ოკუპირებული აფხაზეთის ყოფილმა ე.წ. პრემიერ-მინისტრმა, სერგეი შამბამ გამოცემა „ეხო მასკვისთან“ ვრცელ ინტერვიუში საქართველოსა და ოკუპირებულ აფხაზეთს შორის ურთიერთობებზე ისაუბრა. ყოფილმა ე.წ. პრემიერ-მინისტრმა განაცხადა, რომ ქართველები მტრად არ მიაჩნია და საქართველოში მეგობრებიც ჰყავს.
საქართველოს ყოფილი შინაგან საქმეთა მინისტრი და ყოფილი პრემიერ მინისტრი ვანო მერაბიშვილი, ჯანმრთელობის მდგომარეობის გაუარესების გამო, სასჯელაღსრულების მე–9 დაწესებულებიდან თბილისის ერთ–ერთ საავადმყოფოში გადაიყვანეს, იტყობინება ამ წუთებში „კურიერი“.
„თავის თავისთვის იცხოვრა ამ პოსტზე ამ პერიოდის განმავლობაში“, ასე შეაფასა პარლამენტის თავმჯდომარის მოადგილემ, ფრაქცია „ქართული ოცნების“ წევრმა, გიორგი ვოლსკიმ „რუსთავი 2“-თან საუბრისას პრეზიდენტ გიორგი მარგველაშვილის მოღვაწეობა მას შემდეგ, რაც სახელმწიფო აუდიტის სამსახურის მიერ საქართველოს პრეზიდენტის ადმინისტრაციის შესახებ ფინანსური აუდიტის ანგარიში გამოქვეყნდა.
„შენების მოძრაობის“ პრეზიდენტობის კანდიდატი დავით უსუფაშვილი, რომელსაც მხარს „თავისუფალი დემოკრატები“ და „ეროვნული ფორუმი“ უჭერს, TV პირველის გადაცემაში, „დღის ამბები ლევან ჩხაიძესთან ერთად“ აცხადებს, რომ საპარლამენტო რესპუბლიკაში პრეზიდენტი მტკვრის გაღმა იჯდება თუ გამოღმა, ის მაინც იპრეზიდენტებს, ხოლო პარლამენტი და მთავრობა ერთმანეთთან ახლოს თუ არ იქნება მაშინ საპარლამენტო მმართველობის შინაარსი იკარგება და თუ ეს „ქართულმა ოცნებამ“ არ იცის, მაშინ 23 აგვისტოს გერმანიის კანცლერი ჩამოდის და მას ჰკითხოს, თუ რამდენ დროს ატარებენ ის და მისი მინისტრები პარლამეტში.
„შენების მოძრაობის“ პრეზიდენტობის კანდიდატი დავით უსუფაშვილი, რომელსაც მხარს „თავისუფალი დემოკრატები“ და „ეროვნული ფორუმი“ უჭერს, TV პირველის გადაცემაში, „დღის ამბები ლევან ჩხაიძესთან ერთად“ ირაკლი კობახიძის განცხადებას ეხმაურება და აცხადებს, რომ თუ პრეზიდენტს თავისი უფლებამოსილების წონის მიხედვით, ავლაბრის სასახლე არ შეეფერება, მაშინ პარლამენტის თავმჯდომარე თავისი უფლებების წონის მიხედვით, რომელიმე შენობის სარდაფის, მინუს მესამე სართულზე უნდა განთავსდეს, რადგან ინდივიდუალურად თავმჯდომარეს მარტო თანაშემწეების დანიშვნა შეუძლია.
საქართველოს პრეზიდენტის ადმინისტრაციის შესახებ სახელმწიფო აუდიტის სამსახურის მიერ გამოქვეყნებულ ფინანსური აუდიტის ანგარიშს გამოეხმაურა პარლამენტის ფრაქცია „ერთიანი ნაციონალური მოძრაობის“ თავმჯდომარე რომან გოცირიძე „რუსთავი 2“-თან საუბრისას. დეპუტატის თქმით, აუდიტის დასკვნას „პოლიტიკური ელფერი დაკრავს“.
ღირსეული პარტნიორი 2018“ დასრულდა. დახურვის ოფიციალური ცერემონიალი ვაზიანში, მე-11 პოლიგონზე გაიმართა.
პრეზიდენტობის დამოუკიდებელმა კანდიდატმა, სალომე ზურაბიშვილმა, რომელიც „ქართული ოცნების“ მხარდაჭერის მოლოდინშია, TV პირველის გადაცემაში, „დღის ამბები ლევან ჩხაიძესთან ერთად“ - განაცხადა, რომ არ არის საჭირო 2008 წლის ომზე მის მიერ გაკეთებული განცხადება გახდეს ერთადერთი თემა მისი საარჩევნო კამპანიის, როგორც ამას ზოგიერთი ცდილობს.
პრეზიდენტობის დამოუკიდებელმა კანდიდატმა, სალომე ზურაბიშვილმა TV პირველის გადაცემაში, „დღის ამბები ლევან ჩხაიძესთან ერთად“ მის საარჩევნო კამპანიასა და განცხადებებზე ისაუბრა. დამოუკიდებელი კანდიდატის თქმით, თუ „ქართული ოცნება“ მას მხარს დაუჭერს, მაშინ ექნება მათთან კონსულტაციები. ზურაბიშვილი ასევე ამბობს, რომ ის თავის საარჩევნო კამპანიას წარმართავს პოზიტიურად და არა ისე, როგორც მისი კონკურენტები - ლანძღვა-გინებით.
საქართველოს ეროვნულმა ბანკმა (15 აგვისტო, 2018) ლარის ახალი ოფიციალური გაცვლითი კურსი დაადგინა, რომლის მიხედვითაც, ეროვნული ვალუტის კურსი დოლართან მიმართებაში 0.0269 პუნქტით გამყარდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.