თურქეთში, "ისლამური სახელმწიფოს" სამი წევრი დააკავეს. სამივე პარიზის ტერაქტებთან კავშირშია ეჭვმიტანილი. ამის შესახებ ადგილობრივი გამოცემა "თუდეი ზამანი" წერს.
ავღანეთში, ზაბულის პროვინციაში შეიარაღებულმა თავდამსხმელებმა სულ მცირე 20 სამოქალაქო პირი გაიტაცეს. ამის შესახებ ადგილობრივი სააგენტო "ხაამა" იტყობინება.
რუსეთის საგარეო საქმეთა სამინისტროს ცნობით, მალიში, სასტუმრო "რედისონზე" შეიარაღებული ექსტრემისტების თავდასხმის შედეგად დაღუპულთა შორის რუსეთის ექვსი მოქალაქეა.
ბრიუსელში ტერორისტული საფრთხის უმაღლესი - მეოთხე დონე გამოცხადდა. ამის შესახებ ბელგიის საფრთხეების ანალიზის ცენტრის მიერ გავრცელებულ განცხადებაშია ნათქვამი.
მალის დედაქლაქ ბამაკოში მდებარე სასტუმრო "რედისონში" ტერორისტების მიერ აყვანილი ყველა მძევალი თავისუფალია. მსხვერპლის რაოდენობა კი სულ მცირე 18 ადამიანს შეადგენს. BBC-ს ცნობით, დაჭრილია ორი ჯარისკაცი. 130 მძევლიდან, ოცდაათმა გაქცევა მოახერხა, მათ შორის, გერმანიის ორი მოქალაქე იყო.
მალის დედაქალაქში სასტუმროზე მომხდარ თავდასხმაზე პასუხისმგებლობა ალ-ყაიდასთან კავშირში მყოფმა დაჯგუფებამ აიღო. ინფორმაციას "როიტერსი" ავრცელებს.
ბრიტანული „გარდიანის“ ინფორმაციით, ტერორისტთა ალყიდან გერმანიის ორმა მოქალაქემ მოახერხა თავის დაღწევა. ასევე ინდოეთის 20 მოქალაქის ევაკუირებაც მშვიდობიანად მოხერხდა. ინდოეთის საგარეო საქმეთა სამინისტროს ოფიციალური წარმომადგენლის ცნობით, მათ სიცოცხლეს საფრთხე აღარ ემუქრება.
ბრიტანული "გარდიანის" ინფორმაციით, გაერომ და საფრანგეთმა უსაფრთხოების დამატებითი ძალები გაგზავნა მალის დედაქალაქში. საფრანგეთის პრეზიდენტის, ფრანსუა ოლანდის თქმით, ყველა ღონე იქნება გამოყენებული მძევლების თავდასახსნელად. "გარდიანის" ცნობითვე, სასტუმროში აყვანილი მძევლების გათავისუფლების ოპერაციაში ამერიკის შეერთებული შტატების სპეციალური ძალები არიან ჩაბმული.
მალის დედაქალაქ ბამაკოში სპეცრაზმმა სასტუმრო "რედისონის" შტურმი დაიწყო. ამ დროსითვის 170 მძევლიდან 80-ის გათავისუფლება გახდა შესაძლებელი.
მალის დედაქალაქ ბამაკოში, სასტუმრო "რედისონში" მძევლად აყვანილთა შორის საერთაშორისო ორგანიზაციების ბევრი თანამშრომელია. ინფორმაციას ამის შესახებ უცხოური მედია ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.