საქართველოს პრემიერ მინისტრმა ბათუმში, პოლიციის სამმართველოში აჭარაში განვითარებული მოვლენები შეაფასა და განაცხადა, რომ ოპოზიციის ნაწილის მიზანია „ქვა ქვაზე ნუ დარჩენილა, ოღონდაც ისინი იყვნენ ხელისუფლებაში“. მას ოპოზიციური პარტია არ დაუსახელებია და "რუსთავი 2"-ის ჟურნალისტის შეკითხვაზე, კონკრეტულად რომელ პარტიას გულისხმობდა, უპასუხა: „თქვენ კარგად იცნობთ მათ“.
საქართველოს პრეზიდენტი ოკუპირებულ აფხაზეთში ე.წ. არჩევნების ჩატარებასთან დაკავშირებით სპეციალურ განცხადებას აქვეყნებს. მასში აღნიშნულია, რომ აღნიშნულ „არჩევნებს“ „არ გააჩნია იურიდიული ძალა და ვერ ექნება სამართლებრივი შედეგი“.
ბათუმში მომხდარ არეულობასთან დაკავშირებით „ერთიანი ნაციონალური მოძრაობის“ ერთ-ერთი ლიდერი, პარტიის პოლიტიკური საბჭოს წევრი გიორგი ბარამიძე კომენტარს აკეთებს.
„ქართული ოცნება - დემოკრატიული საქართველო“ ბათუმში განვითარებული მოვლენების შესახებ სპეციალურ განცხადებას ავრცელებს, სადაც ის გმობს „11 და 12 მარტს ბათუმში მომხდარ ვანდალურ ქმედებებს, რომლითაც აქციის მონაწილე აგრესიულმა ჯგუფებმა დაზიანება მიაყენეს მშვიდობიან მოქალაქეებს, პოლიციელებს, ასევე სახელმწიფო და კერძო საკუთრებას“.
საქართველოს პრეზიდენტის ადმინისტრაციის უფროსი გიორგი აბაშიშვილი ბათუმის მოვლენებში შინაგან საქმეთა სამინისტროს ჩართულობას დადებითად აფასებს და ამბობს, რომ „მაქსიმალურად იქნა აცილებული ზიანი“.
ბათუმში მყოფი უშიშროების საბჭოს მდივანი და პრეზიდენტის ადმინისტრაციის ხელმძღვანელი საქართველოს შინაგან საქმეთა მინისტრსა და აჭარის მთავრობის მეთაურს შეხვდნენ. დავით რაქვიაშვილის თქმით, ამჟამად ბათუმში მდგომარეობა „სტაბილურია და კონტროლს ექვემდებარება“.
„ქართული ოცნების“ დეპუტატი ეკა ბესელია ბათუმში განვითარებული მოვლენების შეფასებისას აცხადებს, რომ „დამწვარი მანქანები, ქვების სროლა, ადამიანების გამეტება... „ნაციონალური მოძრაობის“ ნაცნობი ხელწერაა“.
აჭარის მთავრობის თავმჯდომარე ზურაბ პატარაძე ბათუმში განვითარებულ მოვლენებში „პოლიტიკურ ელფერსაც“ ხედავს და აცხადებს, რომ ბოლომდეა შესასწავლი „თუ რა იყო მიზეზები, თუ ვინ ედგა სათავეში ამ ყველაფერს და ვინ მოახდინა პროვოცირება“.
აჭარის ჯანდაცვის მინისტრის ზაალ მიქელაძის განცხადებით წუხელ ბათუმის საავადმყოფოებში სულ 33 ადამიანი შეიყვანეს, რომელთაგან 15 პოლიციელია. სამართალდამცველებს ძირითადად აღენიშნებოდათ ზედაპირული ტრავმები, რომელიც ბლაგვი საგნით აქვთ მიყენებული, ხოლო აქციის მონაწილეები საავადმყოფოებში ძირითადად ცრემლსადენი გაზის მოწამლვის დიაგნოზით შეიყვანეს.
საქართველოს შინაგან საქმეთა მინისტრმა გიორგი მღებრიშვილმა ბათუმში ღამის განმავლობაში განვითარებული მოვლენების შეფასებისას განაცხადა, რომ „პოლიციის ჩარევის შედეგად მასშტაბები ერთ ქუჩას არ გასცდენია“ და „სიტუაცია აბსოლუტურად ექვემდებარება კონტროლს“.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.