კოალიცია "ქართული ოცნების” პოლიტსაბჭოს მდივანი არმაზ ახვლედიანი "ქართული ოცნების" პოლიტსაბჭოში უფლებამოსილებას იჩერებს. მის მიერ გავრცელებულ განცხადებაში ნათქვამია, რომ "ვიდრე პოლიტსაბჭოს სხდომა არ განიხილავს ტელეკომპანია "მაესტროს" ეთერში მის მიერ მიცემული ინტერვიუს გამო უსაფუძვლო კომენტარების საკითხს", იგი "ქართულ ოცნების" პოლიტსაბჭოში უფლებამოსილებას დროებით იჩერებს.
ჩეხეთის რესპუბლიკის სენატმა ერთხმად დაუჭირა მხარი საქართველოსა და ევროკავშირს შორის ასოცირების შესახებ შეთანხმების, ღრმა და ყოვლისმომცველი სავაჭრო სივრცის კომპონენტის ჩათვლით, რატიფიკაციის საკითხს.
,,შუახევიჰესის" პროექტის დაფინანსების საბოლოო ფაზის ხელშეკრულებისა და საქართველოს მთავრობასთან მშენებლობის, ფლობის და ოპერირების შესახებ პირდაპირი ხელშეკრულების ხელმოწერის ცერემონია დღეს 20:00 საათზე, სასტუმრო "შერატონ ბათუმში" გაიმართება.
შრომის, ჯანმრთელობისა და სოციალური დაცვის მინისტრის დავით სერგეენკოს განცხადებით, 180 ათასი ლარის ღირებულების ნივთები მთლიანად მთავრობის ადმინისტრაციისთვისაა განკუთვნილი და შედარებისთვის, 3 წლის წინათ მხოლოდ პრემიერის რეზიდენციისთვის, დაახლოებით იმავე რაოდენობის ნივთების შეძენა მილიონ ნახევარი დაჯდა.
პრემიერ–მინისტრი ირაკლი ღარიბაშვილი ზუგდიდსა და ფოთში მომხდარ ინციდენტებს კიდევ ერთხელ გამოეხმაურა და ისინი "ნაციონალური მოძრაობის" მიერ განხორციელებულ პროვოკაციად შეაფასა.
საქართველოს ყოფილი პრეზიდენტი მიხეილ სააკაშვილი Facebook -ის საკუთარ გვერდზე პარლამენტის წევრის, ნაულ ჯანაშიას გარდაცვალების შესახებ წერს და აღნიშნავს, რომ იგი "იყო ძალიან კეთილშობილი, ჭკვიანი და საინტერესო ადამიანი, რომელსაც ცხოვრების მიზნად სიკეთის თესვა ჰქონდა ქცეული."
საქართველოს ფინანსთა მინისტრმა ნოდარ ხადურმა მთავრობის დღევანდელ სხდომაზე პრემიერ-მინისტრის თხოვნით თებერვლის ეკონომიკური მაჩვენებლებისა და ბიუჯეტის შესრულების მონაცემების შესახებ ინფორმაციის წარმოადგინა. ხადურის განცხადებით, თებერვალში გაზრდილია დღგ-ს გადამხდელ საწარმოთა ბრუნვის მოცულობა და თებერვალი საკმაოდ იმედიანი თვე იყო.
საქართველოს საგარეო საქმეთა სამინისტრო ჟენევის საერთაშორისო მოლაპარაკებების 31-ე რაუნდის გამართვასთან დაკავშირებით განცხადებას ავრცელებს. მასში ნათქვამია, რომ "მოლაპარაკებები ჩატარდა რთულ ვითარებაში, როდესაც მოსკოვში ხელი ეწერებოდა რუსეთსა და ცხინვალის საოკუპაციო რეჟიმს შორის „მოკავშირეობისა და ინტეგრაციის“ შესახებ ე.წ. ხელშეკრულებას."
ადვოკატთა ასოციაციის თავმჯდომარე ზაზა ხატიაშვილი Facebook-ზე ვრცელ წერილს აქვეყნებს, რომელშიც მისი კოლეგის, არჩილ ჩუბინიძის მიერ 8 დღის წინათ დაწყებული შიმშილობის მიზეზებზე საუბრობს. იგი ივანიშვილს მიმართავს და სთხოვს "მოაშოროს ღარიბაშვილი თავისი მთელი გუნდით, მოაშოროს ფინანსური პოლიციის კადრები პროკურატურაში და შეასრულოს დაპირებები", წინააღმდეგ შემთხვევაში ზაზა ხატიაშვილი ადვოკატთა მასობრივი შიმშილობის დაწყებას აანონსებს.
საქართველოს პრეზიდენტი გიორგი მარგველაშვილი რუსეთსა და ოკუპირებულ ცხინვალს შორის ე.წ. "მოკავშირეობისა და ინტეგრაციის შესახებ ხელშეკრულების" გაფორმების გამო "უკიდურეს აღშფოთებას" გამოთქვამს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.