25 ოქროს, 10 ვერცხლის და 6 ბრინჯაოს მედალი - ასეთია აშშ-ის „საზღვაო ქვეითთა კორპუსის თამაშებში“ ქართველი დაჭრილ-დაშავებული სამხედრო მოსამსახურეების ასპარეზობის შედეგები. საქართველოს თავდაცვის ძალების წარმომადგენლებმა პარასპორტის 8 სახეობაში მიიღეს მონაწილეობა და 41 მედალი მოიპოვეს.
ჯო ბაიდენმა კიდევ უფრო მეტად გაიმაგრა „დემოკრატიული პარტიის“ საპრეზიდენტო მარათონში თავისი პოზიციები და მეორე სუპერ სამშაბათის შიდა პარტიულ არჩევნებზე ხუთ შტატში და მათ შორის ყველაზე მთავარ, მიჩიგანის შტატში გამარჯვებით და რამდენიმე ყოფილი მოწინააღმდეგის მხარდაჭერით ბერნი სანდერსთან დიდი უპირატესობა მოიპოვა თავად გახდეს ივლისში პარტიის ყრილობაზე „დემოკრატების“ საპრეზიდენტო კანდიდატი და „რესპუბლიკელი“ პრეზიდენტის, დონალდ ტრამპის მეტოქე თეთრი სახლისათვის ბრძოლაში.
რუსეთის პრეზიდენტმა, ვლადიმერ პუტინმა არ გამორიცხა, რომ 2024 წლის საპრეზიდენტო არჩევნებში ისევ მიიღოს მონაწილეობა, მაგრამ მან პარლამენტს უთხრა, რომ პირველ რიგში ამგვარი ნაბიჯის გადასადგმელად მას საკონსტიტუციო სასამართლომ უნდა დართოს ნება.
გარემოს დაცვისა და სოფლის მეურნეობის სამინისტრო მოუწოდებს მოსახლეობას, კერძო საკუთრების სასოფლო-სამეურნეო ნაკვეთებზე, საძოვრებსა და სათიბებზე საგაზაფხულო სამუშაოებისას, არ დაწვან ნარჩენები, რადგან ქმედებამ შესაძლოა ხანძრის გავრცელება გამოიწვიოს და სავალალო შედეგებამდე მიგვიყვანოს (ნიადაგის დაზიანება და ტყის მასივების განადგურება.
ჩინეთის პრეზიდენტი სი ძინპინი ვუხანს ესტუმრა, კორონავირუსის აფეთქების ეპიცენტრს, და პეკინს გზავნილი მიაწოდა, რომ მდგომარეობა კონტროლს ექვემდებარება. მისი ვიზიტი ვუხანში იმ ფონზე შედგა, რაც ჩინეთმა გამოაცხადა, რომ სამშაბათს ვირუსით ყველაზე მცირე რაოდენობის, მხოლოდ 19 ადამიანის ინფიცირებას ჰქონდა ადგილი - ყველა შემთხვევა ვუხანში მყოფთ დაუდგინდა, გარდა ორი პირისა, რომლებიც საზღვარგარეთიდან ჩავიდნენ იქ.
წვრთნებისა და სამხედრო განათლების მხარდამჭერ ცენტრ „კრწანისში“, JTEC-ის ტერიტორიაზე ახალი სამეთაურო-საშტაბო ცენტრის მშენებლობა დაიწყო, რომელიც 2021 წელს დასრულდება.
საქართველოს განათლების, მეცნიერების, კულტურისა და სპორტის მინისტრის მოადგილე თამარ ქიტიაშვილმა, ფრანგული ინსტიტუტის დირექტორთან პიერ კლუეტთან და საფრანგეთის საელჩოს წარმომადგენლებთან სამუშაო შეხვედრა გამართა, რომლის ფარგლებშიც პროფესიული განათლების მიმართულებით საფრანგეთთან პარტნიორობის ახალი შესაძლებლობები განიხილა.
იტალიამ კორონავირუსის აფეთქების გამო საგანგებო ზომები მთელი ქვეყნის მასშტაბით გამოაცხადა, რაც მოიცავს სამგზავრო შეზღუდვებს და საჯარო შეკრებების აკრძალვას. პრემიერ მინისტრმა ჯუზეპე კონტიმ ბრძანება გამოსცა, რომელიც ადამიანებს სახლში დარჩენას და გადაუდებელი მგზავრობის საჭიროებისას ნებართვის აღებას ავალდებულებს. სატელევიზიო მიმართავაში მან თქვა, რომ აღნიშნული ზომები ყველაზე მეტად მოწყვლადი ადამიანების დაცვას ემსახურება. „დრო უკვე მეტად აღარ ითმენს“, განაცხადა მან.
იტალიაში კორონავირუსით დაღუპულთა რაოდენობა 97-ით გაიზარდა და 463 შეადგინა. პრემიერ მინისტრმა ჯუზეპე კონტიმ კორონავირუსის აფეთქებას ქვეყნის „ყველაზე ბნელი საათი“ უწოდა. გაზრდილია ინფექციით დაავადებულთა რაოდენობა და თუკი კვირას, 8 მარტს, 7 375 ადამიანი იყო გამოვლენილი, ახლა ინფიცირებულთა რიცხვი 9 172-ამდე გაიზარდა.
ყველა პირი, ვინც ისრაელში ჩავა, ვალდებული იქნება 2 კვირით თვით-კარანტინი გაიაროს, რათა კორონავირუსის წინააღმდეგ ბრძოლა ეფექტური და საზოგადოების ჯანმრთელობა უზრუნველყოფილი იყოს, განაცხადა ქვეყნის პრემიერ მინისტრმა, ბენიამინ ნეთანიაჰუმ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.