ჩვენ აუცილებლად გავატარებთ საპენსიო რეფორმას, განაცხადა საქართველოს პრემიერ მინისტრმა, მამუკა ბახტაძემ პარლამენტის პლენარულ სხდომაზე.
გია ხუხაშვილი მედიაში გაჟღერებულ ინფორმაციაზე, რომ პრეზიდენტობის ერთ-ერთი კანდიდატი, შესაძლოა, დამოუკიდებელი დეპუტატი სალომე ზურაბიშვილი იყოს, რომელსაც „ქართული ოცნების" მხარდაჭერა ექნება, აცხადებს, რომ „ყველა შეიძლება ვიხილოთ „ქართული ოცნების“ საპრეზიდენტო კანდიდატად, მათ შორის, სალომე ზურაბიშვილი“.
გია ხუხაშვილი აცხადებს, რომ „ქართული ოცნების“ საპრეზიდენტო კანდიდატად პარტიის თავმჯდომარის, ბიძინა ივანიშვილის დასახელების შემთხვევაში ოპოზიციის შანსები ნულდება, თუმცა, ექსპერტი მიიჩნევს, რომ ეს ნაკლებად სავარაუდოა, რადგან როგორც ფიქრობს, ივანიშვილის დასახელება მოხდება იმ შემთხვევაში, თუ პარტიის თავმჯდომარე და ქვეყნის ყოფილი პრემიერ მინისტრი ამას თავად გადაწყვეტს.
საქართველოს, როგორც ლოგისტიკური ჰაბის კომპლექსური განვითარების მნიშვნელობაზე გაამახვილა ყურადღება საქართველოს ეკონომიკისა და მდგრადი განვითარების მინისტრობის კანდიდატმა გიორგი ქობულიამ 4 საპარლამენტო კომიტეტის მიერ ორგანიზებულ სამთავრობო პროგრამის მოსმენაზე.
ეკონომიკისა და მდგრადი განვითრების მინისტრობის კანდიდატის, გიორგი ქობულიას განცხადებით, საპენსიო რეფორმა, რომელიც საქართველოს მთავრობამ დაგეგმა, შეესაბამება მსოფლიოში გამოყენებულ პრაქტიკებს, რომლებმაც შედეგი მოიტანა. ეს განცხადება გიორგი ქობულიამ პარლამენტში, კომიტეტების გაერთიანებულ სხდომაზე გააკეთა.
შეერთებული შტატების პრეზიდენტ დონალდ ტრამპსა და რუსეთის პრეზიდენტ ვლადიმერ პუტინს შორის შეხვედრა გაიმართება იმ ფარგლებში, როგორც ეს დაგეგმილი იყო, მიუხედავად დაძაბულობისა, რაც მოსკოვის მიერ 2016 წლის საპრეზიდენტო არჩევნებში ჩარევას უკავშირდება, განაცხადა თეთრმა სახლმა.
საქართველოს პარლამენტი მთავრობის შემადგენლობასა და სამთავრობო პროგრამას - „თავისუფლება, სწრაფი განვითარება, კეთილდღეობა“ დღეს, 14 ივლისს, რიგგარეშე სესიის პლენარულ სხდომაზე განიხილავს.
ჰესებში დამატებითი ინვესტიციების მოზიდვის აუცილებლობაზე საუბრობს პრემიერ მინისტრი მამუკა ბახტაძე, რომელმაც საპარლამენტო უმრავლესობის სხდომაზე „ქართული ოცნების“ ერთ-ერთი დეპუტატის მიერ დასმულ შეკითხვაზე პასუხის გაცემისას თქვა, რომ ენერგეტიკაში დინამიკა შემცირებულია, რაც უნდა გამოსწორდეს და აღნიშნულ კონტექსტში მან ხაზი გაუსვა ჰესების მშენებლობის საჭიროებას, ოღონდ ადგილობრივი მოსახლეობის ინტერესების დაცვით.
უმრავლესობის წევრი კახა კუჭავა არაპროფესიონალიზმს და დიდ სიცრუეს უწოდებს ოპოზიციის განცხადებას იმის თაობაზე, თითქოს მთავრობა პიარისთვის მილიონებს ხარჯავს. დეპუტატი ხაზგასმით აღინიშნავს, რომ თანხა „ქართული ოცნების“ ხელისუფლებაში მოსვლიდან 5 წლის მანძილზე დაიხარჯა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.