უკრაინამ რუსეთისთვის საჰაერო სივრცე დაკეტა. როგორც "ინტერფაქს უკრაინა" იტყობინება, კიევი ყველა რუსულ ავიაკომპანიას ქვეყნის საჰაერო სივრცის გადაკვეთას აუკრძალავს. შესაბამისი გადაწყვეტილება უკრაინის მინისტრთა კაბინეტმა მიიღო.
ბრიუსელში სკოლები და უნივერსიტეტები გაიხსნა, საზოგადოებრივმა ტრანსპორტმა და მეტროპოლიტენმა მუშაობა განაახლა. BBC -ის ცნობით, ბელგიის დედაქალაქში უმაღლესი ტერორისტული საფრთხის დონე კვლავ მოქმედებს და ასობით შეიარაღებული სამართალდამცველი და ჯარისკაცი ქუჩებში ისევ პატრულირებს.
ავღანეთში "თალიბებმა" მოლდოვას კუთვნილი ვერტმფრენი ჩამოაგდეს. მათ ბორტზე მყოფი 3 ადამიანი მოკლეს, 18 ადამიანი კი, მათ შორის მოლდოვას 3 მოქალაქე, დაატყვევეს. "თალიბებმა" უკვე განაცხადეს, რომ შესაძლოა, ტყვეები სიკვდილით დასაჯონ.
ტუნისის დედაქალაქში ავტობუსი ააფეთქეს, რომელსაც ქვეყნის პრეზიდენტის დაცვის წევრები გადაჰყავდა. აფეთქების შედეგად სულ მცირე 12 ადამიანი დაიღუპა.
რუსეთმა თურქეთთან სამხედრო კონტაქტი გაწყვიტა. რუსეთის თავდაცვის სამინისტრომ განაცხადა, რომ ხმელთაშუა ზღვაში განლაგდება საჰაერო თავდაცვითი სისტემით აღჭურვილი კრეისერი, რათა "გაანადგუროს ნებისმიერი სამიზნე", რომელიც სირიაში რუსეთის სამხედრო ძალებისთვის საფრთხის შემცველი იქნება.
ჩვენ ვდგავართ თურქეთის გვერდით და პატივს ვცემთ თურქეთის – ნატოს პარტნიორის ტერიტორიულ მთლიანობას, - აღნიშნული განცხადება ბრიუსელში გამართულ საგანგებო ბრიფინგზე ნატოს გენერალურმა მდივანმა იენს სტოლტენბერგმა გააკეთა.
თეთრ სახლში ბარაქ ობამასა და ფრანსუა ოლანდის მიერ გამართულ ერთობლივ პრეს-კონფერენციაზე ითქვა, რომ ამერიკის შეერთებული შტატები და საფრანგეთი შეთახმდნენ ერთობლივი დარტყმები მიაყენონ "ისლამურ სახელმწიფოს" სირიასა და ერაყში, თუმცა როგორც ოლანდმა განაცხადა, საფრანგეთი ამ ტერიტორიებზე სახმელეთო ჯარებს არ განალაგებს.
სულ ცოტა ხნის წინათ რუსულმა საინფორმაციო სააგენტო "რია"-მ რუსეთის სამხედრო ძალების გენერალიტეტზე დაყრდნობით გაავრცელა ინფორმაცია, რომ ერთ-ერთი პილოტი გარდაცვლილია.
რუსული სამხედრო თვითმფრინავის ჩამოგდების შესახებ გაკეთებულ კომენტარში აშშ-ს პრეზიდენტი, ბარაქ ობამა აღნიშნავს, რომ თურქეთს უფლება ჰქონდა დაეცვა თავისი ტერიტორია და საჰაერო სივრცე, თუმცა ხაზს უსვამს, რომ თურქეთმა და რუსეთმა უნდა ისაუბრონ და მდგომარეობის დეესკალაცია მოახდინონ. ამის შესახებ ბრიტანული "გარდიანი" წერს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.