პარლამენტის რიგგარეშე სხდომაზე საქართველოს მთავრობის შემადგენლობისა და სამთავრობო პროგრამისთვის ნდობის გამოცხადების საკითხზე იმსჯელებენ. პარლამენტის ბიუროს სხდომაზე რიგგარეშე სხდომის დღის წესრიგზე უკვე იმსჯელეს. საქართველოს პარლამენტის თავმჯდომარის, ირაკლი კობახიძის განცხადებით, რიგგარეშე სხდომა 20 ივნისს გაიმართება.
„ერთიანი ნაციონალური მოძრაობის“ პოლიტიკური საბჭოს თავმჯდომარე ნიკა მელია აბსოლუტურად დარწმუნებულია, რომ პრემიერობის კანდიდატს, მამუკა ბახტაძეს პირველი „თავისივე გუნდის წევრები ჩაარტყამენ ლახვარს ზურგში“.
საპარლამენტო უმრავლესობის წევრი ლევან გოგიჩაიშვილი პრემიერმინისტრობის კანდიდატის, მამუკა ბახტაძის ინიციატივას გამოეხმაურა, რომელიც საგადასხადო რეფორმას ეხება.
მამუკა ბახტაძის ინიციატივას, რომ შეიქმნას ახალი საბაჟო საგადასახადო კოდექსი ძალიან კარგი სიგნალია ბიზნესისთვის, აცხადებს „ქართული ოცნების“ დიდუბის მაჟორიტარი დეპუტატი ილია წულაია.
„2011 წლიდან ვიყავი და ვარ „ქართული ოცნების“ მხარდამჭერი, 2012 წელს ვიყავი დაკავებული ძალიან მნიშვნელოვანი საორგანიზაციო საკითხებით „ქართულ ოცნებაში“ და 2012 წლის პირველ ოქტომბერს მთელ ქართველ ერთან ერთად ვიზეიმე თქვენი გასტუმრება საქართველოს ხელისუფლებიდან, - ამის შესახებ საქართველოს პრემიერ-მინისტრობის კანდიდატმა მამუკა ბახტაძემ “ნაციონალური მოძრაობის” წევრის თინა ბოკუჩავას მიერ დასმული კითხვის პასუხად განაცხადა.
„საქართველოს რკინიგზისთვის“ ფინანსურად ყველაზე წარმატებული შემოსავლების თვალსაზრისით 2014-2015 წლები“, განაცხადა პრემიერ მინისტრობის კანდიდატმა, მამუკა ბახტაძემ ფრაქცია „ნაციონალური მოძრაობის“ სხდომაზე.
საპარლამენტო უმცირესობასთან შეხვედრისას პრემიერ მინისტრობის კანდიდატს, მამუკა ბახტაძეს „ევროპული საქართველოს“ ერთ-ერთმა ლიდერმა გიგა ბოკერიამ ჰკითხა: „ხვალ და ზეგ ივანიშვილი რომ მოვიდეს და გითხრათ გადადექითო, როგორ მოიქცევით?“
ერთი და იგივეს საუბრობთ - ამოიღეთ თქვენი საუბარი, კვირიკაშვილის საუბარი, ივანიშვილის საუბარი და ღარიბაშვილის საუბარი და ჩვენ უნდა დაგისვათ ახლა იმაზე შეკითხვები, თუ რას აპირებთ? - ვერაფერსაც ვერ გააკეთებთ, ასე მიმართა „ერთიანი ნაციონალური მოძრაობის" პოლიტსაბჭოს თავმჯდომარემ, ნიკა მელიამ პარლამენტში ფრაქცია „ნაციონალური მოძრაობის" სხდომაზე პრემიერ მინისტრობის კანდიდატს, მამუკა ბახტაძეს.
„თქვენი კონკრეტული დავალებით იყო ჩემი გატაცება მოწყობილი“, მიმართა „ერთიანი ნაციონალური მოძრაობის“ სხდომაზე პარტიის ერთ-ერთმა ლიდერმა, ნიკა მელიამ შინაგან საქმეთა მინისტრობის კანდიდატს, გიორგი გახარიას და მას იმ მაღალჩინოსნების სახელები და გვარები ჩამოუთვალა, მოგვიანებით კი მათი ფოტოებიც გადასცა, ვინც მისი თქმით, პარლამენტის შენობის მიმდებარე ტერიტორიიდან მის გატაცებაში მონაწილეობდა.
რა არის ეს ახალი მოდელი, არის თუ არა ძველი მოდელის რევიზია და ვინ არის არასამართლიანი თამაშის წესების შემქნელი, - ამ შეკითხვებით მიმართა „ერთიანი ნაციონალური მოძრაობის" წევრმა, რომან გოცირიძემ პრემიერ მინისტრობის კანდიდატს პარლამენტის ფრაქცია „ნაციონალური მოძრაობის" სხდომაზე, სადაც მამუკა ბახტაძეს უსმენენ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.