუნდაძე ფიქრობს, რომ იუსტიციის მინისტრმა, თეა წულუკიანმა ბევრი სასიკეთო სიახლის დანერგვა შეძლო, თუმცა, ჰქონდა გარკვეული ხარვეზებიც.
ბერლინში მიმდინარე ეუთოს საპარლამენტო ასამბლეის ყოველწლიური სესია, პლენარული სხდომის შემდეგ, საკომიტეტო მოსმენებით გაგრძელდა. საპარლამენტო ფორუმის მონაწილეები ეუთოს სივრცეში არსებულ გამოწვევებზე მოხსენების პროექტებს გაეცნენ, რომლებიც საბოლოოდ, ბერლინის დეკლარაციაში აისახება.
კორეის რესპუბლიკის იუსტიციის სამინისტროსთან და საიმიგრაციო სამსახურთან ბოლო პერიოდში კორეის რესპუბლიკაში საქართველოს საელჩოს მიერ ჩატარებული ინტენსიური მუშაობის შედეგად, კორეის ხელისუფლებამ მიიღო გადაწყვეტილება ორდინალური პასპორტების მფლობელი საქართველოს მოქალაქეებისათვის სავიზო რეჟიმის გამარტივების შესახებ.
არანაირი პრობლემა არ არის, დილით განცხადება გავაკეთეთ, რომ ჭუბერში სამხედრო ძალებისა და სამხედრო ტექნიკის გამოყენებას მხარს ვუჭერთ, – ასე უპასუხა ფრაქცია „ნაციონალური მოძრაობის“ თავმჯდომარემ, რომან გოცირიძემ პირველი არხის კითხვას, რატომ არ ესწრებოდა პარტია პარლამენტის რიგგარეშე სხდომას, სადაც სამეგრელო-ზემო სვანეთის მხარეში სტიქიის შედეგების სალიკვიდაციო სამუშაოებში სამხედრო ძალებისა და სამხედრო ტექნიკა გამოყენების საკითხს უყარეს კენჭი.
პარლამენტმა საქართველოს პრეზიდენტს, სამეგრელო - ზემო სვანეთში შექმნილ საგანგებო სიტუაციაზე რეაგირების მიზნით, საქართველოს სამხედრო ძალების გამოყენებაზე თანხმობა მისცა.
პარლამენტის პირველი ვიცესპიკერის, თამარ ჩუგოშვილის განცხადებით არასწორია, კონსტიტუციაში ის ჩანაწერი, რომელიც დღეს არსებობს, რადგან სტიქიასთან საბრძოლველად მძიმე ტექნიკის გამოყენებაზე პრალამენტის ნებართვა საჭირო არ უნდა იყოს. ჩუგოშვილი ასევე ამბობს, რომ მომავალში კონსტიტუციაში შევა ცვლილება, რომ სტიქიასთან საბრძოლველად სამხედრო ტექნიკისა და ადამიანური ძალის გამოყენებაზე პარლამენტის ნებართვა საჭირო აღარ იქნება, თუმცა ეს არ შეეხება საგანგებო და საომარ მდგომარეობას.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.