რუანდამ კონგოს დემოკრატიულ რესპუბლიკასთან საზღვარი ნაწილობრივ ჩაკეტა. მიზეზი ებოლას ვირუსის თავიდან აცილებაა. ინფორმაციას BBC ავრცელებს.
სომალიში ტერაქტის შედეგად 17 ადამიანი დაიღუპა, 28 კი დაშავდა. აფეთქება დედაქალაქ მოგადიშუს საერთაშორისო აეროპორტთან მდებარე სასტუმროსთან მოხდა.
კენიის ფინანსთა მინისტრი, ჰენრი როტიჩი, კორუფციის ბრალდებით დააკავეს. ის პოლიციას თავად ჩაბარდა, მას შემდეგ, რაც გენერალურმა პროკურორმა მისი დაკავების ბრძანება გასცა.
კონგოს დემოკრატიულ რესპუბლიკაში ებოლას ვირუსით პირველი პაციენტი გარდაიცვალა. აღნიშნული ინფორმაცია ხელისუფლებამ დაადასტურა.
სუდანის სამხედრო საბჭომ ოპოზიციასთან კონსენსუსს მიაღწა. ამის შესახებ ინფორმაციას BBC ავრცელებს.
მოკლულია სულ მცირე 40 და დაჭრილია 80 ადამიანი ლიბიის დედაქალაქ ტრიპოლის აღმოსავლეთ გარეუბანში მიგრანტების დაკავების ცენტრზე განხორციელებული საჰაერო დარტყმებისას, იტყობინება BBC ოფიციოზზე დაყრდნობით. დაღუპულთა უმეტესობა აფრიკელი მიგრანტები არიან.
შეიარაღებულმა მამაკაცებმა ექვსი ადამიანი მოკლეს, მათ შორის მღვდელი, ბურკინა ფასოს ჩრდილოეთ ნაწილში, ეკლესიაში საზეიმო წირვის მიმდინარეობისას, იტყობინება BBC ოფიციოზზე დაყრდნობით.
ხელისუფლების სათავეში თითქმის 30-წლიანი ყოფნის შემდეგ, სუდანის პრეზიდენტი ომარ ალ-ბაშირი ჩამოაგდეს და დააპატიმრეს, განაცხადა ქვეყნის თავდაცვის მინისტრმა. სახელმწიფო ტელევიზიით გამოსვლისას ავად იბნ ოუფმა თქვა, რომ სუდანში სამთვიანი საგანგებო მდგომარეობა გამოცხადდა.
რამდენიმეკვირიანი მასობრივი საპროტესტო აქციების შემდეგ ალჟირის პრეზიდენტმა აბდელაზიზ ბუტეფლიკამ თანამდებობა დატოვა. მისი პოსტიდან წასვლის გადაწყვეტილების გამოცხადების შემდეგ ქვეყანაში ათასობით ადამიანი გამოვიდა დედაქალაქის ქუჩებში და ზეიმი გამართა. მოქალაქეებმა ავტომანქანების გაბმული სიგნალებით გამოხატეს პრეზიდენტის გადადგომის შედეგად შექმნილი საზეიმო განწყობა. ხალხი ალჟირის ეროვნულ დროშას აფრიალებდა ქუჩებში და მღეროდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.