ტაილანდში, ბანგკოკის ჩრდილოეთ-აღმოსავლეთით, ქალაქ კორატში ჯარისკაცმა ცეცხლი გახსნა. შემთხვევა ერთ-ერთ სავაჭრო ცენტრთან მოხდა. ინფორმაციას BBC ავრცელებს.
ამერიკის შეერთებული შტატების სამუშაო ადგილების შექმნა იანვარში დაჩქარდა, რაც სეზონისთვის არადამახასიათებელმა რბილმა ტემპერატურამ განაპირობა. უჩვეულოდ ზომიერმა ზამთარმა, ამინდის მხრივ მგრძნობიარე სექტორებში ადამიანების სამსახურებში აყვანას შეუწყო ხელი. ეს კი, აჩვენებს, რომ ეკონომიკამ შესაძლოა ზომიერად განაგრძოს ზრდა, მიუხედავად იმისა, რომ ბიზნესში კაპიტალდაბანდება მკვეთრად დაეცა.
საქართველოს ეროვნულ ოლიმპიურ კომიტეტში აღმასკომის სხდომა გაიმართა, რომელსაც განათლების, მეცნიერების, კულტურისა და სპორტის მინისტრი, მიხეილ ჩხენკელი დაესწრო. მინისტრმა ქართველი სპორტსმენების ბოლოდროინდელ მიღწევებზე ისაუბრა და ოლიმპიურ კომიტეტსა და სპორტულ ფედერაციებს, ოლიმპიური თამაშებისთვის მზადების პროცესში სრული მხარდაჭერა აღუთქვა.
საქართველოს თავდაცვის ძალების სამხედრო პოლიციამ ბრალდებულის სახით ერთი პირი დააკავა. საქმე ეხება საქართველოს თავდაცვის სამინისტროს კუთვნილი ქონების მართლსაწინააღმდეგო დაუფლების ფაქტს.
თავდაცვის მინისტრი ირაკლი ღარიბაშვილი საქართველოში ამერიკის შეერთებული შტატების საგანგებო და სრულუფლებიან ელჩს, კელი დეგნანს შეხვდა. ირაკლი ღარიბაშვილმა ახლადდანიშნულ ელჩს საქართველოს ტერიტორიული მთლიანობისა და სუვერენიტეტისადმი აშშ-ის ურყევი მხარდაჭერისათვის მადლობა გადაუხადა და კიდევ ერთხელ გაუსვა ხაზი ქვეყნის ევროპული და ევროატლანტიკური კურსის შეუქცევადობას.
პარტია „ლიბერალ-დემოკრატების" თავმჯდომარე მუხრან ბურჭულაძე გაერთიანებულ ოპოზიციას ეკითხება თუ „რაა ის საერთო დიადი მიზანი, რისთვისაც ოპოზიცია კრემლთან ხელისუფლებას ინაწილებს?“
საქართველოს თავდაცვის სამინისტრომ, ჯარისკაცზე ორიენტირებული განახლებული სოციალური პოლიტიკის ფარგლებში, ჯანმრთელობის დაზღვევის პირობები არსებითად გააუმჯობესა. სადაზღვევო კომპანია „ჯი პი აი ჰოლდინგის“ წარმომადგენლებმა თავდაცვის სამინისტროს „არმიჰოლში“ უწყების თანამშრომლებს სადაზღვევო ხელშეკრულების პირობების შესახებ დეტალური ინფორმაცია მიაწოდეს.
ამერიკის შეერთებული შტატების პრეზიდენტი დონალდ ტრამპი კონგრესის ზედა პალატის, სენატის მიერ მისთვის იმპიჩმენტის გამოუცხადებლობას და გამართლებას ზეიმობს. მან გაზეთით ხელში, სადაც სათაურად გამოტანილია -„ტრამპი გამართლდა“ - განაცხადა: „მე დამიშვია შეცდომები ჩემს ცხოვრებაში, მაგრამ მიღიარებია... მაგრამ ეს არის ის, რაც ასეთი შედეგით დასრულდა“.
ჩინელი ექიმი, რომელიც ცდილობდა პირველი გაფრთხილებების გავრცელებას მომაკვდინებელი კორონავირუსის აფეთქების თაობაზე, ინფექციით გარდაიცვალა, იტყობინება BBC ჩინურ მედიაზე დაყრდნობით. ლი ვენლიანძი ვუხანის ცენტრალურ კლინიკაში ოფთალმოლოგად მუშაობდა. მან 30 დეკემბერს თავისი კოლეგა მედიკოსები ვირუსის საფრთხის შესახებ პირველმა გააფრთხილა, რის შემდეგაც მას პოლიცია ესტუმრა და გაჩერება მოსთხოვა, რადგან ხელისუფლება ცდილობდა ეს ახალი ამბავი კონფიდენციალურად დარჩენილიყო.
შოტლანდიის ფინანსთა მინისტრმა დერექ მაქქეიმ სოციალურ მედიაში 16 წლის ბიჭთან მიმოწერის გამჟღავნების გამო თანამდებობა დატოვა - რამდენიმე საათით ადრე ვიდრე ის ბიუჯეტს წარადგენდა.„The Scottish Sun“ -ის თანახმად, დერექ მაქქეი ბიჭს 6 თვის განმავლობაში ეკონტაქტებოდა და ეუბნებოდა, რომ ის „საყვარელი“ იყო. მაქქეიმ განაცხადა, რომ იგი „სულელურად იქცეოდა“. მან თავის ქმედებებზე სრული პასუხისმგებლობა აიღო და „გულწრფელი ბოდიში“ მოუხადა ბიჭს და მის ოჯახს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.