ინდოეთის მადჰია-პრადეშის შტატში ორი სამგზავრო მატარებლის შეჯახების შედეგად სულ მცირე 24 ადამიანი დაიღუპა. BBC-ის ცნობით, ინციდენტი მაშინ მოხდა, როდესაც მატარებლები წყალდიდობის შედეგად დატბორილ ხიდზე გადადიოდნენ.
კალიფორნიის შტატში ხანძრის გამო ათასობით ადამიანს საცხოვრებელი სახლების დატოვებისკენ მოუწოდებენ. "ბიბისის" ცნობით, მოსახლეობის ნაწილის ევაკუაცია უკვე განხორციელდა.
ინგლისში გუშინ მომხდარი ავიაკატასტროფის შედეგად "ალ-ყაიდას" ყოფილი ლიდერის, პაკისტანში ამერიკის სპეცსამსახურების მიერ წლების წინათ მოკლული ოსამა ბინ ლადენის და და დედინაცვალი გარდაიცვალა.
ერაყში ძლიერი სიცხის გამო ოთხდღიანი უქმეები გამოაცხადეს. BBC -ს ცნობით, ქვეყანაში კვირის ბოლომდე ტემპერატურა 50 გრადუსს გადააჭარბებს.
ეგვიპტის დედაქალაქ ქაიროს ჩრდილოეთით მდებარე ავეჯის ქარხანაში გაჩენილ ხანძარს 25 ადამიანი ემსხვერპლა. ეგვიპტის ჯანმრთელობის დაცვის სამინისტროს ინფორმაციით, 22-ზე მეტ ადამიანს სხვადასხვა ხარისხის დამწვრობა და კვამლით მოწამვლა აღენიშნება.
თურქეთის სამხრეთ რეგიონში მდებარე ქალაქ სურუჯში სავარაუდოდ, "ისლამური სახელმწიფოს" თვითმკვლელი ტერორისტის მიერ თავის აფეთქების შედეგად სულ მცირე 27-მდე ადამიანი, ძირითადად ახალგაზრდები, დაიღუპნენ. ამის შესახებ BBC იტყობინება.
100 მილიონი ტონის მასის ასტეროიდი 2011 UW 158, რომელიც პლატინისგან შედგება და რომლის ღირებულება ყველაზე მცირე გათვლებითაც კი 5,4 ტრილიონ დოლარს შეადგენს, დედამიწას მიუახლოვდა. ბრიტანული „ინდეფენდენთის“ ცნობით, დედამიწას ის 19 ივლისს გრინვიჩის დროით საღამოს მიუახლოვდა.
საბერძნეთში ბანკები სამკვირიანი დახურვის შემდეგ გაიხსნა. BBC -ის ცნობით, ბანკებთან დიდი რიგებია. ამავე დროს ბანკომატებიდან თანხის გატანაზე შეზღუდვები კვლავ იმოქმედებს. კერძოდ, კვირის განმავლობაში თითოეულ მოქალაქეს მაქსიმუმ 420 ევროს ოდენობის გატანის შესაძლებლობა ექნება.
გამოჩენილი ეგვიპტელი მსახიობი, ომარ შარიფი 83 წლის ასაკში, ქაიროში გარდაიცვალა. ამის შესახებ ბრიტანული "გარდიანი" იტყობინება. მსახიობის გარდაცვალების მიზეზი გულის შეტევა გახდა. შარიფი საყოველთაოდ ცნობილი ექიმ ჟივაგოში შესრულებული როლით გახდა.
ლონდონში ბოლო ათლეწულის მანძილზე მეტროპოლიტენის მუშაკთა ყველაზე ფართომასშტაბიანი გაფიცვა მიმდინარეობს. გაფიცვა ოთხშაბათს საღამოს დაიწყო და 24 საათის განმავლობაში გაგრძელდება. მეტროს გაჩერებამ ლონდონში სატრანსპორტო კოლაფსი გამოიწვია. ავტობუსების გაჩერებები სავსეა ხალხით, მრავალი ადამიანი ფეხით გადაადგილდება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.