100 მილიონი ტონის მასის ასტეროიდი 2011 UW 158, რომელიც პლატინისგან შედგება და რომლის ღირებულება ყველაზე მცირე გათვლებითაც კი 5,4 ტრილიონ დოლარს შეადგენს, დედამიწას მიუახლოვდა. ბრიტანული „ინდეფენდენთის“ ცნობით, დედამიწას ის 19 ივლისს გრინვიჩის დროით საღამოს მიუახლოვდა.
პრემიერ-მინისტრის ირაკლი ღარიბაშვილის განცხადებით, „თბილისი 2015“-ის ფესტივალის დასრულების შემდეგ, ოლიმპიური სოფელში დევნილ ოჯახებს საცხოვრებელი ფართები გადაეცემათ. ამის შესახებ ღარიბაშვილმა თბილისის ზღვის ტერიტორიაზე გაშენებული ოლიმპიური სოფელის გახსნისას განაცხადა.
ლიტვის რესპუბლიკის ახალი ელჩი საქართველოში გიედრიუს პუოჯუნასი თბილისს 22 ივლისს ეწვევა. ლიტვის საელჩოს ინფორმაციით , ლიტვის პრეზიდენტმა, დალია გრიბაუსკაიტემ საქართველოში ელჩად დანიშვნის მიზნით, ლიტველ დიპლომატს რწმუნებათა სიგელები 2015 წლის 19 ივნისს გადასცა.
საქართველოს ენერგეტიკისა და წყალმომარაგების მარეგულირებელი ეროვნული კომისიის ინფორმაციით, მოქალაქეები სასმელი წყლის მრიცხველის 100-ლარიან საფასურს აღარ გადაიხდიან.
საქართველოს იუსტიციის სამინისტრო პროკურატურის საკანონმდებლო რეფორმის საბოლოო რედაქციას აქვეყნებს, რომელიც ვენეციის კომისიის, ეუთოსა და ევროპელ პროკურორთა საკონსულტაციო საბჭოს რეკომენდაციებს ასახავს.
საბერძნეთში ბანკები სამკვირიანი დახურვის შემდეგ გაიხსნა. BBC -ის ცნობით, ბანკებთან დიდი რიგებია. ამავე დროს ბანკომატებიდან თანხის გატანაზე შეზღუდვები კვლავ იმოქმედებს. კერძოდ, კვირის განმავლობაში თითოეულ მოქალაქეს მაქსიმუმ 420 ევროს ოდენობის გატანის შესაძლებლობა ექნება.
შინაგან საქმეთა ყოფილი მინისტრი ალექსანდრე ჭიკაიძე სახელმწიფო უსაფრთხოებისა და კრიზისების მართვის საბჭოს მდივნის, მინდია ჯანელიძის მოადგილედ რამდენიმე დღის წინათ დაინიშნა.
პარტია „ქართული დასის“ თავმჯდომარე ჯონდი ბაღათურია მოსახლეობას ელექტროენერგიის ტარიფების გაზრდის გაპროტესტებისკენ მოუწოდებს. როგორც ბაღათურიამ პორტალ „კვირას“ პრესკლუბში განაცხადა, ენერგეტიკის მარეგულირებელი კომისია 22 ივლისს სხდომას მართავს, სადაც ელექტროენერგიის ტარიფის 30%-ით ზრდის საკითხი განიხილება.
საქართველოს პრემიერ-მინისტრმა, ირაკლი ღარიბაშვილმა თბილისის ზღვაზე "თბილისი 2015"-ის ოლიმპიური სოფელი გახსნა. მან ოლიმპიურ სოფელში შეკრებილ საზოგადოებას ოლიმპიური სოფლის მერი წარუდგინა. აღნიშნულ სიმბოლურ თანამდებობას ქართველი ფეხბურთელი ლევან კობიაშვილი დაიკავებს.
საგარეო საქმეთა სამინისტროს პრესსპიკერის დავით კერესელიძის შეფასებით, საქართველო-სომხეთის საზღვრის გადმოწევის ილუზია რეალურად, საზღვრის დელიმიტაციამ შექმნა. როგორც მან დღეს გამართულ პრესკონფერენციაზე აღნიშნა, არანაირ საზღვრის გადმოწევას 10 ჰექტარით ადგილი არ ჰქონია.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.