19 წლის ორსული გვატემალელი გოგო აშშ-მექსიკის საზღვარზე კედლიდან ჩამოვარდნისა და მიყენებული დაზიანებების შედეგად გარდაიცვალა, იტყობინება BBC ოფიციოზზე დაყრდნობით. მირიამ სტეფანი გირონ ლუნა სასაზღვრო კედლის ფოლადის ბადისებრ ბარიერზე გადაძვრომის მცდელობისას ელ პასოს სიახლოვეს, ტეხასში შაბათს ჩამოვარდა. იგი საავადმყოფოში გადაიყვანეს, სადაც ექიმები შეეცადნენ მისთვის გადაუდებელი მშობიარობის ჩატარებას, მაგრამ წარუმატებლად.
ავსტრალიის შინაგან საქმეთა მინისტრს, პიტერ დატონს კორონავირუსი დაუდასტურდა. მან განაცხადა, რომ პარასკევს „ტემპერატურით და ყელის ტკივილით გაიღვიძა და დაუყოვნებლივ დაუკავშირდა ჯანდაცვის დეპარტამენტს“.
დონალდ ტრამპთან ახლოს მყოფმა წყარომ განაცხადა, რომ ამერიკის შეერთებული შტატების პრეზიდენტი თავის ახლო წრეს ეუბნება, რომ იგი „ძალიან შეშფოთებულია“ იმ ხალხთან კონტაქტით, რომელთაც კორონავირუსი შეეყარათ, მათ შორის ბრაზილიის ოფიციალურ პირთან ურთიერთობით, რომელსაც ტესტირების შედეგად კორონავირუსი დაუდგინდა მას მერე, რაც ტრამპთან მარ-ა-ლაგოში პირისპირ შეხვედრისა და სადილის შემდეგ სამშობლოში დაბრუნდა, იტყობინება CNN-ი.
ჩრდილოეთ კორეამ კარანტინიდან 70 უცხოელი გაათავისუფლა და უკვე იზოლაციიდან საერთო ჯამში დაახლოებით 300 უცხო ქვეყნის მოქალაქეა გათავისუფლებული. სამხრეთ კორეის ახალი ამბების Yonhap -ის თანახმად, რომელიც ჩრდილოეთ კორეის სახელმწიფო მედიაზე დაყრდნობით წერს, კარანტინიდან გათავისუფლებული უცხოელები სამედიცინო მეთვალყურეობის ქვეშ განათავსეს.
ნიუ იორკში, გაერთიანებული ერების ორგანიზაციის შტაბ-ბინაში, გენერალური ასამბლეის მე-6 კომიტეტში მომუშავე ფილიპინელ დიპლომატს ახალი კორონავირუსი დაუდგინდა, იტყობინება BBC ახალი ამბების სააგენტო AFP-ზე დაყრდნობით.
იტალიაში ბოლო 24 საათის განმავლობაში კორონავირუსისაგან 188 ადამიანი გარდაიცვალა და ჯამში ინფექციით დაღუპულთა რაოდენობამ 1 016 შეადგინა, ინფიცირებულთა რიცხვმა კი 15 113-ს მიაღწია. ოფიციალური ინფორმაციით, იტალიაში კორონავირუსისაგან 1 258 ადამიანი გამოჯანმრთელდა, თუმცა ოთხშაბათის შემდეგ შემთხვევების რაოდენობამ 2 651-ით მოიმატა.
ამერიკის შეერთებული შტატების პრეზიდენტმა დონალდ ტრამპმა კორონავირუსის გავრცელების წინააღმდეგ ბრძოლის მიზნით რადიკალური ზომები მიიღო და ევროპიდან ამერიკაში მგზავრობის დროებითი შეჩერების შესახებ გამოაცხადა. სატლევიზიო მიმართვაში მან განაცხადა, რომ ევროპის 26 ქვეყნიდან ამერიკის შეერთებულ შტატებში მოგზაურობა მომდევნო 30 დღის განმავლობაში იქნება შეჩერებული, მაგრამ დასძინა, რომ „მკაცრი და საჭირო“ შეზღუდვები არ შეეხება დიდ ბრიტანეთს, სადაც ამ დროისთვის ინფექციის 460 შემთხვევაა დადასტურებული.
ჩინეთის ცენტრალური პროვინციის, ჰუბეის ქალაქ ვუხანში, სადაც კორონავირუსმა 2019 წლის დეკემბრის ბოლოს იფეთქა, 103 წლის ქალი, ძანგ გუანგფენი ინფექციისაგან ერთ კვირაში სრულად განიკურნა. ის საავადმყოფოდან სამშაბათს, შუადღისას გაწერეს.
გერმანიის კანცლერმა ანგელა მერკელმა გამაფრთხილებლად განაცხადა, რომ ქვეყნის მოსახლეობის 70%-ს - დაახლოებით 58 მილიონ ადამიანს - შესაძლოა კორონავირუსი შეეყაროს. მან აღნიშნული პროგნოზის შესახებ ოთხშაბათს, პრესკონფერენციაზე, გერმანიის ჯანდაცვის მინისტრთან, ჯენს სპანთან გვერდით მდგომმა განაცხადა. ფედერალურმა კანცლერმა აღნიშნა, რომ რადგან ინფექციის წამალი არ არსებობს, ფოკუსირება ვირუსის გავრცელების შენელებაზე უნდა მოხდეს.
ჯო ბაიდენმა კიდევ უფრო მეტად გაიმაგრა „დემოკრატიული პარტიის“ საპრეზიდენტო მარათონში თავისი პოზიციები და მეორე სუპერ სამშაბათის შიდა პარტიულ არჩევნებზე ხუთ შტატში და მათ შორის ყველაზე მთავარ, მიჩიგანის შტატში გამარჯვებით და რამდენიმე ყოფილი მოწინააღმდეგის მხარდაჭერით ბერნი სანდერსთან დიდი უპირატესობა მოიპოვა თავად გახდეს ივლისში პარტიის ყრილობაზე „დემოკრატების“ საპრეზიდენტო კანდიდატი და „რესპუბლიკელი“ პრეზიდენტის, დონალდ ტრამპის მეტოქე თეთრი სახლისათვის ბრძოლაში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.