ხაშურის მუნიციპალიტეტის სოფელ ცედანში ხანძრის ლოკალიზაციის სამუშაოებისთვის დამატებით სახანძრო-სამაშველო ტექნიკის მობილიზება მიმდინარეობს. საგანგებო სიტუაციების მართვის სამსახურის ინფორმაციით, ხანძრის ქრობის პროცესში ჩაერთვება ტყის ხანძრების სპეცტექნიკის გაზრდილი რაოდენობა.
საქართველოს ფინანსთა სამინისტროს საგამოძიებო სამსახურის თანამშრომლებმა, გატარებული ოპერატიულ - სამძებრო ღონისძიებებისა და საგამოძიებო მოქმედებების შედეგად, დიდი ოდენობით სახელმწიფო ქონების თაღლითურად დაუფლების და გულგრილობის ფაქტებზე ოთხი პირი პასუხისგებაში მისცეს.
თბილისის მერი დედაქალაქის მთავრობის დღევანდელ სხდომაზე კუს ტბის მიმდებარე ტერიტორიაზე, რესტორან „ოტიუმის“ წინ უკანონო მშენებლობის შეჩერებას გამოეხმაურა და აღნიშნა, რომ მშენებლობის ნებართვა რეკრეაციულ ზონაში იყო გაცემული და კახა კალაძის თქმით, მერიამ აღნიშნული ნებართვა გააბათილა.
თბილისის მერმა, კახა კალაძემ თბილისის მუნიციპალიტეტის მთავრობის სხდომაზე კომპანია „სვეტის“ მიერ დაზარალებულ ადამიანებზე ისაუბრა. კალაძის თქმით, კომპანია „სვეტის“ მიმართ დაწყებული გამოძიების დამთავრების შემდეგ თბილისის მერია ყველაფერს გააკეთებს, რათა კომპანიის მიერ დაწყებული მშენებლობები დასრულდეს.
თბილისის მერი უცხო ქვეყნის მოქალაქეებისთვის ბინადრობის უფლების მინიჭებაზე კანონმდებლობაში არსებული ხარვეზის გამოსწორებას ითხოვს. კახა კალაძემ დედაქალაქის მთავრობის დღევანდელ სხდომაზე პარლამენტის წევრებს მოუწოდა, „უცხოელთა და მოქალაქეობის არმქონე პირთა სამართლებრივი მდგომარეობის შესახებ“ კანონში ინიცირებულ ცვლილებებს მხარი დაუჭირონ.
2018 წლის პირველ ნახევარში რუსეთმა უკრაინაში ყველაზე მეტი ინვესტიცია განახორციელა. კერძოდ, საუბარია 436 მილიონ დოლარზე, რაც საერთო უცხოური ინვესტიციების 36 პროცენტია. აღნიშნულის შესახებ მონაცემებს უკრაინის სტატისტიკის სახელმწიფო სამსახური აქვეყნებს.
ხაშურის მუნიციპალიტეტის სოფელი ცედანის მიმდებარე ტერიტორიაზე ფოთლოვანი ტყის საფარს ხანძარი გაუჩნდა. დამწვარია 10 ჰა-მდე ფართობი.
ბათუმში, პუშკინის ქუჩაზე მდებარე ერთსართულიან სავაჭრო ცენტრში დაიწვა და დაზიანდა 10 მაღაზია. ასევე, სავაჭრო ცენტრის სახურავი - ჯამში 560 კვ.მ ფართობი.
„ნაციონალური მოძრაობის“ წევრი სალომე სამადაშვილი აცხადებს, რომ ქვეყნის მთავარი ოპოზიციური ძალა წარმოდგენილი უნდა ყოფილიყო დელეგაციაში, რომლიც აშშ-ში ჯონ მაკკეინის დაკრძალვაზე მიემგზავრება. სამადაშვილი ასევე ამბობს, რომ მაკკეინის მეგობრობას საქართველოს ხელისუფლებმა არა ადეკვატური პასუხი გასცა - იმით, რომ მმართველი გუნდიდან მხოლოდ პარლამენტის ვიცე-სპიკერი დაესწრება მის დაკრძალვას.
პრეზიდენტობის დამოუკიდებელმა კანდიდატმა, სალომე ზურაბიშვილმა, რომელიც „ქართული ოცნების“ მხარდაჭერას ელოდება, წინასაარჩევნო ოფიციალური კამპანია დარიალი ხეობიდან დაიწყო. ზურაბიშვილის თქმით, მან უკვე 25 000- ზე მეტი მხარდამჭერის ხელმოწერა შეაგროვა, თუმცა ზურაბიშვილი ხელმოწერების შეგროვებას მაინც განაგრძობს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.