ნატო-ში რუსეთის მუდმივი წარმომადგენელი, ალექსანდრ გრუშკო თურქეთ-სირიის საზღვარზე რუსული "სუ-24"-ის ჩამოგდებისთვის პასუხისმგებლობას ნატო-ს აკისრებს. როგორც მან განაცხადა, ალიანსმა თურქეთს "პოლიტიკურად ხელი დააფარა".
თურქეთის პრეზიდენტის, რეჯეფ თაიფ ერდოღანის განცხადებით, ის მზად არის პოსტი დატოვოს თუ დამტკიცდა, რომ თურქეთი ნავთობს "ისლამური სახელმწიფოს" მებრძოლებისგან ყიდულობს. როგორც "ბიბისი" იტყობინება, ამის შესახებ ერდოღანმა პარიზში, კლიმატურ ცვლილებების კონფერენციაზე ჟურნალისტებს განუცხადა.
ამერიკის შეერთებული შტატები, პარიზში მომხდარი ტერაქტების გამო, ქვეყანაში უვიზოდ შესვლის პროგრამას ამკაცრებს. ინფორმაციას ამის შესახებ თეთრი სახლი ავრცელებს.
მოსკოვის ერთ–ერთ კლინიკაში წუხელ ღამით რუსეთისა და საბჭოთა კავშირის სახალხო არტისტი, კინორეჟისორი ელდარ რიაზანოვი გარდაიცვალა. 88 წლის რიაზანოვი საავადმყოფოში 21 ნოემბერს გადაიყვანეს. გუშინ კი ის ხელოვნური სუნთქვის აპარატთან მიაერთეს. რიაზანოვს ფილტვებისა და გულის უკმარისობის პრობლემა ჰქონდა.
ნატო სრულ მხარდაჭერას უცხადებს თურქეთის უფლებას, დაიცვას საკუთარი საჰაერო სივრცე. როგორც "ბიბისი" იტყობინება, ამის შესახებ ნატო-ს გენერალურმა მდივანმა, იენს სტოლტენბერგმა, თურქეთის პრემიერ-მინისტრ აჰმეთ დავუთოღლუსთან გამართულ ერთობლივ პრესკონფერენციაზე განაცხადა.
პარიზში თურქეთისა და რუსეთის პრეზიდენტების შეხვედრა არ იგეგმება - აღნიშნულის შესახებ განცხადება რუსეთის პრეზიდენტის პრესსპიკერმა, დიმიტრი პესკოვმა გააკეთა. პესკოვის თქმით, პუტინი ერდოღანთან არც პირისპირ და არც სატელეფონო გასაუბრებას არ გეგმავს.
თურქეთმა რუსეთს მათ მიერ ჩამოგდებული Су-24-ის მფრინავის, ოლეგ პეშკოვის ცხედარი გადასცა. თურქული მედიის ინფორმაციით, ვერტმფრენი, რომელზეც ცხედარი იმყოფება თურქეთიდან რუსეთისკენ უკვე გაფრინდა.
პარიზში რესპუბლიკის მოედანზე, სამართალდამცავებსა და დემონსტრანტებს შორის შეტაკება მოხდა. როგორც ფრანგული მედია იტყობინება, პოლიციამ გარემოსდამცველების არასანქცირებული მიტინგის დაშლა ცრემლსადენის საშუალებით სცადა.
აშშ-ს პრეზიდენტი პარიზში ბატაკლანის თეატრთან 13 ნოემბრის ტერაქტების მსხვერპლთა პატივის მისაგებად მივიდა. მას საფრანგეთის პრეზიდენტი ფრანსუა ოლანდი და პარიზის მერი ანი ჰიდალგო ახლდა. ობამამ იმ ადგილას, სადაც ტერორისტებს 90 ადამიანი ემსხვერპლა, 1 ცალი ვარდი მიიტანა.
პაპი ფრანცისკი მისი აფრიკული ტურნეს დასასრულს ცენტრალური აფრიკის რესპუბლიკაში ჩავიდა, ქვეყანაში, რომელიც მუსლიმ ამბოხებულებსა და ქრისტიან მილიციას შორის სისხლიანი დაპირსიპირების ნიადაგზე გახლეჩილია.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.