თბილისში, რუსთაველის გამზირზე განთავსებული კარვები პოლიციამ აიღო და გზის სავალი ნაწილი გაათავისუფლა. კარვების სავალი ნაწილიდან გატანამდე, სამართალდამცავებმა პარლამენტის მიმდებარე ტერიტორიაზე რამდენიმე პირი დააკავეს.
იუსტიციის მინისტრი თეა წულუკიანი მზადყოფნას გამოხატავს დატოვოს თანამდებობა, თუკი ამ გადაწყვეტილებას მმართველი პარტია მიიღებს. იგი დასძენს, რომ იმ არასამთავრობო ორგანიზაციებს, რომლებიც მის გადადგომას მოითხოვენ, ამის ლეგიტიმაცია არ გააჩნიათ.
პარლამენტის იურიდიულ საკითხთა კომიტეტის თავმჯდომარე ეკა ბესელია ხორავას ქუჩაზე მომხდარი მკვლელობის საქმესთან დაკავშირებით შექმნილი დროებითი საგამოძიებო კომისიიდან მოკლული არასრულწლოვნის, დავით სარალიძის მამის, ზაზა სარალიძის მიერ მისი აცილების საკითხის დაყენებას კიდევ ერთხელ ეხმაურება და მოითხოვს დაკონკრეტდეს, მისი რომელი ფრაზა გახდა მიზეზი იმისთვის, რომ ზაზა სარალიძეს თავი შეურაცხყოფილად ეგრძნო და შემდეგ აცილება მოეთხოვა.
შინაგან საქმეთა სამინისტროს თანამშრომლების მიერ 11 ივნისს, თბილისში, რუსთაველის გამზირზე პარლამენტის შენობის წინ წვრილმანი ხულიგნობისა და პოლიციელის კანონიერი მოთხოვნისადმი დაუმორჩილებლობის ფაქტზე ადმინისტრაციულ სამართალდარღვევათა კოდექსის 166-ე და 173-ე მუხლებით დაკავებულია 4 პირი: 1983 წელს დაბადებული ლ.ც.; 1983 წელს დაბადებული ზ.კ.; 1995 წელს დაბადებული დ.ჭ. და 1993 წელს დაბადებული ნ.გ.
პოლიციის მიერ დაკავებული ზვიად კუპრავასა და აქციის კიდევ სამი მონაწილის დაუყოვნებლივ გათავისუფლებას ითხოვს ზაზა სარალიძე, რომელიც დღეს 14:00 საათზე შვილმოკლულ მშობლებს და მთელ საქართველოს რუსთაველის გამზირზე, აქციაში მონაწილეობის მიღებისკენ მოუწოდებს.
ზაზა სარალიძის და მალხაზ მაჩალიკაშვილის გადაწყვეტილებით, რუსთაველის გამზირზე, ავტომობილების სავალ ნაწილზე, კვირა საღამოს კარვების განთავსების გამო, დედაქალაქის მთავარ გამზირზე ტრანსპორტის მოძრაობა შეზღუდულია.
საქართველოს შინაგან საქმეთა სამინისტრო ადასტურებს, რომ ზვიად კუპრავა დაკავებულია. საზოგადოებრივი მაუწყებლის ცნობით, უწყებაში აცხადებენ, რომ იგი ადმინისტრაციული სამართალდარღვევისთვის არის დაკავებული.
თეა წულუკიანი ერაყელი კოლეგის, იუსტიციის მინისტრ ჰაიდარ ალ ზამილის, მიწვევით ბაღდადს ეწვია. ორმხრივ შეხვედრაზე მინისტრებმა განიხილეს ის რეფორმები, რომელთაც ორი ქვეყნის იუსტიციის სამინისტროები უდგანან სათავეში, და იმ გამოწვევებზე ისაუბრეს, რაც თითოეული ქვეყნის წინაშე სხვადასხვა ფორმით დგას.
ჩემთვის გისოსები მეორეხარისხოვანია მომხდართან დაკავშირებით, აღნიშნული განცხადება ხორავას ქუჩაზე მკვლელობის საქმეზე დანაშაულის შეუტყობინებლობის ბრალდებით დაკავებულმა მირზა სუბელიანმა სასამართლო პროცესზე გააკეთა.
თბილისის საქალაქო სასამართლოს გადაწყვეტილებით, მირზა სუბელიანს აღკვეთის ღონისძიების სახით პატიმრობა შეეფარდა. სასამართლოს გადაწყვეტიელბის შესახებ ცნობილი რამდენიმე წუთის წინ გახდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.