პარლამენტის სხდომა, შესვენების შემდეგ, ცოტა ხნის წინ განახლდა. სხდომას, რომელსაც ვიცე-სპიკერი ზვიად ძიძიგური თავმჯდომარეობს, არ ესწრება პარლამენტის თავმჯდომარე ირაკლი კობახიძე.
საქართველოს პრეზიდენტმა სალომე ზურაბიშვილმა საფრანგეთსა და გერმანიაში ვიზიტები დადებითად შეაფასა და აღნიშნა, რომ სამშობლოში კმაყოფილი ბრუნდება, რადგან საქართველოს მხარდაჭერასთან დაკავშირებით საფრანგეთის ხელისუფლების მზადყოფნამ ყოველგვარ მოლოდინს გადააჭარბა.
პარლამენტის თავმჯდომარის განცხადებას „ერთიანი ნაციონალური მოძრაობისა" და უმრავლესობის ზოგიერთი წევრის კონსენსუსის შესახებ დეპუტატი ეკა ბესელია გამოეხმაურა.
საფუძველი იმისა, რომ ეს კანონპროექტი არავითარ შემთხვევაში არ შეიძლება იყოს მხარდაჭერილი, არის ის, რომ კანონპროექტის ტექსტი პირდაპირ ეწინააღმდეგება კონსტიტუციის ტექსტს, განაცხადა პარლამენტის თავმჯდომარემ კანონპროექტზე „საერთო სასამართლოების შესახებ“ საქართველოს ორგანულ კანონში ცვლილებების შეტანის თაობაზე, რომლის თანახმად, 2024 წლის 31 დეკემბრამდე უნდა შეჩერდეს რაიონულ (საქალაქო) და სააპელაციო სასამართლოებში მოსამართლის უვადოდ განწესება.
„ერთმანეთს მივცეთ გარანტია, რომ იქნება სასამართლო რეალურად დამოუკიდებელი და ამ ჯგუფს ხელში არ ჩავუგდებთ, აი, როგორ გითხრათ, დღესვე დავტოვებ პარლამენტს", განაცხადა საპარლამენტო უმრავლესობის წევრმა, ლევან გოგიჩაიშვილმა პარლამენტის პლენარულ სხდომაზე, სადაც კანონმდებლები განიხილავენ კანონპროექტს „საერთო სასამართლოების შესახებ“ საქართველოს ორგანულ კანონში ცვლილებების შეტანის თაობაზე, რომლის თანახმად, 2024 წლის 31 დეკემბრამდე უნდა შეჩერდეს რაიონულ (საქალაქო) და სააპელაციო სასამართლოებში მოსამართლის უვადოდ განწესება.
„მინდა მოგმართოთ „ქართული ოცნების" ე.წ. აღშფოთებულ ნაწილს - რატომ გეგონათ, ბატონებო, რომ ბიძინა ივანიშვილი რამეს შეცვლიდა და თუ სადმე სისტემაში მართლა ხარვეზი იყო, მის გამოსწორებას ეცდებოდა", განაცხადა „ევროპული საქართველოს" წევრმა, აკაკი ბობოხიძემ პარლამენტის პლენარულ სხდომაზე.
ცხოვრებაში ვერ წარმოვიდგენდი, რომ იმ კანონპროექტს მხარს დიდი სიამოვნებით დავუჭერდი, რომელსაც თქვენი გუნდის წევრი გამოიტანდა დასამტკიცებლად, ასე მიმართა „ერთიანი ნაციონალური მოძრაობის" პოლიტსაბჭოს თავმდჯომარემ, ნიკა მელიამ იურიდიულ საკითხთა კომიტეტის თავმჯდომარეს, ანრი ოხანაშვილს პარლამენტის სხდომაზე, სადაც კანონომდებლები მოსამართლეთა უვადო დანიშვნასთან დაკავშირებით კანონპროექტს განიხილავენ.
დეპუტატი ეკა ბესელია, რომელმაც პარლამენტის დღევანდელ სხდომაზე დეპუტატებს გააცნო კანონპროექტი „საერთო სასამართლოების შესახებ“ საქართველოს ორგანულ კანონში ცვლილებების შეტანის თაობაზე, რომლის თანახმად, 2024 წლის 31 დეკემბრამდე უნდა შეჩერდეს რაიონულ (საქალაქო) და სააპელაციო სასამართლოებში მოსამართლის უვადოდ განწესება, აცხადებს, რომ დღევანდელი სასამართლო ხელისუფლება პოლიტიკური დებატებია ჩართული, რაც მიხეილ სააკაშვილის პერიოდის სასამართლოშიც კი არ ხდებოდა.
„ცვლილება, რომელსაც ახლა წარმოადგენს ეკა ბესელია, არის უმნიშვნელოვანესი და ჩვენ მოვითხოვთ, რომ უვადოდ დანიშვნა საერთოდ გაუქმდეს მოსამართლეების, რადგან ჩვენი ქვეყანა დღეს ამისათვის არ არის მზად“, განაცხადა „პატრიოტთა ალიანსის“ დეპუტატმა, პარლამენტის თავმჯდომარის მოადგილემ, ირმა ინაშვილმა.
მე ხმას გაძლევთ, ასე მიმართა საპარლამენტო უმრავლესობის წევრმა, ნუკრი ქანთარიამ დეპუტატ ეკა ბესელიას, რომელმაც მანამდე კანონმდებლებს მოსამართლეების უვადოდ გამწესებასთან დაკავშირებით მისი კანონპროექტი წარუდგინა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.