GUARDIAN.GE - ანატოლი ჩუბაისი, რუსეთის მთავრობის ერთ-ერთი ყველაზე ცნობილი წარმომადგენელი ათწლეულების განმავლობაში, გარემოს დაცვის საკითხებში პრეზიდენტ ვლადიმერ პუტინის სპეციალური წარმომადგენლის პოსტს ტოვებს, იტყობინება რუსული სახელმწიფო საინფორმაციო სააგენტო TASS-ი ანონიმურ წყაროზე დაყრდნობით.
GUARDIAN.GE - უკრაინის პრეზიდენტმა ვოლოდიმირ ზელენსკიმ განაცხადა, რომ ნებისმიერი კონსტიტუციური ცვლილება, რომელიც ქვეყნის უსაფრთხოების გარანტიებთან იქნება დაკავშირებული, უნდა გადაწყდეს რეფერენდუმის გზით და არა მხოლოდ მის მიერ. აღნიშნული განცხადება მან უკრაინის საზოგადოებრივ მაუწყებელთან ინტერვიუში გააკეთა. „ეს ხანგრძლივი პროცესია, რომელიც გადაწყდება პარლამენტის და უკრაინელი ხალხის მიერ“, - თქვა მან.
GUARDIAN.GE - რუსულმა გამოცემამ „კომსომოლსკაია პრავდამ“ თავის ვებგვერდზე გამოაქვეყნა ცნობა, შემდეგ კი წაშალა, რომლის მიხედვითაც, რუსეთის თავდაცვის სამინისტროს ოფიციალური მონაცემებით, უკრაინის ომში რუსული შეიარაღებული ძალების 9 861 სამხედრო პირია მოკლული.
GUARDIAN.GE - დიდი ბრიტანეთის ყოფილი პრემიერ-მინისტრი გორდონ ბრაუნი აცხადებს, რომ ვლადიმერ პუტინი უკრაინაში მისი ქმედებები გამო საერთაშორისო ტრიბუნალის წინაშე უნდა წარსდგეს.
GUARDIAN.GE - რუსეთის პრეზიდენტმა ვლადიმერ პუტინმა სატელევიზიო მიმართვისას პრო-დასავლელ რუსებს „ეროვნული მოღალატეები“ უწოდა. „დასავლეთი შეეცდება დაეყრდნოს ე.წ. მეხუთე კოლონას, ეროვნულ მოღალატეებს, მათ, ვინც ფულს შოულობენ ჩვენთან, მაგრამ ცხოვრობენ იქ. მე „იქ ცხოვრებაში“ ვგულისხმობ არა ამ სიტყვის გეოგრაფიულ მნიშვნელობას, არამედ მათი ფიქრების, მათი მონური ცნობიერების მიხედვით ცხოვრებას“, - განაცხადა პუტინმა.
GUARDIAN.GE - იმ ფონზე, როცა რუსეთი განაგრძობს უკრაინაზე ზეწოლას, რომ ოფიციალურად თქვას უარი ნატოში გაწევრიანებაზე, დათანხმდეს ნეიტრალიტეტს და ოფიციალურად აღიაროს დონეცკის, ლუგანსკის და ყირიმის სეპარატისტული პროვინციები, ვოლოდიმირ ზელენსკიმ პირდაპირ განაცხადა, რომ უკრაინის ნატოში გაწევრიანების პერსპექტივა ჰორიზონტზე არ ჩანს, რუსეთის უკრაინაში შეჭრის პირველივე დღეებში კი უკრაინის ნეიტრალიტეტის თაობაზე პუტინისგან წამოსული ინიციატივის განსახილველად მოლაპარაკებების დაწყება დასაშვებად მიიჩნია.
GUARDIAN.GE - დაიღუპა სულ მცირე ერთი ადამიანი და სამმა დაზიანება მიიღო უკრაინის დედაქალაქ კიევში საცხოვრებელი კორპუსის დაბომბვის შედეგად, იტყობინება უკრაინის სახელმწიფო ტელევიზია. უკრაინის საგანგებო სიტუაციების სახელმწიფო სამსახურის განცხადებით კი, დღეს დილით, ადგილობრივი დროით 07:40 საათზე დაბომბვის შემდეგ, ორი ცხედარია ნაპოვნი, სამი ადამიანი საავადმყოფოშია გადაყვანილი.
GUARDIAN.GE - ბელარუსის პრეზიდენტმა ალექსანდრე ლუკაშენკომ მოსკოვში რუსეთის ფედერაციის პრეზიდენტ ვლადიმერ პუტინთან შეხვედრაზე განაცხადა, რომ უკრაინის შეიარაღებული ძალები არა მხოლოდ დონბასზე აპირებდნენ თავდასხმას, არამედ ბელარუსში შეჭრასაც გეგმავდნენ და რომ არ მომხდარიყო ოპერაციის დაწყებამდე 6 საათით ადრე პრევენციული დარტყმა 4 პოზიციაზე, ისინი თავს დაესხმებოდნენ ბელარუსის და რუსეთის ჯარებს, რომლებიც წვრთნებს გადიოდნენ. „ასე რომ, ჩვენ არ გაგვიჩაღებია ეს ომი. ჩვენ სინდისი სუფთა გვაქვს“, - თქვა ლუკაშენკომ.
GUARDIAN.GE - რუსეთის პრეზიდენტმა ვლადიმერ პუტინმა მხარი დაუჭირა იდეას, დაწესდეს გარედან მმართველობა იმ კომპანიებზე, რომლებმაც რუსული ბაზრიდან გასვლის შესახებ გამოაცხადეს.
GUARDIAN.GE - ამერიკის შეერთებული შტატები ახლა ცდილობს ენერგორესურსების კონტრაქტებზე ხელმოწერას ირანთან და ვენესუელასთან, რომელთა წინააღმდეგაც ადრე მან არალეგიტიმური სანქციები დააწესა, - განაცხადა რუსეთის ფედერაციის პრეზიდენტმა, ვლადიმერ პუტინმა მთავრობის წარმომადგენლებთან თათბირზე, რომელიც ამ წუთებში ონლაინ ფორმატში მიმდინარეობს და პირდაპირ ეთერში გადაიცემა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.