დღეიდან III ქვეითი ბრიგადის გაძლიერებული ასეული "მტკიცე მხარდაჭერის" მისიაში ოფიციალურად ჩაერთო. ქართულ ქვედანაყოფებს შორის უფლებამოსილების გადაბარების ცერემონიალი ავღანეთში, მაზარ-ი-შარიფში ბაზა „მარმალზე“ გაიმართა.
„მრავალეროვნული სწავლება სრულიად პასუხობს ჩვენი ქვეყნის მიერ გაცხადებულ პოლიტიკას - მეტი ნატო საქართველოში და მეტი საქართველო ნატოში. Agile Spirit 2019 წარმოადგენს ერთ-ერთ ყველაზე მასშტაბურ სწავლებას, რომელიც საქართველოში ტარდება. აღნიშნული სწავლება არის კიდევ ერთი ნაბიჯი საქართველოს ნატოში მიმავალ გზაზე,“ – ამ სიტყვებით გახსნა სენაკში საქართველოს თავდაცვის ძალების მეთაურმა, გენერალ-ლეიტენანტმა ვლადიმერ ჩაჩიბაიამ მრავალეროვნული სწავლება „Agile Spirit 2019”.
წვრთნებისა და სამხედრო განათლების მხარდამჭერ ცენტრ „კრწანისში“ საერთო საჯარისო ცენტრის ავიაციისა და საჰაერო თავდაცვის სკოლის თვითმფრინავის მექანიკოსის სამხედრო სპეციალისტთა მომზადების კურსის გამოშვების ცერემონია გაიმართა.
პოლკოვნიკ ბესიკ ქუთათელაძის სახელობის საჩხერის სამთო მომზადების სკოლაში საფრანგეთის რესპუბლიკის ქვეითი სამთო ჯარების მეთაურს უმასპინძლეს. სკოლის ხელმძღვანელობამ ბრიგადის გენერალ პიერ-ჟოზეფ ჟივრის სკოლის ისტორიის, მიზნების, იქ არსებული სამთო კურსების შესახებ პრეზენტაცია წარუდგინა და მომავლის გეგმები გააცნო. სამთო მომზადების სკოლის მეთაურმა, ვიცე-პოლკოვნიკმა მალხაზ გოლეთიანმა ფრანგულ მხარეს სკოლის დაარსებასა და განვითარებაში შეტანილი წვლილისთვის, ასევე, ქართველი ინსტრუქტორების მომზადების პროცესში გაწეული დახმარებისთვის მადლობა გადაუხადა.
საინჟინრო გვარეობის დღისადმი მიძღვნილი საზეიმო ცერემონიალი საინჟინრო ბრიგადის სამწყობრო მოედანზე გაიმართა. სამხედრო ინჟინრებს იუბილე საქართველოს თავდაცვის ძალების აღმოსავლეთ სარდალმა, ბრიგადის გენერალმა ალექსანდრე კიკნაძემ მიულოცა. მან პირად შემადგენლობას სიტყვით მიმართა, პროფესიული დღე მიულოცა და თავდაცვის ძალებში საინჟინრო გვარეობის მნიშვნელობაზე ისაუბრა.
თავდაცვის მინისტრის პირველმა მოადგილემ აშშ-ის თავდაცვის საფრთხეების შემცირების სააგენტოს (DTRA) ევრაზიის ოფისის უფროსის მოადგილე მედლით „გენერალი კვინიტაძე“ დააჯილდოვა.
თავდაცვის სამინისტროს არმიჰოლში მრავალეროვნული სწავლების „Agile Spirit 2019“ დაწყებასთან დაკავშირებით პრეზენტაცია გაიმართა. მოწვეულ სტუმრებს სიტყვით საქართველოს თავდაცვის მინისტრმა ლევან იზორიამ მიმართა და აღნიშნა, რომ დიდი პატივია ჩავერთოთ სწავლებების იმ ციკლში, რომელსაც საქართველოს მთავარი სტრატეგიული პარტნიორი - ამერიკის შეერთებული შტატების ევროპის სარდლობა ევროპის სამხრეთ ნაწილში პარტნიორ და ნატოს წევრ ქვეყნებთან ერთად ატარებს.
საქართველოს თავდაცვის მინისტრმა ვაზიანში, მეოთხე მექანიზებული ბრიგადის საკონფერენციო დარბაზში, თავდაცვის ძალებში ამოცანით მართვის შესახებ ლექცია აღმოსავლეთ სარდლობის ქვედანაყოფების სამხედრო მოსამსახურეებს წაუკითხა.
საქართველოს თავდაცვის მინისტრი ლევან იზორია წვრთნებისა და სამხედრო განათლების მხარდამჭერ ცენტრ „კრწანისში“ უწყებათშორისი სამეთაურო-საშტაბო სწავლების, „შამქორი 2019“-ის მიმდინარეობას გაეცნო. თავდაცვის მინისტრმა საინფორმაციო ბრიფინგი და სწავლების ფარგლებში დაგეგმილი სამომავლო ოპერაციები მოისმინა, უწყებათშორისი სწავლების მართვის პუნქტი დაათვალიერა და სასწავლო პროცესს უშუალოდ საკლასო ოთახებში გაეცნო.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.