გერმანიის კანცლერი საოკუპაციო ხაზთან გაემგზავრა. როგორც ცნობილია, ანგელა მერკელი საოკუპაციო ზოლს ქართული დელეგაციის გარეშე, ევროკავშირის სადამკვირვებლო მისიის წარმომადგენლების თანხლებით ეწვევა.
მანამდე კი, კანცლერი თბილისის სახელმწიფო უნივერსიტეტის სტუდენტებს შეხვდა და მათ შეკითხვებს უპასუხა.
ანგელა მერკელმა აღნიშნულ შეხვედრაზე ცხინვალის რეგიონსა და აფხაზეთს ოკუპირებული ტერიტორიები უწოდა.
მანვე საქართველოს ევროკავშირსა და ნატოში გაწევრიანების საკითხზეც ისაუბრა.
უფრო ადრე, გერმანიის ფედერალურმა კანცლერმა შეხვედრები საპარლამენტო ოპოზიციასთანაც გამართა.
მერკელთან შეხვედრის შემდეგ, „ერთიანი ნაციონალური მოძრაობის" საპრეზიდენტო კანდიდატმა, გრიგოლ ვაშაძემ განაცხადა, რომ კანცლერთან „გაცილებით უფრო გულწრფელი საუბარი აღმოჩნდა, ვიდრე ველოდებოდით“.
„ევროპული საქართველოს" საპრეზიდენტო კანდიდატის, დავით ბაქრაძის თქმით კი, მერკელისგან „ორ კონკრეტულ“ საკითხთან დაკავშირებით, დაპირება მიიღო.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.