GUARDIAN.GE - რუსეთის სამხედრო თავდასხმა უკრაინაზე პრეზიდენტ ვლადიმერ პუტინისთვის „შესაძლოა, დასასრულის დასაწყისი იყოს“, - განაცხადა დიდი ბრიტანეთის საგარეო მდივანმა ლიზ თრასმა. Sky News-სთან საუბრისას. მან თქვა: „ჩვენ ახლა ვუყურებთ მამაც უკრაინულ წინააღმდეგობას და დიდი ბრიტანეთი განაგრძობს მათთვის იარაღის მიწოდებას და ეკონომიკურ მხარდაჭერას“.
GUARDIAN.GE - ფინეთმა და ირლანდიამ გამოაცხადეს, რომ ისინიც ჩაკეტავენ თავიანთ საჰაერო სივრცეს რუსული თვითმფრინავებისთვის. ამ ეტაპზე უცნობია, როდიდან შევა გადაწყვეტილება ძალაში.
GUARDIAN.GE - ბელარუსის პრეზიდენტმა ალექსანდრე ლუკაშენკომ დაადასტურა, რომ ბელარუსის ტერიტორიიდან უკრაინის მიმართულებით სარაკეტო დარტყმები წამოიწყეს და მისი ქვეყნის ტერიტორია რუსებმა უკრაინაზე თავდასხმისთვის გამოიყენეს, - ამის შესახებ ბელარუსული სახელმწიფო საინფორმაციო სააგენტო „ბელტა“ იტყობინება.
GUARDIAN.GE - უკრაინა დასავლეთის მოკავშირე სახელმწიფოებისაგან შეიარაღებას მიიღებს. ამერიკის შეერთებული შტატები 350 მილიონი აშშ დოლარის იარაღს - მათ შორის ანტი-სატანკო ჯაველინს და საზენიტო სისტემებს და ჯავშან ჟილეტებს.
GUARDIAN.GE - დასავლეთის მოკავშირე სახელმწიფოებმა 26 თებერვალს რუსეთის წინააღმდეგ ახალი სანქციები გამოაცხადეს, რაც რუსული ბანკების ფინანსური ტრანზაქციების განხორციელების საკვანძო საერთაშორისო სისტემიდან, Swift-დან გაძევებას და რუსეთის ცენტრალურ ბაკნზე შეზღუდვებს მოიცავს. ეს ღონისძიებები ხელს შეუშლის რუსეთის ცენტრალურ ბანკს გამოიყენოს თავისი საერთაშორისო რეზერვები რუსული ვალუტის მხარდასაჭერად -სანქციების ეფექტის შესუსტების მიზნით.
GUARDIAN.GE - ვლადიმერ პუტინის მთავარმა მოკავშირემ, რუსეთის სამხრეთით მდებარე ჩეჩნეთის რესპუბლიკის ლიდერმა, რამზან კადიროვმა განაცხადა, რომ მან უკრაინაში განალაგა ჩეჩენი მებრძოლები, რომლებიც რუსულ ჯარებს შეუერთდნენ.
GUARDIAN.GE - უკრაინის პრეზიდენტმა, ვოლოდიმირ ზელენსკიმ, „თვითერზე“ დაწერა, რომ დიპლომატიურ ფრონტზე ახალი დღე საფრანგეთის პრეზიდენტთან, ემანუელ მაკრონთან საუბრით დაიწყო: „იარაღი და სამხედრო აღჭურვილობა ჩვენი პარტნიორებისგან უკრაინისკენ მიემართება. ომის საწინააღმდეგო კოალიცია მუშაობს“, - წერს ზელენსკი.
GUARDIAN.GE - უკრაინის პრეზიდენტმა, ვოლოდიმირ ზელენსკიმ „თვითერზე“ თავისი თავისთვის გადაღებული ვიდეო გამოაქვეყნა, სადაც იგი კიევის ცენტრალური ქუჩიდან მიმართავს თანამემამულეებს და უარყოფს გავრცელებულ ხმებს იმის თაობაზე, თითქოს მან მოუწოდა უკრაინის არმიას დანებდეს რუსულ ჯარებს.
GUARDIAN.GE - უკრაინის დედაქალაქში მიმდინარე ცხარე ბრძოლების ფონზე, პრეზიდენტმა ვოლოდიმირ ზელენსკიმ დაჟინებით მოუწოდა თავის თანამემამულეებს „მტკიცედ დადგნენ“ აგრესორის წინააღმდეგ და უარი უთხრა ამერიკელებს მისი ევაკუაციის დახმარებაზე . „ბრძოლა აქ არის“, - თქვა მან.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.