ამერიკის შეერთებული შტატების პრეზიდენტმა, დონალდ ტრამპმა გააფრთხილა „დემოკრატიული პარტიის“ პრეზიდენტობის კანდიდატი ჯო ბაიდენი არ გამოაცხადოს თავი გამარჯვებულად.
ჯორჯიის შტატის სახელმწიფო მდივანმა ბრედ რაფენსბერგმა სულ ახლახან განაცხადა, რომ შტატში საპრეზიდენტო არჩევნების დათვლილი ბიულეტენების ხელახლა გადათვლა მოხდება. მისი თქმით, ამ დროისთვის მხოლოდ 4 169 ბიულტენის და 8 000 სამხედრო პირის ფოსტის მეშვეობით მიცემული ხმების დათვლაა დარჩენილი და ხელახალი გადათვლა მას შემდეგ დაიწყება, რაც ფოსტით ამ ბიულეტენებს მიიღებენ.
(GUARDIAN.GE) - ამერიკის შეერთებული შტატების „დემოკრატიული პარტიის“ პრეზიდენტობის კანდიდატი ჯო ბაიდენი აშშ-ის 2020 წლის 3 ნოემბრის საპრეზიდენტო არჩევნებში, ამ დროისთვის კვლავ მოწინავე პოზიციას ინარჩუნებს. BBC--ის საარჩევნო სისტემის თანახმად, ბაიდენი ახლა პენსილვანიის შტატში, რომელიც მთავარ საბრძოლო ველს წარმოადგენს, ტრამპზე 6 817 ხმით არის წინ. სულ რაღაც ერთი საათის წინ კი იგი მოქმედ პრეზიდენტს 5 587 ხმით უსწრებდა.
„დემოკრატიული პარტიის“ პრეზიდენტობის კანდიდატმა, ჯო ბაიდენმა ამერიკის შეერთებული შტატების საპრეზიდენტო არჩევნებში ერთ-ერთ მსხვილ შტატში, მიჩიგანში და ასევე ვისკონსინში გამარჯვება მოიპოვა და როგორც ბრიტანული „გარდიანი“ იტყობინება, საარჩევნო კოლეგიაში უკვე მისი ხმების რაოდენობა 264-ს შეადგენს, გამარჯვებისთვის საჭირო სულ მცირე 270 ხმის მოსაპოვებლად კი მას დამატებით მხოლოდ 6 ხმის მიღება სჭირდება.
ამერიკის შეერთებული შტატების საპრეზიდენტო არჩევნებში შტატების უმრავლესობაში კანდიდატებისთვის საარჩევნო კოლეგიაში მიღებული ხმების რაოდენობა ცნობილია და როგორც BBC იუწყება, 50 შტატიდან 44-ში ხმების წინასწარი მონაცემებით „დემოკრატიული პარტიის“ კანდიდატი ჯო ბაიდენი ლიდერობს. მას 238 ხმა აქვს მიღებული, მოქმედ პრეზიდენტს, დონალდ ტრამპს კი 213. საარჩევნო კოლეგიის ჯადოსნური ციფრი, რომელიც კანდიდატის გამარჯვებას უზრუნველყოფს, 270-ია.
სოციალურმა ქსელმა Twitter-მა ტრამპის კომენტარი, სადაც ის არჩევნებში გამარჯვების შესახებ წერს, შეცდომაში შემყვან ჩანაწერად მონიშნა.
(GUARDIAN.GE) - ამერიკის შეერთებული შტატების პრეზიდენტმა, დონალდ ტრამპმა თეთრი სახლიდან ერისადმი მიმართვისას მადლობა გადაუხადა თავის ოჯახს და მილიონობით მხარდამჭერს და განაცხადა, რომ „დიდი გამარჯვება“ მოიპოვა.
ფლორიდის შტატში, რომელიც ერთ-ერთი მნიშვნელოვანი შტატია საარჩევნო კოლეგიაში ხმების რაოდენობის გასაზრდელად, დონალდ ტრამპმა გამარჯვება მოიპოვა. წინა საპრეზიდენტო არჩევნებში 29 საარჩევნო ხმა ტრამპისთვის გადამწყვეტი აღმოჩნდა. ფლორიდამ წინა არჩევნებზე ტრამპი აირჩია, მაგრამ ორჯერ მისცა ხმა ბარაქ ობამას.
ამერიკის შეერთებული შტატების საპრეზიდენტო არჩევნებში შტატების უმრავლესობაში კანდიდატებისთვის საარჩევნო კოლეგიაში მიღებული ხმების რაოდენობა ცნობილია და როგორც BBC იუწყება, 50 შტატიდან 31-ში ხმების წინასწარი მონაცემებით „დემოკრატიული პარტიის“ კანდიდატი ჯო ბაიდენი ლიდერობს. მას 192 ხმა აქვს მიღებული, მოქმედ პრეზიდენტს, დონალდ ტრამპს კი 114. საარჩევნო კოლეგიის ჯადოსნური ციფრი, რომელიც კანდიდატის გამარჯვებას უზრუნველყოფს, 270-ია.
ამერიკის შეერთებული შტატების პრეზიდენტი, „რესპუბლიკური პარტიის“ საპრეზიდენტო კანდიდატი, დონალდ ტრამპი თავის პოლიტიკურ მოწინააღმდეგეს, „დემოკრატიული პარტიის“ კანდიდატს, ბარაქ ობამას 8-წლიანი ადმინისტრაციის ვიცე-პრეზიდენტს, ჯო ბაიდენს მწვავედ აკრიტიკებს და „ფეისბუქის“ პირად გვერდზე წერს, რომ იგი „რეაქციონერი გლობალისტია, რომელსაც მუშათა კლასი არანაირად არ ანაღვლებს“.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.