პაატა ზაქარეიშვილის აფხაზეთის შესახებ გაკეთებულ კომენტარს ეხმაურება პოლიტოლოგი ვაჟა ბერიძე, რომელსაც მიაჩნია, რომ "მისი ბოლო განცხადების შემდეგ აფხაზეთთან დაკავშირებით, ყველა ცივილიზებულ და დემოკრატიულ ქვეყანაში მინისტრი გადადგებოდა".
საკრებულოს დამოუკიდებელი დეპუტატი, ალექსანდრე ელისაშვილი მისი მისამართით განხორციელებული თვალთვალის შესახებ გაკეთებული განცხადებების გამო პროკურატურაში დაიბარეს.
საქართველოს თავდაცვის ყოფილი მინისტრის, დავით თევზაძის მიერ დაფუძნებული პოლიტიკური გაერთიანება "საქართველოს მშვიდობისათვის" - იუსტიციის სამინისტროს საჯარო რეესტრის ეროვნულმა სააგენტომ რეგისტრაციაში გაატარა. ამის შესახებ Facebook-ის საკუთარ გვერდზე დავით თევზაძე წერს.
"დემოკრატიული განვითარების ფონდის" დამფუძნებელი პაატა ბურჭულაძე რუსეთთან დაკავშირებით მის მიერ გაკეთებულ სატელევიზიო კომენტართან დაკავშირებით განმარტებას აკეთებს. იგი ამბობს, რომ მისი ფონდი იმისათვის დაფუძნდა, რათა მოინახოს ეფექტური მექანიზმი ოკუპაციისა თუ სხვა მნიშვნელოვანი პრობლემების გადასაწყვეტად. ბურჭულაძემ განცხადება Facebook -ით გაავრცელა.
საქართელოს საგარეო საქმეთა ყოფილი მინისტრი სალომე ზურაბიშვილი პაატა ბურჭულაძის პოლიტიკურ არენაზე გააქტიურებას ეხმიანება და კითხულობს თუ რატომ არავის უკვირს ამ “ბანის" სიჩუმე მთელი 9 წელი, წინა ხელისუფლების მმართველობის დროს?! პარტია "საქართველოს გზის" საპატიო თავმჯდომარე ასევე სვამს შეკითხვას იმის შესახებაც, რომ "იმ დროს, როცა არც ერთი ბიზნესი ხელისუფლების წნეხისგან დაცული არ იყო, რა კავშირი ჰქონდა ამ ფონდს ხელისუფლებასთან?"
ადვოკატი, "ერთიანი ნაციონალური მოძრაობის" პოლიტიკური საბჭოს წევრი ზაზა ბიბილაშვილი ვარდების რევოლუციის 12 წლისთავის შესახებ Facebook -ის საკუთარ გვერდზე წერს. ბიბილაშვილს მიაჩნია, რომ 2004-2012 წლები ყველაზე წარმატებული 9-წლიანი პერიოდი იყო "საქართველოს დოკუმენტირებულ (არამითოლოგიურ) ისტორიაში".
პატაა ბურჭულაძის პოლიტიკურ გააქტიურებას ეხმაურება მწერალი, მოძრაობა "ახალი რეალობისათვის" დამფუძნებელი, მერაბ შათირიშვილი. მწერალი თავის მოსაზრებას Facebook-ზე აქვეყნებს. მას მიაჩნია, რომ პაატა ბურჭულაძეს "ივანიშვილის სოლო-რეიდის განმეორება განუზრახავს პოლიტიკაშიც და მილიარდერობაშიც", რაც, შათირიშვილის აზრით, აუხდენელ ოცნებად დარჩება.
BBC თბილისში სმარტფონებით მოვაჭრე კომპანია ‘iPhone+’ -ის მიერ ჩაწერილ იმ ვიდეოს ათავსებს თავის ვებგვერდზე, რომელშიც ყალბი ჯიჰადისტები, სიანმდვილეში კომპანიის თანამშრომლები, ნიღბებით არიან წარმოდგენილი.
Facebook-ის ერთ-ერთი მომხმარებელი ნინო ონიანი მის საკუთარ გვერდზე ფოტოს აქვეყნებს, რომელიც ლონდონის ცენტრალურ ნაწილშია გადაღებული და რომელზეც ჩანს თუ როგორ იწვის ავტომანქანა. ონიანი ამ ფაქტის მომსწრე მოქალაქეების სიმშვიდით არის გაკვირვებული და წერს, რომ საქართველოში ამგვარი ფაქტის გამო აურზაური ატყდებოდა.
ტელეკომპანია „რუსთავი-2“-ის გენერალური დირექტორის, ნიკა გვარამიას თქმით, მის მოსმენაზე და თვალთვალზე სასამართლომ სანქცია გასცა. გვარამიას განცხადებით, საქართველოს ხელისუფლება რუსულ სპეცსასმახურებთან თანამშრომლობს, იმისთვის რომ ვაიბერის მეშვეობით დავით ბაქრაძის, ირაკლი ალასანიას, გიგა ბოკერიას მოსმენა განახორციელოს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.