საქართველოს პრეზიდენტის ავლაბრის რეზიდენციაში ბელარუსის პრეზიდენტმა ალექსანდრე ლუკაშენკომ მისი ქართველი კოლეგის მიერ საქართველოს ხელისუფლების წარმომადგენლებთან ოფიციალური პროტოკოლის ფარგლებში გამართული წარდგენისას პროტოკოლი დაარღვია, თბილისის მერთან, კახა კალაძესთან საკმაოდ დიდხანს გაჩერდა, მას ხელი არ გაუშვა და მასთან პროტოკოლისთვის უჩვეულოდ ხანგრძლივი საუბარი გააბა.
ექვსი ადამიანი დაიღუპა ჩეხეთის რესპუბლიკაში, პრაღის ჩრდილოეთით მდებარე ქალაქ კრალუპუ ნად ვლტავოუს ქიმიურ ქარხანაში მომხდარი აფეთქების შედეგად.
„მოხარული ვარ, რომ ჩემი ელჩობის დროს კიდევ უფრო გაღრმავდა და გაფართოვდა ჩვენი თანამშრომლობა. მადლობას ვუხდი საქართველოს თავდაცვის სამინისტროს ხელმძღვანელობას“ , ამ სიტყვებით დაემშვიდობა საქართველოს თავდაცვის მინისტრს, ლევან იზორიას აშშ-ის ელჩი.
მოხარული ვარ, რომ საქართველოში ეკონომიკისა და ენერგეტიკის სამინისტროები გაერთიანდა და ეს ბატონ დიმიტრი ქუმსიშვილის მინისტრობისას მოხდა. სწორედ ეს უწყება ფარავს ჩვენი პორტფოლიოს პროექტების დიდ ნაწილს, რომელსაც საქართველოში ვახორციელებთ, განაცხადა ევროკომისიის ევროპული სამეზობლო პოლიტიკისა და გაფართოების საკითხებში გენერალური დირექტორატის ხელმძღვანელის მოადგილე კატარინა მატერნოვამ ევროპის საგარეო საინვესტიციო გეგმის ღონისძიებაზე სიტყვის გამოსვლისას.
საქართველოს მთავარი პროკურორის, ირაკლი შოთაძის თქმით, თემირლან მაჩალიკაშვილის საქმეში არსებულ ხელყუმბარაზე ყველა საჭირო ექსპერტიზა ჩატარებულია. როგორც შოთაძემ ჟურნალისტებთან საუბრისას აღნიშნა, ექსპერტიზის დასკვნებზე მთავარი საგამოძიებო უწყება საგამოძიებო მოქმედებების დასრულების შემდეგ ისაუბრებს.
ქართულ-ბელარუსული კომპანიების თანამშრომლობით, საქართველოში პირველად ლიფტების წარმოება დაიწყება - თანამედროვე, ევროპული სტანდარტების შესაბამისი სამგზავრო და სატვირთო ლიფტები თბილისში, ტექნიკური უნივერსიტეტის სამეცნიერო-საწარმოო ცენტრის „ანალიზ-ხელსაწყოს“ ბაზაზე აეწყობა.
თბილისის მერის, კახა კალაძის განცხადებით, კომპანია „სითი პარკის“ 120 თანამშრომელი თბილისის სატრანსპორტო კომპანიაში დასაქმდება. განცხადება აღნიშნულთან დაკავშირებით მერმა დედაქალაქის მთავრობის დღევანდელ სხდომაზე გააკეთა.
არჩილ ტატუნაშვილის ცხედრისთვის საქართველში ჩატარებული ექსპერტიზის შედეგების მიხედვით, მივიღებთ გადაწყვეტილებას, გახდება თუ არა საჭირო საქმეში საერთაშორისო ექსპერტების ჩართვა, აღნიშნული განცხადება მთავარმა პროკურორმა, ირაკლი შოთაძემ ჟურნალისტებთან საუბრისას გააკეთა.
„ერთიანი ნაციონალური მოძრაობის“ ლიდერმა ნიკა მელიამ დმანისში მოსახლეობასთან შეხვედრისას განაცხადა, რომ ბოლნისსა და დმანისში კლანური მმართველობაა და მოსახლეობა ტერორის ქვეშ იმყოფება და ტერორის განმხორციელებელი „არ-ემ-ჯი გოლდი“, და მათი დავალებით მოქმედი ადგილობრივი ხელისუფლებაა.
საქართველოს მთავარი პროკურორის, ირაკლი შოთაძის განცხადებით, მტკიცებულებები შეფასდება და ამის გათვალისწინებით მოხდება „ქართული მარშის“ დაკავებული წევრებისთვის ბრალის კვალიფიკაციის განსაზღვრა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.