ირანში კორონავირუსის შედეგად გარდაცვლილთა რაოდენობამ 4000-ს გადააჭარბა. ამჟამად ირანში „კოვიდ-19“ -ით 4003 ადამიანია გარდაცვლილი. ინფორმაციას გამოცემა „როიტერსი“ ირანის ჯანდაცვის სამინისტროზე დაყრდნობით ავრცელებს.
პაკისტანში სამარათალდამცველებმა დააკავეს ექიმები, რომლებიც ქვეყანაში სამედიცინო აღჭურვილობის სიმცირეს აპროტესტებდნენ. ინფორმაციას Reuters-ი ავრცელებს.
სამხრეთ კორეა კარანტინის წესების დამრღვევთათვის ზომებს ამკაცრებს და ნებისმიერი პირი, რომელიც არ დაემორჩილება ახალ კანონს ციხეში ერთი წლით თავისუფლების აღკვეთა მოელის ან 10 მილიონი კორეული ვონის- 8,200 აშშ დოლარის ჯარიმის გადახდა მოუწევს. ახალი კანონი ძალში 5 აპრილიდან შევა.
ინდოეთში ახალი კორონავირუსის შედარებით ცოტა დადასტურებული შემთხვევაა გამოვლენილი და ამ ფონზე ქვეყანაში არაერთი მაცდუნებელი რჩევა ვრცელდება იმასთან დაკავშირებით თუ როგორ უნდა ებრძოლონ ამ ახალ ვირუსს.
ოთხშაბათი პირველი დღე იყო ჩინეთში, როდესაც ახალი კორონავირუსის არც ერთი შიდა შემთხვევა არ გამოვლენილა. ქვეყანაში, სადაც აქამდე უცნობმა კორონავირუსმა გასული წლის დეკემბრის ბოლოს იფეთქა, დღემდე 81 000-ზე მეტი ინფიცირებული გამოვლინდა - 3 245 გარდაიცვალა, 70 000-ზე მეტი გამოჯანმრთელდა, ხოლო ამჟამად ინფექციით 10 000-ზე მეტი ადამიანია დაავადებული და მკურნალობას გადის.
ჩრდილოეთ კორეამ კარანტინიდან 70 უცხოელი გაათავისუფლა და უკვე იზოლაციიდან საერთო ჯამში დაახლოებით 300 უცხო ქვეყნის მოქალაქეა გათავისუფლებული. სამხრეთ კორეის ახალი ამბების Yonhap -ის თანახმად, რომელიც ჩრდილოეთ კორეის სახელმწიფო მედიაზე დაყრდნობით წერს, კარანტინიდან გათავისუფლებული უცხოელები სამედიცინო მეთვალყურეობის ქვეშ განათავსეს.
ჩინეთის ცენტრალური პროვინციის, ჰუბეის ქალაქ ვუხანში, სადაც კორონავირუსმა 2019 წლის დეკემბრის ბოლოს იფეთქა, 103 წლის ქალი, ძანგ გუანგფენი ინფექციისაგან ერთ კვირაში სრულად განიკურნა. ის საავადმყოფოდან სამშაბათს, შუადღისას გაწერეს.
ჩინეთის პრეზიდენტი სი ძინპინი ვუხანს ესტუმრა, კორონავირუსის აფეთქების ეპიცენტრს, და პეკინს გზავნილი მიაწოდა, რომ მდგომარეობა კონტროლს ექვემდებარება. მისი ვიზიტი ვუხანში იმ ფონზე შედგა, რაც ჩინეთმა გამოაცხადა, რომ სამშაბათს ვირუსით ყველაზე მცირე რაოდენობის, მხოლოდ 19 ადამიანის ინფიცირებას ჰქონდა ადგილი - ყველა შემთხვევა ვუხანში მყოფთ დაუდგინდა, გარდა ორი პირისა, რომლებიც საზღვარგარეთიდან ჩავიდნენ იქ.
სასამართლომ სიკვდილი მიუსაჯა ჩინელ მამაკაცს, რომელმაც იუნანის პროვინციაში კორონავირუსის შესამოწმებელ პუნქტთან ჯანდაცვის ორი ოფიციალური პირი მოკლა, იტყობინება CNN პროვინციის მთავრობაზე დაყრდნობით.
ირანის ვიცე-პრეზიდენტს ქალებისა და საოჯახო საკითხებში მასუმე ებტეკარს კორონავირუსი გამოუვლინდა. ინფორმაციას ირანული მედია ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.