საქართველოს პრემიერ-მინისტრი ირაკლი ღარიბაშვილი აცხადებს, რომ საქართველოს პირველი რესპუბლიკის დამოუკიდებლობის დაკარგვიდან და საქართველოს გასაბჭოებიდან 100 წლის თავზე, ჩვენ კიდევ ერთხელ უნდა გავიხსენოთ, რომ სახელმწიფო და მისი დამოუკიდებლობა თითოეული ჩვენგანისთვის ყველაზე დიდი მონაპოვარია.
„ევროპული საქართველოს“ თავმჯდომარე დავით ბაქრაძე, რომელიც ევროკავშირის ელჩის რეზიდენციაში შეხვედრაზე მივიდა, აცხადებს, რომ ხელისუფლებამ ქვეყანა მიიყვანა დაპირისპირების, უფსკრულის პირას და შეიქმნა საფრთხე, რომ საქართველო აღარ იქნება დასავლეთის პარტნიორი.
საქართველოს პრეზიდენტმა, სალომე ზურაბიშვილმა ორბელიანების სასახლეში უცხოური დიპლომატიური კორპუსის წარმომადგენლებთან - აშშ-ის, გერმანიის და საფრანგეთის ელჩებთან შეხვედრა გამართა.
საქართველოში ევროკავშირის ელჩის, კარლ ჰარცელის რეზიდენციაში ოპოზიციის წარმომადგენლებთან შეხვედრა მიმდინარეობს, სადაც საქართველოში დღეს განვითარებულ მოვლენებს განიხილავენ.
„ოპოზიციური პოლიტიკური პარტიის ლიდერის დაპატიმრება და ოფისზე შტურმი, არის პირდაპირი გალაშქრება, დემოკრატიის იმ უმცირეს ნარჩენებზეც, რაც 23 თებერვლის დილას ქვეყანაში ჯერ კიდევ არსებობდა. აღნიშნული ქმედებები არ იყო არც სამართლებრივად დასაბუთებული, მას არაფერი აქვს საერთო კანონის უზენაესობასთან და საფუძველშივე ანგრევს ქვეყნის წარმატების შანსს,“ - ორგანიზაცია; სამოქალაქო იდეა, რომლის ხელმძღვანელიც არის თინათინ ხიდაშელი, განცხადებას ავრცელებს და საქართველოს პრეზიდენტს მიმართავს, განმუხტოს კრიზისი.
სასამართლო გადაწყვეტილების აღსრულება ერთადერთი სწორი ნაბიჯი იყო. ის, ვინც ამას გმობს, ან საქართველოს არმცოდნე კეთილის მსურველია, ან პოლიტიკურად ანგაჟირებული და მიკერძოებული გარე პირია, ან კიდევ დაკვეთილ მუსიკაზე აცუნდრუკებული შინაური, მაგრამ არა - ნეიტრალური მრჩეველი და ანალიტიკოსი“, აცხადებს იუსტიციის ყოფილი მინისტრი, პარლამენტის განათლების, მეცნიერებისა და კულტურის კომიტეტის თავმჯდომარე თეა წულუკიანი.
„ლელო საქართველოსთვის“ ლიდერმა, მამუკა ხაზარაძემ მთავრობის ადმინისტრაციასთან, ნიკა მელიას დაკავების გამო მიმდინარე საპროტესტო აქციაზე მოუწოდა ხელისუფლებას, „სასწრაფოდ გამოუშვას პოლიტიკური პატიმრები და სასწრაფოდ დანიშნოს რიგგარეშე არჩევნები“.
ხალხს ვერ დააჩოქებთ, საქართველოში მალე გათენდება, - განაცხადა „ნაციონალური მოძრაობის“ მიტინგზე, პარლამენტის შენობასთან, ანზორ მელიამ, დაკავებული ნიკა მელიას მამამ.
პარლამენტის თვითმმართველობის კომიტეტის თავმჯდომარის, სოზარ სუბარის განცხადებით, დღეს ვნახეთ, რომ აქციაზე რამდენიმე ასეული ადამიანი მოგროვდა, რაც მეტყველებს იმაზე, რომ მათ ამომრჩევლებშიც კი არის განცდა, რომ რაც შსს-მ გააკეთა, იყო კანონიერი და პროპორციული ძალა გამოიყენა.
სახელმწიფო კანცელარიასთნ ოპოზიციური პარტიების მიერ მოწყობილ აქციაზე, სადაც „ნაციონალური მოძრაობის“ თავმჯდომარის, ნიკა მელიას დაკავებას აპროტესტებენ, „დემოკრატიული მოძრაობის“ ლიდერმა ნინო ბურჯანაძემ შეკრებილებს მთავრობის წევრების კაბინეტებიდან გამოყრისკენ მოუწოდა, თუმცა დააზუსტა, რომ ეს კონსტიტუციური გზით უნდა მოხდეს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.