ინგლისში, ლინკოლნშირის საგრაფოში, საცურაო აუზთან ახლოს, სროლის შედეგად, სამი ადამიანი დაიღუპა.
თურქეთის პრემიერ-მინისტრ ბინალი ილდირიმის განცხადებით, ანკარამ ფეთჰულაჰ გიულენის გადაცემის თხოვნით ამერიკის შეერთებულ შტატებს ოფიციალურად მიმართა.
გერმანიაში, სამგზავრო მატარებელში მომხდარ თავდასხმაზე პასუხისმგებლობა დაჯგუფება „ისლამურმა სახელმწიფომ“ (ISIS) აიღო.
აშშ-ის სახელწიფო დეპარტამენტმა ხაზგასმით აღნიშნა, რომ თურქი სასულიერო პირის, ფეტჰულა გიულენის თურქეთში ექსტრადირების საკითხი მხოლოდ იმ შემთხვევაში განიხილება, თუკი თურქული მხარე ფორმალურად მიმართავს ფაშინგტონს აღნიშნულის თაობაზე და წარმოადგენს თურქეთში სამხედრო გადატრიალების მცდელობაში გიულენის რაიმე ფორმით ჩართულობის სამხილებს.
თურქეთში სახელმწიფო გადატრიალების წარუმატებელი დასრულების შემდეგ სახელმწიფო სამსახურებში წმენდის მასშტაბებმა არნახულ რიცხვს მიაღწია. "დოიჩე ველეს" ცნობით, სამსახურებიდან დათხოვნილთა რიცხვმა 20 000–სს მიაღწია, ხოლო დაპატიმრებულთა რაოდენობამ კი 7 543–ს. მათ შორის არიან 6 000–სზე მეტი ჯარისკაცი, პოლიციის 100 ოფიცერი, 755 მოსამართლე და პროკურორი და 650 სამოქალაქო პირი.
სულ მცირე 26 ადამიანია გარდაცვლილი ტაივანის ქალაქ ტაოუანში ტურისტულ ავტობუსში ცეცხლის გაჩენის შედეგად. ინფორმაციას BBC ადგილობრივი ხელისუფლების წარმომადგენლებზე დაყრდნობით ავრცელებს.
თურქეთის ხელისუფლებამ პატიმრობაში აიყვანა ორი მფრინავი, რომელთაც გასული წლის ნოემბერში სირიის საზღვართან რუსული ბომბდამშენი "Су-24" ჩამოაგდეს, ამის შესახებ სააგენტო "ბლუმბერგი" თურქეთის მაღალი რანგის ჩინოვნიკზე დაყრდნობით იუწყება.
მიმდინარე წელს რუსეთი და თურქეთი ჩარტერულ ავიარეისებს არ განაახლებენ. ამის შესახებ გაზეთი "იზვესტია" რუსეთის ტუროპერატორების ასოციაციის აღმასრულებელი დირექტორის მაია ლომიძის განცხადებაზე დაყრდნობით იუწყება.
მოზარდმა ავღანელმა ლტოლვილმა, რომელიც შეიარაღებული იყო ნაჯახით და დანით, გერმანიის სამხრეთით მატარებელში 4 ადამიანს დაზიანებები მიაყენა, სანამ პოლიცია მას ცეცხლსასროლი იარაღით ადგილზევე მოკლავდა. ამის შესახებ BBC იუწყება.
თურქეთის დასავლელმა მოკავშირეებმა გამოხატეს წუხილი ქვეყანაში განვითარებულ მოვლენებთან დაკავშირებით და დაჟინებით მოუწოდეს პრეზიდენტ რეჯეფ თაიფ ერდოღანს უპასუხოს სამხედრო გადატრიალების მცდელობას აწონილ-დაწონილი გზით. ამის შესახებ BBC წერს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.