GUARDIAN.GE - ევროკავშირის ლიდერები რუსული ნავთობის იმპორტის ორ-მესამედზე მეტის დაბლოკვაზე შეთანხმდნენ. აკრძალვა წარმოადგენს კომპრომისს, რომელიც უნგრეთის წინააღმდეგობის გამო მილსადენის ნავთობის იმპორტზე არ იმოქმედებს და სანქციები შეეხება მხოლოდ იმ რუსულ ნავთობს, რომლის ევროპაში ტრანსპორტირებაც ზღვის მეშვეობით ხდება.
GUARDIAN.GE - ამერიკის შეერთებული შტატების ყოფილმა სახელმწიფო მდივანმა ჰენრი კისინჯერმა დავოსში, მსოფლიო ეკონომიკური ფორუმის ფარგლებში, კონფერენციაზე სიტყვით გამოსვლისას განაცხადა, რომ უკრაინამ უნდა დაუთმოს ტერიტორია რუსეთს იმისათვის, რომ შეჭრა დასრულდეს. მან დაჟინებით მოუწოდა შეერთებულ შტატებს და დასავლეთს არ ეცადონ რუსეთის დამამცირებელ დამარცხებას უკრაინაში და გამაფრთხილებლად განაცხადა, რომ ამან შესაძლოა, ევროპის გრძელვადიანი სტაბილურობა გააუარესოს.
GUARDIAN.GE - ამერიკის შეერთებული შტატების დაზვერვის სამსახურის ინფორმაციით, ვლადიმერ პუტინი უკრაინაში ხანგრძლივი ომისთვის ემზადება და აღმოსავლეთში გამარჯვებითაც კი შესაძლოა, კონფლიქტი არ დასრულდეს. უკრაინის აღმოსავლეთ ნაწილში სასტიკი ბრძოლები გრძელდება და რუსეთი ცდილობს ტერიტორიის აღებას. მას შემდეგ, რაც უკრაინის შეიარაღებულმა ძალებმა კიევის აღების მცდელობებს მძაფრი წინააღმდეგობა გაუწია, მოსკოვმა აქცენტი აღმოსავლეთ ნაწილზე გააკეთა და დონბასის რეგიონის ხელში ჩაგდების მიზნით თავისი ჯარების გადაჯგუფება მოახდინა, თუმცა, აშშ-ის დაზვერვის განცხადებით, ამის მიუხედავად, რუსული ჯარები ჩიხში რჩებიან.
GUARDIAN.GE - ლეონიდ კრავჩუკი, დამოუკიდებელი უკრაინის პირველი პრეზიდენტი, 88 წლის ასაკში, ხანგრძლივი ავადმყოფობის შემდეგ გარდაიცვალა. იგი პრეზიდენტის პოსტს 1991-1994 წლებში იკავებდა, 1994-2006 წლებში კი ქვეყნის უმაღლესი რადას, პარლამენტის წევრი იყო.
GUARDIAN.GE - საფრანგეთის პრეზიდენტმა, ემანუელ მაკრონმა განაცხადა, რომ უკრაინის ევროკავშირში მიღებას ათწლეულები დასჭირდება. სტრასბურგში, ევროკავშირის პარლამენტში სიტყვით გამოსვლისას, მან უკრაინას შესთავაზა ბლოკში გაწევრიანების დალოდების პერიოდში „პარალელურ ევროპულ საზოგადოებას“ შეუერთდეს. მაკრონმა აღნიშნა, რომ ეს საშუალებას მისცემს ევროკავშირის არაწევრ ქვეყნებს შეუერთდნენ ევროპის უსაფრთხოების არქიტექტურას სხვა გზებით.
GUARDIAN.GE - რუსეთის თავდაცვის მინისტრმა, სერგეი შოიგუმ განაცხადა, რომ ამერიკის შეერთებული შტატები და ნატოს მოკავშირეები განაგრძობენ უკრაინის იარაღით მომარაგებას და დაიმუქრა, რომ უკრაინის შეიარაღებული ძალებისთვის განკუთვნილი შეიარაღებით და საბრძოლო მასალებით დატვირთული NATO-ს ნებისმიერი სატრანსპორტო საშუალება, რომელიც უკრაინაში შევა, განადგურდება.
GUARDIAN.GE - თურქეთს სჯერა, რომ რუსეთის ფედერაციასა და უკრაინას შორის უთანხმოებების დიპლომატიური დარეგულირების გზები ამოწურული არ არის. ამის შესახებ თურქეთის საგარეო საქმეთა მინისტრმა მევლუთ ჩავუშოღლუმ ანკარაში, უნგრეთის საგარეო საქმეთა და ვაჭრობის მინისტრთან, პიტერ სიიარტოსთან ერთად გამართულ ბრიფინგზე განაცხადა.
GUARDIAN.GE - უკრაინის უშიშროების სამსახურმა ქვეყნის ყველაზე მთავარი პრორუსი პოლიტიკოსი, რუსეთის პრეზიდენტის, ვლადიმერ პუტინის მოკავშირე, ვიქტორ მედვედჩუკი დააპატიმრა. მედვედჩუკი, რომელიც ხელმძღვანელობდა პარტიას ოპოზიციური პლატფორმა - სიცოცხლისთვის და რომელიც მხარს უჭერდა რუსეთთან მჭიდრო კავშირებს, თავდაპირველად 2021 წელს დააკავეს ღალატისა და ტერორიზმის დაფინანსების ბრალდებით.
GUARDIAN.GE - რუსეთმა გააფრთხილა ფინეთი და შვედეთი ნატოში გაწევრიანების წინააღმდეგ და განაცხადა, რომ ამ ქვეყნების ჩრდილოატლანტიკურ ალიანსში შესვლა ევროპას სტაბილურობას არ მოუტანს. კრემლის წარმომადგენელმა დიმიტრი პესკოვმა ჟურნალისტებს განუცხადა, რომ „ალიანსი რჩება კონფრონტაციისკენ მიმართულ იარაღად“.
GUARDIAN.GE - საფრანგეთის საპრეზიდენტო არჩევნების პირველ ტურში მოქმედმა პრეზიდენტმა ემანუელ მაკრონმა არც ისე დიდი უპირატესობით გაიმარჯვა და იგი მეორე ტურში უკვე მეორედ, მეორე ადგილზე გასულ ულტრა-მემარჯვენე მარინ ლე პენს დაუპირისპირდება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.