ოთხი უსახლკარო ადამიანი სიკვდილის პირამდე ნაცემი იპოვეს მანჰეტენზე შაბათს დილით, მეხუთე კი კრიტიკულ მდგომარეობაში იმყოფება, იტყობინება აშშ-ის მედია. პოლიციამ ინციდენტს შემთხვევითი თავდასხმა უწოდა.
დემოკრატმა კონგრესმენებმა აშშის პრეზიდენტის დონალდ ტრამპის ადმინისტრაციიდან ტრამპი-ზელენსკის სატელეფონო ზართან დაკავშირებული დოკუმენტები გამოითხოვეს. ინფორმაციას BBC ავრცელებს.
აშშ-ის პრეზიდენტმა დონალდ ტრამპმა ამჯერად აშშ-ის ყოფილი ვიცეპრეზიდენტის ჯო ბაიდენის და მისი ვაჟის ჰანთერ ბაიდენის წინააღმდეგ გამოძიება, უკრაინის მსგავსად, ჩინეთსაც მოსთხოვა. ინფორმაციას BBC ავრცელებს.
ამერიკის შეერთებული შტატების „დემოკრატიული პარტიის“ წამყვანი საპრეზიდენტო კანდიდატი, ბერნი სანდერსი, რომელიც 78 წლისაა, მკერდის ტკივილის გამო საავადმყოფოში იქნა მოთავსებული და მის მიერ დაგეგმილი ღონისძიებები გაუქმებულია, იტყობინება აშშ-ის მედია.
განგაშის ამტეხი პირი („უისელბლოუერი“), რომლის ბრალდებამაც აშშ-ის პრეზიდენტის, დონალდ ტრამპის წინააღმდეგ იმპიჩმენტის თაობაზე გამოძიების დაწყებას დაუდო საფუძველი, ცენტრალური სადაზვერვო სააგენტოს (CIA) ოფიცერია, იტყობინება შეერთებული შტატების მედია.
დონალდ ტრამპის ადმინისტრაციის ოფიციალური პირები ცდილობდნენ „დაემალათ“ აშშ-ის პრეზიდენტის უკრაინის ლიდერთან, ვოლოდიმირ ზელენსკისთან სატელეფონო საუბრის ჩანაწერი, იტყობინება BBC ე.წ. „განგაშის ამტეხ პირზე“ („უისელბლოუერზე“) დაყრდნობით. ახლახან გამოქვეყნებულ ანგარიშში ნათქვამია, რომ აშშ-ის და უკრაინის პრეზიდენტებს შორის სატელეფონო საუბრის ჩანაწერი არ ყოფილა შენახული იმ კომპიუტერულ სისტემაში, რომელიც ჩვეულებისამებრ გამოიყენება ამგვარი ინფორმაციისთვის და ამის ნაცვლად ის ცალკე სისტემაში შეინახეს, რომელსაც „განსაკუთრებით მგრძნობიარე ხასიათის საიდუმლო ინფორმაციის“ შესანახად იყენებენ.
ამერიკის შეერთებული შტატების კონგრესის წევრები პრეზიდენტ დონალდ ტრამპის წინააღმდეგ ე.წ. „განგაშის ამტეხი პირის“ (უისელბლოუერი) ბრალდებას პირველად განიხილავენ, რაც შესაძლოა ტრამპის იმპიჩმენტის საკითხის დაყენების საწინდარი გახდეს. ერთ-ერთმა „დემოკრატმა“ ამას „შემაშფოთებელი“ უწოდა, ხოლო „რესპუბლიკელმა“ კონგრესმენმა განაცხადა, რომ ეს „სამწუხაროა“. ბრალდება ტრამპსა და უკრაინის პრეზიდენტ ვოლოდიმირ ზელენსკის შორის სადავო სატელეფონო საუბარს ეხება.
ამერიკის შეერთებულმა შტატებმა საუდის არაბეთში, ქვეყნის სანავთობო ინფრასტრუქტურის წინააღმდეგ თავდასხმების კვალდაკვალ, სამხედრო შეიარაღებული ძალების გაგზავნის გადაწყვეტილების შესახებ გამოაცხადა.
ბორტ ნომერ ერთზე ასვლისას აშშ-ის პრეზიდენტს, დონალდ ტრამპს კოსტუმი ქარმა აუფრიალა და შარვლის უკანა ჯიბეში 20-დოლარიანი ბანკნოტები გამოუჩნდა. „როიტერსის“ ფოტოგრაფის მიერ გადაღებული სურათი ინტერნეტში დიდი სისწრაფით გავრცელდა.
ამერიკის შეერთებული შტატების პრეზიდენტმა დონალდ ტრამპმა ეროვნული უსაფრთხოების საკითხებში ახალი მრჩეველი დაასახელა. რობერტ ო’ბრიენს, რომელიც ჯონ ბოლტონს შეცვლის, საგარეო პოლიტიკაში ხანგრძლივი კარიერა აქვს და ამჟამად სახელმწიფო დეპარტამენტში მძევლების მოლაპარაკებებს ხელმძღვანელობს. იგი ტრამპის უსაფრთხოების საკითხებში მეოთხე მრჩეველია.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.