საფრანგეთში სამშაბათ შუადღიდან მთელი ქვეყნის მასშტაბით იძულებით კარანტინი ცხადდება. აღნიშნულის შესახებ ქვეყნის პრეზიდენტმა ემანუელ მაკრონმა ერისადმი სატელვიზიო მიმართვისას განაცხადა.
იტალიის და ესპანეთის შემდეგ, ახალი კორონავირუსით ინფიცირებულთა მკვეთრი ზრდა გამოვლინდა საფრანგეთში. ჯანდაცვის მინისტრმა ოლივერ ვერანმა „France 2“-ს უთხრა, რომ ქვეყნის მასშტაბით დაახლოებით 5 400 შემთხვევაა დადასტურებული, მათგან თითქმის 1 000-ზე მეტი მხოლოდ შაბათს.
იტალიამ კორონავირუსით დაღუპულთა ახალი მონაცემები გამოაქვეყნა. ბოლო 24 საათის განმავლობაში იქ 368 ადამიანია გარდაცვლილი, მათგან ლომბარდიის რეგიონში 252, საერთო ჯამში კი ახალ კორონავირუსს იტალიაში უკვე 1 800-ზე მეტი ადამიანის სიცოცხლე ემსხვერპლა.
ესპანეთში კორონავირუსით ინფიცირებულთა 2 000 ახალი შემთხვევა დადასტურდა, 100-ზე მეტი კი გარდაიცვალა ბოლო 24 საათში. 1800-ს გადააჭარბა დაღუპულთა რაიდენობამ იტალიაში, დიდ ბრიტანეთში კი, ახალი კორონავირუსით დაღუპულთა რაოდენობა შაბათის შემდეგ 14-ით გაიზარდა და 35 შეადგინა. კვირას, ადგილობრივი დროით დილის 9 საათის მონაცემებით, ბრიტანეთში კოვიდ-19-ით ინფიცირებულთა რიცხვმა 1 372 შეადგინა და შაბათ დილის იმავე პერიოდის მონაცემებთან შედარებით 232-ით არის გაზრდილი.
ევროპის სახელმწიფოთა მთავრობებმა სხვადასხვა შეფასებები გააკეთეს იმასთან დაკავშირებით, თუ რამდენ ადამიანს შეიძლება შეეყაროს თავიანთ ქვეყნებში ახალი კორონავირუსი. BBC-ის ცნობით, კვირას, საფრანგეთის განათლების მინისტრმა განაცხადა, რომ დაახლოებით ქვეყნის მოსახლეობის ნახევარი დაინფიცირდება კორონავირუსით.
ჰოლანდიელ მეცნიერთა ჯგუფს სჯერა, რომ მათ იპოვნეს ანტისხეული, რომლის საშუალებითაც შესაძლებელია კორონავირუსის გამოვლენა და მისგან თავის დაცვა, იტყობინება BBC, თუმცა დასძენს, რომ ამის ადამიანებზე გამოცდა არ მომხდარა - პროცესი, რომელსაც რამდენიმე თვე დასჭირდება.
დიდ ბრიტანეთში კორონავირუსით გარდაცვალებულთა რაოდენობა ერთ დღეში თითქმის გაორმაგდა და 11-დან 21-ამდე გაიზარდა. ასევე მკვეთრად იმატა ინფიცირებულთა რაოდენობამ - 798-დან 1 140-ამდე. დაღუპულთა ასეთი მკვეთრი ზრდა მას შემდეგ დაფიქსირდა, რაც 10 ადამიანი, რომელთაც ტესტირებისას პოზიტიური შედეგი აჩვენეს, გარდაიცვალა.
იტალიაში ბოლო 24 საათის განმავლობაში კორონავირუსისაგან 188 ადამიანი გარდაიცვალა და ჯამში ინფექციით დაღუპულთა რაოდენობამ 1 016 შეადგინა, ინფიცირებულთა რიცხვმა კი 15 113-ს მიაღწია. ოფიციალური ინფორმაციით, იტალიაში კორონავირუსისაგან 1 258 ადამიანი გამოჯანმრთელდა, თუმცა ოთხშაბათის შემდეგ შემთხვევების რაოდენობამ 2 651-ით მოიმატა.
რუსეთის პრეზიდენტმა, ვლადიმერ პუტინმა არ გამორიცხა, რომ 2024 წლის საპრეზიდენტო არჩევნებში ისევ მიიღოს მონაწილეობა, მაგრამ მან პარლამენტს უთხრა, რომ პირველ რიგში ამგვარი ნაბიჯის გადასადგმელად მას საკონსტიტუციო სასამართლომ უნდა დართოს ნება.
იტალიამ კორონავირუსის აფეთქების გამო საგანგებო ზომები მთელი ქვეყნის მასშტაბით გამოაცხადა, რაც მოიცავს სამგზავრო შეზღუდვებს და საჯარო შეკრებების აკრძალვას. პრემიერ მინისტრმა ჯუზეპე კონტიმ ბრძანება გამოსცა, რომელიც ადამიანებს სახლში დარჩენას და გადაუდებელი მგზავრობის საჭიროებისას ნებართვის აღებას ავალდებულებს. სატელევიზიო მიმართავაში მან თქვა, რომ აღნიშნული ზომები ყველაზე მეტად მოწყვლადი ადამიანების დაცვას ემსახურება. „დრო უკვე მეტად აღარ ითმენს“, განაცხადა მან.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.