აშშ-ის რამდენიმე შტატმა დახურვის შესახებ გამოაცხადა, რაც ხუთიდან ერთი ამერიკელისთვის „დარჩი სახლში“ ბრანების დამორჩილებას ითვალისწინებს. კონეკტიკუტი და ნიუ ჯერსი უერთდებიან ილიონოისს და კალიფორნიას და ახალი კორონავირუსის გავრცელებასთან საბრძოლველად, მოუწოდებენ მოქალაქეებს დარჩნენ სახლში. ნიუ იორკის შტატმა არასაჭირო ბიზნესები დაავალდებულა დაიხურონ.
იტალიაში ერთი დღე-ღამის განმავლობაში ახალი კორონავირუსით გამოწვეულმა სიკვდილიანობამ რეკორდულად მაღალი მაჩვენებელი შეადგინა - ბოლო 24 საათში გარდაცვლილია 627 ადამიანი, ინფექციით დაღუპულთა საერთო რაოდენობა კი უკვე 4 032-ია. ქვეყანაში კორონავირუსის 47 021 შემთხვევაა დადასტურებული.
დიდი ბრიტანეთი უმუშევრად დარჩენილ თავის მოქალაქეებს ხელფასის უდიდეს ნაწილს აუნაზღაურებს. ქვეყნის ფინანსთა მინისტრის განცხადებით, მთავრობა დასაქმებულებს, რომლებიც სხვადასხვა ობიექტების დაკეტვის შემდეგ დროებით უმუშევარი დარჩნენ ხელფასის 80%-ს გადაუხდის, თვეში 2 500 ფუნტ სტერლინგამდე (საქართველოს ეროვნული ბანკის 20 მარტის ოფიციალური კურსით, 9 400 ლარი).
კორონავირუსის გავრცელების შეკავების მიზნით საზკვების ობიექტები -კაფეები, ბარები და რესტორნები უნდა დაიკეტოს პარასკევ ღამიდან, გარდა საკვების გამოძახებით მიღების მომსახურების ობიექტებისა, განაცხადა დიდი ბრიტანეთის პრემიერ მინისტრმა ბორის ჯონსონმა.
ესპანეთი კორონავირუსით გარდაცვალებულთა რაოდენობით მეოთხე ქვეყანა გახდა მსოფლიოში - ჩინეთის, იტალიის და ირანის შემდეგ. უახლესი მონაცემებით, ინფექციით დაღუპული პაციენტების რიცხვმა იქ 1 002-ს მიაღწია, ინფიცირებულთა რაოდენობა კი, თითქმის 20 000-ია. ამ დროისთვის გამოჯანმრთელებულია 1588 ადამიანი.
მთელი მსოფლიოს მასშტაბით, ახალი კორონავირუსით („კოვიდ-19“) გარდაცვალებულთა რაოდენობამ 10 000-ს გადააჭარბა, ინფიცირებულთა დადასტურებული შემთხვევები კი თითქმის 250 000-ს შეადგენს. ჩინეთმა, რომლის პროვინცია ჰუბეის ქალაქ უხანშიც დღემდე უცნობმა კორონავირუსმა გასული წლის ბოლოს იფეთქა, გამოაცხადა, რომ ოთხშაბათის შემდეგ, ქვეყანაში ადამიანთა შიდა დაინფიცირების შემთხვევა არც ხუთშაბათს გამოვლენილა.
ახალი კორონავირუსის შესაძლო გავრცელების პრევენციის მიზნით, თავდაცვის ძალების სამხედრო მოსამსახურეები საქართველოში რუმინეთის საჰაერო ძალების თვითმფრინავით დაბრუნდნენ.
საბრძოლო-საინჟინრო ბატალიონის სწრაფი რეაგირების რქბ (რადიაციული, ქიმიური და ბიოლოგიური) დაცვის ასეულმა დაბინძურებული ტერიტორიის დეკონტამინაციის მიზნით, სიტუაციური სწავლება ჩაატარა. სწავლების სცენარის თანახმად, სამხედრო მოსამსახურეებმა ურბანულ გარემოში მოქალაქეების, ავტოტექნიკისა და ტერიტორიის დასუფთავება განახორციელეს.
ქართველი პოლიტიკოსი ირაკლი გოგავა BBC-ზე დაყრდნობით აცხადებს, რომ ჩინელებმა მედიკამენტების გარდა, კორონავირუსით ინფიცირებულთა მკურნალობა სახალხო მედიცინის მეშვეობით, კერძოდ კი ძირტკბილას ფესვებითაც შეძლეს.
საფრანგეთში ბოლო 24 საათის განმავლობაში ახალი კორონავირუსით გარდაცვლილთა რაოდენობა 108-ით გაიზარდა და 372 შეადგინა. საფრანგეთის ჯანდაცვის სამინისტროს მაღალი თანამდებობის პირმა, ჯერომ სალომონმა განაცხადა, რომ ინფექციით დაავადებულთა რაოდენობა „ყოველ ოთხ დღეში ორმაგდება“ და ვირუსი „სწრაფად და ძლიერად“ ვრცელდება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.