ქუთაისის საოლქო საარჩევნო კომისიის რამდენიმე უბანზე ორგანიზაცია „პრესს მედიის“ სახელით 10-მდე წარმომადგენელი მივიდა, რომელთა აკრედიტაციის მოწმობები არ არის ოფიციალურად გაცემული, განაცხადა ცესკოს სპიკერმა, ანა მიქელაძემ საინფორმაციო ბრიფინგზე.
10:00 საათის მდგომარეობით, ამომრჩეველთა აქტივობამ 6% შეადგინა, რაც რაოდენობრივად 231 736 ამომრჩეველია, განაცხადა ცესკო-ს სპიკერმა, ანა მიქელაძემ საინფორმაციო ბრიფინგზე.
„დემოკრატიული მოძრაობის“ თბილისის მერობის კანდიდატმა, კახა კუკავამ საკუთარი არჩევანი უკვე დააფიქსირა. კუკავა არჩევნებზე შვილთან ერთად მივიდა.
„ევროპული საქართველოს" თბილისის მერობის კანდიდატმა, ელენე ხოშტარიამ საკუთარი არჩევანი თბილისში, მე-12 საარჩევნო უბანზე დააფიქსირა.
სრულიად საქართველოს კათალიკოს-პატრიარქმა, უწმინდესმა და უნეტარესმა ილია მეორემ არჩევანი კრწანისის საარჩევნო ოლქის მე-4 მეოთხე საარჩევნო უბანზე გააკეთა.
საქართველოს ყოფილმა პრემიერ მინისტრმა, ბიძინა ივანიშვილმა ხმა თბილისში, მთაწმინდის მე-4 საარჩევნო უბანზე დააფიქსირა.
„ერთიანი ნაციონალური მოძრაობის“ მერობის კანდიდატმა ზაალ უდუმაშვილმა ხმა დიდუბეში, წერეთლის გამზირზე მდებარე 166–ე საჯარო სკოლაში გახსნილ მე-12-ე უბანზე მისცა.
„ქართული ოცნების" თბილისის მერობის კანდიდატმა, კახა კალაძემ საირმის ქუჩაზე, 64-ე საარჩევნო უბანზე მისცა ხმა.
საქართველოს პრეზიდენტი გიორგი მარგველაშვილი თბილისის 47-ე საჯარო სკოლაში გახსნილ მე-6 საარჩევნო უბანზე მივიდა და ხმის მიცემის შემდეგ განაცხადა, რომ „სამი სხვადასხვა სუბიექტი შემოხაზა“.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.