საქართველოს პრეზიდენტი გიორგი მარგველაშვილი ბორჯომის ხეობაში ჩავიდა. მარგველაშვილი ხანძრის სალიკვიდაციო სამუშაოებს ადგილზე ეცნობა.
საგანგებო შტაბი ატენისა და ბორჯომის ხეობებში ამ დროისთვის არსებული ვითარების შესახებ, განცხადებას ავრცელებს.
ატენის ხეობაში, სოფელ ზემო ბოშურის მიმდებარე ტერიტორიაზე ტყეში გაჩენილი ხანძარი ლიკვიდირებულია.
საქართველოს მთავრობის ადმინისტრაცია აცხადებს, რომ „ბორჯომის ხეობაში ხანძრის გავრცელება შეჩერებულია, ცეცხლის არეალი კი საგრძნობლად შემცირებული. თუმცა კვლავ რჩება რამდენიმე კერა“, ატენში კი „ხანძარი ლოკალიზებულია“.
ბორჯომის ხეობაში, სოფელ დაბის მიმდებარე ტერიტორიაზე გაჩენილი მასშტაბური ხანძრის სალიკვიდაციო ოპერაციაში დილიდან კვლავ ჩაერთო ავიაცია და იქ არსებულ საავიაციო სატრანსპორტო საშუალებებს - აზერბაიჯანისა და თურქეთის რესპუბლიკის მთავრობების მიერ გამოგზავნილ ვერტმფრენებს - თურქეთიდან გამოგზავნილი სპეციალური სამაშველო თვითმფრინავიც შეუერთდა.
შინაგან საქმეთა სამინისტროს საგანგებო სიტუაციების მართვის სააგენტოს განცხადებით, ატენის ხეობაში ხანძარი ლოკალიზებულია.
გორის მუნიციპალიტეტის სოფელ ზემო ბოშურის მიმდებარე ტერიტორიაზე, ატენის ხეობაში, სადაც ტყეში გაჩენილ ხანძარს ებრძვიან, მას შემდეგ რაც საქართველოს პრემიერ მინისტრმა გიორგი კვირიკაშვილმა საქართველოს პრეზიდენტს, გიორგი მარგველაშვილს ქვეყნის რეგიონებში გაჩენილი ხანძრის ლიკვიდაციის მიზნით, „სამხედრო ძალების გამოყენების წარდგინებით“ მიმართა, თავდაცვის მინისტრი ლევან იზორია ჩავიდა.
ბორჯომის მუციპალიტეტის სოფელ დაბის მიმდებარე ტერიტორიაზე მასშტაბური ხანძრის სალიკვიდაციოდ შექმნილმა საგანგებო შტაბმა მორიგი სხდომა გამართა, რომლის დასრულების შემდეგაც რეგიონული განვითარებისა და ინფრასტრუქტურის მინისტრმა ზურაბ ალავიძემ მედიას განუცხადა, რომ ამ ეტაპზე მოსახლეობის ევაკუაციის საჭიროება დღის წესრიგში არ დგას და წუხანდელთან შედარებით უფრო საიმედო მდგომარეობაა, თუმცა ყველაფერი ამინდზე იქნება დამოკიდებული.
ატენის ხეობაში, გორის მუნიციპალიტეტის სოფელ ზემო ბოშურთან ხანძარია გაჩენილი, რომელიც დაახლოებით 2 ჰა-ზეა მოდებული და რომლის ჩაქრობაც ამ დრომდე ვერ ხერხდება.
ბორჯომის ხეობაში გაჩენილი ხანძრის ლოკალიზების პროცესში უკვე 5 ვერტმფრენი მონაწილეობს. ხანძრის ჩასაქრობად 1 აზერბაიჯანულ და 2 ქართულ ვერტმფრენთან ერთად, 2 თურქული ვერტმფრენიც ასრულებს საავიაციო სამუშაოებს, აღნიშნულია განცხადებაში, რომელიც ცოტა ხნის წინ საგანგებო შტაბმა გაავრცელა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.