ეგვიპტის დედაქალაქში ერთ-ერთ რესტორანზე მომხდარი თავდასხმის შედეგად 12 ადამიანი დაიღუპა. „ბიბისის“ ცნობით, თავდამსხმელებმა რესტორანს მოლოტოვის კოქტეილები ესროლეს, რის შემდეგად შენობაში ცეცხლი გაჩნდა.
წინასწარი ცნობით, გარდაცვლილთა უმეტესობა ცეცხლის შედეგად წარმოქმნილი ბოლისგან გაიგუდა.
იორდანეს დასავლეთ სანაპიროზე, ქალაქ ჰებრონში ორი პალესტინელი მოკლეს. როგორც "ბიბისი", ისრაელის არმიის წარმომადგენელზე დაყრდნობით იტყობინება, პალესტინელები ებრაელ ჯარისკაცს დანით თავს დაესხნენ, რის შემდეგაც მათი ლიკვიდირება მოხდა.
ჩეჩნეთის პრეზიდენტი, რამზან კადიროვი ISIS-ის მიერ გავრცელებულ მორიგ ვიდეორგოლს ეხმაურება. კადიროვის განცხადებით, „ისლამური სახელმწიფოს“ ჯიჰადისტების მიერ მოკლული „რუსი ჯაშუში“ ეთნიკური ჩეჩენი იყო.
აშშ-ის ტენესის შტატში სამხედრო ვერტმფრენის ჩამოვარდნის შედეგად ორი ადამიანი დაიღუპა. როგორც სააგენტო "ასოშიეითედ პრესი" იტყობინება, "აპაჩის" ვერტმფრენმა კატასტროფა გეგმური სასწავლო ფრენის დროს განიცხადა. დაღუპულები ეკიპაჟის წევრები არიან.
ავღანეთში მოქმედი რადიკალური მოძრაობა "თალიბანის" ლიდერი, მულა მანსური მძიმედაა დაჭრილი. ინფორმაციას ამის შესახებ, ავღანეთის ხელისუფლებაზე დაყრდნობით, "ბიბისი" ავრცელებს.
მონტენეგროს ნატო-ში გაწევრიანების შესახებ მიპატიჟებასთან დაკავშირებულ გადაწყვეტილებას ოფიციალური მოსკოვი აღიქვამს კონფრონტაციულ ნაბიჯად, რომელიც პირდაპირ ეხება რუსეთის ინტერესებს და აიძულებს შესაბამისი რეაქცია ჰქონდეს.
შვეიცარიაში "ფიფა"-ს ჩინოვნიკები კორუფციის ბრალდებით დააკავეს. ბრალდება შესაძლოა სამხრეთ ამერიკის ფეხბურთის კონფედერაციისა (CONMEBOL-ი) და ჩრდილოეთ და ცენტრალური ამერიკისა და კარიბის ზღვის აუზის ქვეყნების ფეხბურთის კონფედერაციის ჩინოვნიკებსაც წარედგინოთ, რომლებსაც ფულის გათეთრებასა და თაღლითობაში ადანაშაულებენ.
"ისლამურმა სახელმწიფომ" ვიდეორგოლი გაავრცელა, სადაც, ტერორისტების მტკიცებით, ნაჩვენებია "რუსი ჯაშუშის" სიკვდილით დასჯა. როგორც CNN-ის ცნობით, ტყვე აღიარებს, რომ რუსულ დაზვერვაზე მუშაობდა და მას სირიაში იმ ისლამისტების პოვნა ევალებოდა, რომლებიც რუსეთში ტერაქტების განსახორციელებლად აპირებდნენ ჩასვლას.
დიდმა ბრიტანეთმა, მას შემდეგ რაც თემთა პალატამ დევიდ ქამერონის წინადადებას, მხარი დაეჭირათ სირიაში სამხედრო ინტერვენციისთვის, მხარი დაუჭირა, "ისლამური სახელმწიფოს" დასაბომბად საჰაერო ძალები გაგზავნა.
მსოფლიოს წამყვანი მედიასაშუალებები გაწევრიანების შესახებ მონტენეგროს მოლაპარაკებებში მიწვევის საკითხზე ამახვილებენ ყურადღებას და ამ კონტექსტში საქართველოსაც მოიხსენიებენ.
გავლენიანი ამერიკული გამოცემა "The Wall Street Journal"- ი წერს, რომ ამ გადაწყვეტილებამ სხვა ასპირანტი ქვეყნები, განსაკუთრებით რუსეთის მეზობელი საქართველო, უკმაყოფილო დატოვა. გამოცემა აღნიშნავს, რომ ნატო-ს მისიებში საქართველო გაცილებით უფრო აქტიურ მონაწილეობას იღებდა, ვიდრე მონტენეგრო, მიუხედავად ამისა, ალიანსში ბევრი მიიჩნევს, რომ ვიდრე რუსეთს ქვეყნის ნაწილი ოკუპირებული აქვს, საქართველოს ნატო-ში წევრობა შეუძლებელია.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.