თავდაცვის მინისტრის ანგარიშში მნიშვნელოვანი ადგილი სამხედრო მოსამსახურეების სოციალური მდგომარეობის გაუმჯობესების თემას დაეთმო. ჯარისკაცებისა და მათი ოჯახების ზრუნვის პროცესში, ღირსეული ანაზღაურება და ჯანმრთელობის დაზღვევის მაღალი სტანდარტი პრიორიტეტს წარმოადგენს: „1 ნოემბრიდან სამხედროებს ჩვენ ანაზღაურება წოდების მიხედვით 100-დან 500 ლარამდე გავუზარდეთ და ხელფასების ზრდის პროცესი 2020 წელსაც გაგრძელდება“ -აღნიშნა ირაკლი ღარიბაშვილმა.
საქართველოს თავდაცვის მინისტრმა 100 დღის საქმიანობის შემაჯამებელ ანგარიშში ყურადღება ახალ, ჯარისკაცზე ორიენტირებულ სოციალურ პოლიტიკაზე გაამახვილა. თავდაცვის უწყების მთავარ ვალდებულებად და პრიორიტეტად კი, ირაკლი ღარიბაშვილმა დაჭრილ და დაშავებულ სამხედრო მოსამსახურეებზე ზრუნვა დაასახელა.
საქართველოს თავდაცვის მინისტრმა ირაკლი ღარიბაშვილმა, 100 დღიანი მუშაობის შედეგების შეფასებისას და 2020 წლის გეგმებზე საუბრისას, სამხედრო მოსამსახურეებისთვის კვების გაუმჯობესებაზე გაამახვილა ყურადღება. მისი განცხადებით, თავდაცვის ძალების სამხედროები 2019 წლის 1 ნოემბრიდან კვების ახალ სტანდარტზე, სპეციალური ოპერაციების ძალებისთვის განკუთვნილ რაციონზე გადავიდნენ.
„გვჯერა, რომ ერთიანი ძალისხმევით შევძლებთ კიდევ უფრო გავაძლიეროთ ჩვენი საამაყო ჯარი. მინდა, თითოეულმა ჯარისკაცმა იცოდეს, რომ ყველა დაგეგმილ რეფორმას ჩვენ წარმატებით მივიყვანთ ბოლომდე და ერთად შევქმნით თავდაცვის მაქსიმალურად ქმედით სისტემას. ძალისხმევას არ დავიშურებთ ჩვენი ჯარის გასაძლიერებლად. ჩვენ ვამაყობთ ჩვენი ჯარით!“ - განაცხადა საქართველოს თავდაცვის მინისტრმა სახელმწიფო ცერემონიების სასახლეში მინისტრობის 100 დღის ანგარიშის წარდგენისას.
საქართველოს თავდაცვის მინისტრმა ირაკლი ღარიბაშვილმა საზოგადოებისთვის 100 დღის ანგარიშის წარდგენისას თავდაცვის სამინისტროს ახალ საბინაო პოლიტიკაზე გაამახვილა ყურადღება. მინისტრის განცხადებით, სამხედროებსა და მათ ოჯახებზე ზრუნვისა და მოტივაციის ამაღლების თვალსაზრისით, მათი საცხოვრებელი ბინებით უზრუნველყოფა ერთ-ერთი მნიშვნელოვანი პრიორიტეტია.
სახელმწიფო ცერემონიების სასახლეში გამართულ 100 დღის ანგარიშზე საქართველოს თავდაცვის მინისტრმა თავდაცვის ძალებში არსებულ ინფრასტრუქტურულ პრობლემებზე და შესაბამის მყისიერ რეაგირებაზე გაამახვილა ყურადღება. როგორც ირაკლი ღარიბაშვილმა აღნიშნა, 100 დღის განმავლობაში თავდაცვის უწყების ხელმძღვანელობამ მნიშვნელოვანი ნაბიჯები გადადგა და საფუძველი ჩაუყარა ახალ ხედვას, ახალ პოლიტიკას, რომელიც არსებითად გააუმჯობესებს ჯარისკაცების საყოფაცხოვრებო პირობებს.
„ჩვენ ყველანი ვთანხმდებით, რომ ის, ვინც იცავს ქვეყანას, იმსახურებს განსაკუთრებულ პატივისცემას. ძლიერი ჯარი არის ძლიერი სახელმწიფოს საფუძველი“, - განაცხადა ირაკლი ღარიბაშვილმა.
კონგრესის წარმომადგენელთა პალატაში იმპიჩმენტის გამოცხადების შემდეგ, პრეზიდენტი ტრამპი სენატში იანვარში დაგეგმილი საიმპიჩმენტო პროცედურის ვადაზა ადრე, დაუყოვნებლივ დაწყებას ითხოვს და აცხადებს, რომ „რესპუბლიკელები“ ასე ერთიანი არასოდეს ყოფილან.
საქართველოს განათლების, მეცნიერების, კულტურისა და სპორტის მინისტრის მოადგილეებმა, ირინე აბულაძემ და ეკატერინე დგებუაძემ „ახალი სკოლის მოდელის“ 2019 წლის შემაჯამებელი ფორუმი გახსნეს. „ახალი სკოლის მოდელის“ პროექტის სკოლაში დანერგვის მთავარი მიზანია პიროვნებაზე ორიენტირებული საგანმანათლებლო გარემოს შექმნა, რომელიც მოსწავლეებს XXI საუკუნის გამოწვევათა დასაძლევად შესაბამის ცოდნასა და საკუთარი პოტენციალის რეალიზების საშუალება მისცემს.
დიდი ბრიტანეთის თემთა პალატა პარასკევს კენჭს უყრის პრემიერ მინისტრ ბორის ჯონსონის გეგმას 2020 წლის 31 იანვარს დიდი ბრიტანეთის მიერ ევროკავშირის დატოვებასთან დაკავშირებით. 12 დეკემბრის რიგგარეშე საპარლამენტო არჩევნებში დიდი უმრავლესობით მოსულმა „კონსერვატიული პარტიის“ ლიდერმა, პრემიერ მინისტრმა ბორის ჯონსონმა განაცხადა, რომ კენჭისყრა დაასრულებს „დაყოვნებას და აღშფოთებას“ და უზრუნველყოფს „სიცხადეს“.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.