საზღვარგარეთ საქართველოს დიპლომატიური წარმომადგენლობები განაგრძობენ საქართველოს იმ მოქალაქეების დახმარებას, რომელნიც ახალი კორონავირუსის, COVID-19-ის გავრცელების შედეგად, რთულ მდგომარეობაში და მრავალი გამოწვევის წინაშე აღმოჩნდნენ.
პრემიერ მინისტრის მრჩეველი ადამიანის უფლებების და გენდერული თანასწორობის საკითხებში ლელა აქიაშვილი, თეთრიწყაროს მუნიციპალიტეტის მერთან, გიორგი ქორიძესთან, გაეროს ბავშთა ფონდის (UNICEF) ხელმძღვანელთან, ღასან ხალილთან და თეთრიწყაროს ახალგაზრდული ცენტრის ხელმძღვანელთან ლუსო დოსტიბეგიანთან ერთად თეთრიწყაროს მუნიციპალიტეტში მცხოვრები მრავალშვილიანი ოჯახების სოციალურ საჭიროებებს გაეცნო. ოჯახებს ასევე დაურიგდათ სურსათისა და ჰიგიენური საშუალებების მარაგი, რაც მათ სახლში დარჩენას შეუწყობს ხელს და მიეწოდათ ინფორმაცია კორონავირუსის გავრცელების პრევენციის შესახებ.
სხვა მოცემულობაში ვართ, დაავადება გავრცელებულია მოსახლეობაში. ბევრმა ალბათ არც იცის, რომ აქვს, - განაცხადა თბილისის ინფექციური საავადმყოფოს ბოქსირებული განყოფილების უფროსმა, მარინა ენდელაძემ „ქრონიკის“ ეთერში.
30 საგანგაშო მაჩვენებელი არ არის, თუ ასეულს არ გადავაჭარბებთ, იმედია, ზომიერი მატებით ქვეყანაში რყევები არ გვექნება, - განაცხადა თბილისის ინფექციური საავადმყოფოს სამედიცინო დირექტორმა მარინა ეზუგბაიამ.
უკრაინაში, ხარკოვის ოლქის ერთ-ერთ სოფელში კორონავირუსით გარდაიცვალა ქალი, რომელიც ეკლესიაში სანთლებს ყიდდა. ინფორმაციას უკრაინული მედია ავრცელებს.
საქართველოში კორონავირუსით ინფიცირების დადასტურებული შემთხვევა 336-მდე გაიზარდა, რაც იმას ნიშნავს, რომ 24 საათის განმავლობაში ვირუსით ინფიცირების 30 ახალი შემთხვევა დაფიქსირდა. აქედან გამოჯანმრთელებულია 74 პაციენტი. ინფორმაციას საქართველოს მთავრობის მიერ შექმნილი სპეციალური ვებ-გვერედი stopcov.ge ავრცელებს.
კორონავირუსის გავრცელების პრევენციის მიზნით, სადეზინფექციო საშუალებებით დედაქალაქის ქუჩების დამუშავების პროცესი გრძელდება. გზის მორეცხვის სამუშაოები, რომელიცპირველი რესპუბლიკის მოედნიდან დაიწყო,ამჯერად, რუსთაველის გამზირზე, თავისუფლების მოედანსა და ბარათაშვილის ქუჩის ნაწილზე ჩატარდა.
საქართველოს საპატრიარქოს წარმომადგენელმა, დეკანოზმა ანდრია ჯაღმაიძემ განაცხადა, რომ აღდგომა დღეს, სასაფლაოზე გასვლა არ წარმოადგენს საეკლესიო კანონიკით გათვალისწინებულ ქმედებას და ასევე სასურველია, ტრადიციული ტრაპეზი ერთად არ გაიმართოს, დამატებით სირთულეს ქმნის ერთად ბევრი ხალხის თავმყორა და ეს რეკომენდაციაში შედის.
„ჩვენ მივიღეთ ერთობლივი გადაწყვეტილება, რომ არ დაირღვეს კანონი, არ დაიხუროს ეკლესიები და დაცული იქნეს სოციალური დისტანცირება ადამიანის, ჩვენი მოქალაქეების ჯანმრთელობასა და სიცოცხლეზე ზრუნვის მიზნით. მთავრობამ და ეკლესიამ მიიღო ერთობლივი გადაწყვეტილება, რომ ეკლესიაში დაცული იქნება უსაფრთხოების ყველა ნორმა, რომელიც დადგენილია ჯანდაცვის სამინისტროსა და დაავადებათა კონტროლის ცენტრის მიერ. კერძოდ, დიდი ზომის ეკლესიებში დაცული უნდა იყოს მინიმუმ 2-მეტრიანი სოციალური დისტანცია, ხოლო მცირე ზომის ეკლესიებში იქნებიან მხოლოდ სასულიერო პირები და ეკლესიის მსახურები“, განაცხადა პრემიერ მინისტრის მრჩეველმა ირაკლი ჩიქოვანმა და დაამატა, რომ ამის მიუხედავად კომენდანტის საათი მკაცრად იქნება დაცული, რაც იმას ნიშნავს, რომ სააღდგომო ლიტურგიაზე მრევლს დიდ ტაძრებში მისვლა 18 აპრილს, საღამოს 9 საათამდე მოუწევს და ტაძრების დატოვება დილის 6 საათის, კომენდანტის საათის დასრულების შემდეგ შეეძლება.
კორონავირუსთან ბრძოლაში თურქეთის რესპუბლიკის მხარდასაჭერად, თბილისის ანძა თურქეთის დროშის ფერებში განათდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.