უკრაინის ყოფილი პრეზიდენტი ვიქტორ იანუკოვიჩი ამჟამად მინსკში იმყოფება და ერთ-ერთი სცენარის მიხედვით კრემლი მისი „უკრაინის პრეზიდენტად“ გამოცხადებას შეეცდება, იტყობინება უკრაინული მედია ქვეყნის სადაზვერვო სამსახურზე დაყრდნობით.
GUARDIAN.GE - უკრაინაში საბრძოლო მოქმედებები და დაბომბვები არ შეჩერებულა. ქვეყნის სიდიდით მეორე ქალაქ ხარკოვის დაბომბვებისას სულ მცირე 21 ადამიანი დაიღუპა, 112 კი დაიჭრა, როგორც ამას BBC ქალაქის მერზე დაყრდნობით იტყობინება.
GUARDIAN.GE - დიდი ბრიტანეთის პრემიერ-მინისტრმა ბორის ჯონსონმა, როემელიც ვარშავაში მთავარ ევროპელ მოკავშირეებთან საგანგებო შეხვედრებისთვის ჩავიდა, პოლონეთის პრემიერ-მინისტრთან ერთად გამართულ პრესკონფერენციაზე განაცხადა, რომ „ნათელია, პუტინი მზად არის გამოიყენოს ბარბაროსული და განურჩეველი ტაქტიკა მშვიდობიანი მოქალაქეების წინააღმდეგ; დაბომბოს საცხოვრებელი კორპუსები; გაგზავნოს რაკეტები საცხოვრებელ კორპუსებში ბავშვების მოსაკლავად“.
GUARDIAN.GE - უკრაინის პრეზიდენტმა ვოლოდიმირ ზელენსკიმ ხარკოვის დაბომბვას, რასაც ათეულობით მშვიდობიანი მოქალაქის სიკვდილი მოჰყვა, სამხედრო დანაშაული უწოდა. „ეს ნამდვილად სამხედრო დანაშაული იყო. მშვიდობიანი ქალაქი. მშვიდობიანი საცხოვრებელი კვარტლები. არა სამხედრო ობიექტები. ათეულობით თვითმხილველის ნაამბობი მოწმობს, რომ ეს ადამიანების განზრახ განადგურება იყო. რუსებმა იცოდნენ, თუ სად ისროდნენ“, - განაცხადა ზელენსკიმ.
უკრაინის ოფიციალურმა პირებმა სულ ახლახან დაადასტურეს, რომ სულ მცირე 70 უკრაინელი ჯარისკაცი დაიღუპა თავიანთ ოხტირკის სამხედრო ბაზაზე რუსული საჰაერო დარტყმებისას.
GUARDIAN.GE - ბელარუსიდან დაძრული რუსული არმია განაგრძობს კიევის მიმართულებით მტკიცე სვლას. სატელიტური ფოტოები აჩვენებს, რომ შეიარაღებული კოლონა დაახლოებით 65 კილომეტრის (40 მილი) სიგრძეზეა გადაჭიმული. როგორც CNN იტყობინება, უზარმაზარი სამხედრო კოლონა ჯავშანტექნიკისგან, ტანკებისგან, არტილერიისგან და სხვა ლოგისტიკური სატრანსპორტო საშუალებებისგან შედგება. CNN-ის ცნობითვე, რუსულმა სამხედრო კოლონამ კიევის გარეუბნებამდე მიაღწია.
GUARDIAN.GE - საფრანგეთის პრეზიდენტი ემანუელ მაკრონი ორშაბათს ვლადიმერ პუტინს ესაუბრა, სადაც გაიმეორა საერთაშორისო მოწოდებები მოსკოვისადმი, შეაჩეროს თავდასხმები უკრაინაზე და ხაზი გაუსვა ცეცხლის დაუყოვნებლივ შეწყვეტის აუცილებლობას, -ნათქვამია საფრანგეთის პრეზიდენტის განცხადებაში.
GUARDIAN.GE - რუსეთის შეიარაღებული ძალების უკრაინაში შეჭრიდან მე-5 დღეს კრემლი საკმაოდ შორს არის მისი საბოლოო გეგმების განხორციელებისაგან, რაც შესაძლოა უკრაინის მთავრობის დამხობას და ხელისუფლების სათავეში პუტინის მარიონეტი ლიდერის მოყვანას უკავშირდებოდეს. მიუხედავად იმისა, რომ რუსული ძალები უკრაინის დედაქალაქიდან მხოლოდ 30 კილომეტრის მოშორებით იკავებენ პოზიციებს, კიევი მაინც უკრაინელების ხელში რჩება. დღეს დილიდან ქალაქში კომენდანტის საათი გაუქმებულად გამოცხადდა.
GUARDIAN.GE - უკრაინის თავდაცვის მინისტრის მოადგილე, განა მალიარი რუსული სამხედრო დანაკარგების შესახებ სოციალურ ქსელ „ფეისბუქში“ ინფორმაციას ავრცელებს. მისი ცნობით, 24 თებერვლიდან დღემდე, 28 თებერვლის დილის 6:00 საათამდე, რუსული შეიარაღებული ძალების დანაკარგებმა, პირველადი შეფასებით, 5 300 ჯარისკაცი შეადგინა.
GUARDIAN.GE - რუსეთის უკრაინაში შეჭრის ფონზე, იაპონიის ყოფილმა პრემიერ-მინისტრმა შინძო აბემ თავის ქვეყანაში ამერიკის შეერთებული შტატების ბირთვული იარაღის განლაგების სადავო წინადადება წამოაყენა. აბემ ამის შესახებ კომენტარი უკრაინის კრიზისზე სატელევიზიო ინტერვიუს დროს გააკეთა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.