180-ზე მეტი ადამიანი დაიღუპა ჩინეთში წყალდიდობის შედეგად. აღნიშნულ ინფორმაციას BBC ავრცელებს. სტიქია ცენტრალურ და სამხრეთ ჩინეთში მძვინვარებს, სადაც თავსხმა წვიმების შედეგად მდინარე იანგტზი ადიდდა. ოფიციალური ცნობით, 45 ადამიანი დაკარგულად ითვლება, სტიქია კი 33 მილიონს შეეხო.
ჩინეთის სასამართლომ პრეზიდენტის ყოფილ მთავარ მრჩეველს სამუდამო პატიმრობა მიუსაჯა. ყოფილი პრეზიდენტის ჰუ ჯინტაოს ნდობით აღჭურვილი პირი დამნაშავედ ცნეს ქრთამების აღებაში, სახელმწიფო საიდუმლოებების არალეგალურად მიღებასა და თანამდებობრივი უფლებამოსილების გადამეტებაში. ამის შესახებ "დოიჩე ველე" ჩინეთის სახელმწიფო მედიაზე დაყრდნობით წერს.
თურქეთის საგარეო საქმეთა მინისტრმა მევლუთ ჩავუშოღლუმ არ გამორიცხა, რომ ანკარამ შესაძლოა რუსეთს, "ისლამური სახელმწიფოს" დაჯგუფებების წინააღმდეგ ოპერაციის განსახორციელებლად ავიაბაზის, "ინჯირლიკის" გამოყენების ნება დართოს. ამის შესახებ ინფორმაციას "რია ნოვოსტი" ავრცელებს.
მას შემდგომ, რაც ბრიტანელებმა 23 ივნისის რეფერენდუმზე ევროკავშირის დატოვებას ხმა მისცეს, დიდი ბრიტანეთის "დამოუკიდებელი პარტიის" ლიდერმა, ნაიჯელ ფარაჯმა გადადგომის გადაწყვეტილება მიიღო, განაცხადა, რომ იგი "უფრო მეტის მიღწევას ვერ შეძლებდა".
მაშველებმა რუსეთში, ირკუტსკის ოლქში ჩამოვარდნილი თვითმფრინავის "ილ–76" –ის ბორტზე მყოფი ეკიპაჟის ყველა წევრი გარდაცვლილი იპოვეს. აღნიშნულ ინფორმაციას "რია ნოვოსტი" საგანგებო დავალებათა სამინისტროს ციმბირის რეგიონული ცენტრის ხელმძღვანელის, სერგეი დიდენკოს განცხადების საფუძველზე ავრცელებს.
ერაყის დედაქალაქ ბაღდადში მომხდარი აფეთქების შედეგად დაღუპულთა რაოდენობა 165-მდე გაიზარდა, დაშავებულთა რიცხვი კი 225-ია. აღნიშნულ ინფორმაციას BBC ავრცელებს. შაბათს, ბაღდადის ცენტრალურ რაიონში, კარრადაში სატვირთო მანქანა აფეთქდა, რომელზეც მიმაგრებული იყო ასაფეთქებელი მოწყობილობები. მე-2 ბომბი კი პირველი აფეთქებიდან რამდენიმე საათში, გვიან ღამით ერაყის დედაქალაქის ჩრდილოეთით, შიიტებით დასახლებულ რაიონში ამოქმედდა, რამაც კიდევ 5 ადამიანი იმსხვერპლა.
ერაყის მთავრობამ სამდღიანი ეროვნული გლოვა გამოაცხადა მას შემდეგ, რაც ბაღდადში უზარმაზარი აფეთქების შედეგად 125 ადამიანი მოკვდა და დაახლოებით 150 დაიჭრა.
თვითმკვლელი ტერორისტი, საუდის არაბეთის ქალაქ ჯედაჰში შეერთებული შტატების საკონსულოსთან ახლოს ასაფეთქებელი მოწყობილობის ამოქმედების შემდეგ, ადგილზე გარდაიცვალა. ინფორმაციას BBC საუდის არაბეთის შინაგან საქმეთა სამინისტროს განცხადებაზე დაყრდნობით ავრცელებს.
სულ მცირე 125 ადამიანი მოკვდა და დაახლოებით 150-მა დაზიანება მიიღო ბაღდადში მომხდარი აფეთქების შედეგად, რომელზეც პასუხისმგებლობა "ისლამურმა სახელმწიფომ" აიღო. აღნიშნულ ინფორმაციას BBC ერაყის პოლიციაზე დაყრდნობით ავრცელებს. ერაყში სამდღიანი გლოვა გამოცხადდა.
თურქეთის პრეზიდენტის, რეჯეპ ტაიპ ერდორანის განცხადებით, თურქეთის ხელისუფლება ქვეყნის ტერიტორიაზე მცხოვრებ სირიელ მიგრანტებს მოქალაქეობის მიღების შესაძლებლობას მისცემს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.